Biblia Todo Logo
Bib sou entènèt

- Piblisite -




LUKA 1:77 - Cho Bible Common Language 2016

77 Bawipa ah ak chang gui-am, ami katnak m’gein gui sei, hun nak ami gah vai ah mawng m’thein gui khai nei.

Gade chapit la Kopi




LUKA 1:77
19 Referans Kwoze  

Bawipa yum ci gui ah chang phung cu a hlüngtai nak ming awn ami katnak m’geinsei gui khai, cine prophet gui naw pyein man ci gui” cine pyein ci.


Israel chang gui ng’yu ba u netah ami kat ami phiawn nak vai ah, Khanpughi naw cun ah Bawipa cu, thawh ba sak netah akpat lam ung ang vaipi lah Hun Bawipa ah ngoh sak pyi ci nei.


Peter naw, “nang mi ak chang sing cu, nami katnak ung ka nami ng’yu ba vai, Bawipa Jesuh Khrih ah ming awn tui nami hnim vai, cun ung nami katnak cu ning m’gein gui seih, nang mi naw Khanpughi ah Mumcha Theing cu nami gah khai.


Cun ah kiah seih ng’yu ba u neh Khanpughi ah ng’hlat law vä, nami katnak ning m’gein gui khai.


Cun ah chang cu kei naw ka hmu pyi ci kyasei, “Ani cu Khanpughi ah Htapa ah kyak ci nei, cine ka ning m’thein gui nei” cik ci.


A ngawi ung Bawipa Jesuh a law Johan naw hmu netah, “Teng vä! Ani cu, khomdek khan ah hmakat nak hteh püi ciah Khanpughi ah Htome hta nei.”


Hnicim chang avan naw Khanpughi ah hun nak cu hmuk khai nei” ciah kyak ci.


Cun ah kyasei Johan cu Jodan Tuinu lawngyung pigaw avan ung hteit netah, “Nami kat nak ng’yu ba ne tui ng’hnim yawp vä; Khanpughi naw nami katnak ning m’gein gui khai nei” ci ne ng’thu pyein ci.


Bawi Khrit naw ng’ap ne a sih nak awn mikmi cu mi k’phiawn pyi ci, cun cu küikyang ciah Khanpughi ah m’gein nak ah kyak ci.


A u naw phi Bawipa hmat vai ah mawng apigaw-chang kä theithang khai, a i ah kyasei ci ung a hmaw pikbäih ungka naw ang vaipikbäih ung khüt sei, chang avan naw kei nah mat khai, kei naw ami katnak ka m’geinsei gui khai, ami cheishah nak kä ka shüm ba khai. Kei, Bawipa naw ka pyen nei.”


Jesuh Khrit ah a sih nak awn chang gui cu, katnak ungka ami phiawn vai ah Khanpughi naw, ani cu chang m’küi nak ah m’hnüt ne k’bäi ci. Chang gui cu ani ami yum nak awn katnak ungka phiawn nak gah ci gui. Khanpughi naw cun ah abi cu, a i chaa ah chang gui ang düng sak gui ah mawng am dang nak ah kyak ci. Yanä akhin ung chang gui ah katnak cu, Khanpughi naw hnimgei nak awn m’düm gui ci.


Paul naw, “Johan ah tuihnim cu katnak ungka ng’yu ba ci gui ah hmawk ah kya ci, Johan naw ka hnu ah lawk ciah Bawipa cu nami yum vai cine Judah chang gui am m’thei gui ci. Cun ah Bawi cu Bawipa Jesuh ah kya ci” cine m’thein gui ci.


Swiv nou:

Piblisite


Piblisite