LUKA 1:73 - Cho Bible Common Language 2016

^73-74 Mikmi cu ga ah kut ung nak phiawn gui ne, kä kyikyawk ne abi mi bi vai ah mipa Abraham ah ma ah shaitaak nak pe pyi ci.

LUKA 1:73 Referans Kwoze

SAM 105:9

Abraham aw yum nak ani bi la Issak am shai a taak cu k’pang khek khai.

THULÄÄN NAK 7:8

Cun ung phi Bawipa naw ning m’hni gui ci. Nami pupa gui awn abi ah shaitak cu khän htek sak hlük ci. Cun cu ani naw dämduh ciah am gäi nak awn, a ning hun gui la Egypt ghangpughang ah changshäm ungka a ning m’hlawt gui ah hmawk ah kyak ci.

JEREMIAH 11:5

Kei naw ami pupa gui awn shaitak ka bi cu kei naw ka paang khai, cun cu thuhbäi ami om nak ah bühmang ne anglei nik ciah khaw ka peik gui vai ah kyak ci.” Kei naw, “Ä, BAWIPA” ka cik ci.

THULÄÄN NAK 7:12

Nangmi naw shin ah thukhän gui cu ngai ne, bekhüt ne nami läk ah a kyak ungBawipa nami Khanpughi naw nami pupa gui ung a shaitak ah mäih ah nangmi awn ang thukhän cu k’täi ne k’pang khai. Ani ah ng’täi ciah am hni nak phi ning m’dang gui khai.

HEBRU 6:13

Khanpughi naw Abraham am shaitaak nak a peit yah ung a shaitaak bä bä ah bik khai ah ng’phyun ci. Cun ung amät ah hlüngtai pi ci a u kä om ci kyasei, amät ah ming awn ng’phyun ne pyein ci.

ATÜNNAK 26:3

A shin ung na om vai, kei naw ka ning om püi khai, hriham ka ning pek khai. Nang la na htangshon am shin ah khaw avan ka ning pek khai. Na pa Abraham ung ka bi ah shaitak cu ka kümbe sak khai.

ATÜNNAK 24:7

Khankhaw Khanpughi Bawipa naw ka pa ah im ungka la ka khaw chang gui ah khaw ungka, na law püi ne, shin ah khaw cu ka hta ah ng’shon am pek khai ah shaitak nak bi pyi ci nei. Ani naw khanchang gui cu na ma ah tüi law sei, ka hta ah chu vai cu nang naw na la hlawt khai nei.