LUKA 1:71 - Cho Bible Common Language 2016

⁷¹ Ani naw ga ah kut kyong ungka la, na thüi na gui ciah kut kyong ungka na hun gui pyi ci nei.

LUKA 1:71 Referans Kwoze

SAM 106:10

Ani naw ami gen nak gui ungka hun gui ne, ami ga gui ah kut ungka gung gui ci.

JEREMIAH 23:6

Ani ghangpughang ah a kyak law ung Judah chang gui cu phyawng khai gui, Israel chang gui cu dimdeeih nak ung om khai gui. Ani cu “Ani cu Bawipa mi hun bawi” ah khü khai gui.”

THULÄÄN NAK 33:29

Israel gui, a i hlawk ah nami yei ci ang? Nang mi ah mäih ah Bawipa naw a hun ah pakhui a u kä om ci nei. Bawipa amät cu nami shawi la nami khim ah kyak ci. Acun naw ning shungvong gui ne, näng nak ning pe gui ci. Nami ga gui law u ne, nami chimgein gui vai ah ng’pa lawk khai gui. Nangmi naw nami kai na gui khai.

EZEKIEL 34:28

Ahei changpakhui gui naw kä gut tep ba gui khai gui, khisa gui naw kä lo, kä ei ba gui khai. Ngami cu geingbawi sei om khai gui, a u naw kä kyihkyawk sak gui khai.

JEREMIAH 32:37

Kei naw ka m’lungshe nak la ka nget ngawn nak awn ka püi pyang sak nak gui ah khopäing aran ungka chang gui cu ka k’bum ba gui khai nei. Cun kawn ah kei naw dimdeeih nak awn law püi ba gui ne shin ah khaw ung phyawng ne ka om sak gui khai.

EZEKIEL 34:25

Kei naw ngami awn thukhän ka bik khai, acun naw ami ngaih gep nak vai ah ng’kham pe gui khai. Kei naw kyihkyawk vai kyak ciah khisa gui avan khaw ungka ka k’täm gui khai, cun ung kei ah ka htome gui cu phyawng m’htein ne lolai ung lum u ne, bung hmu ah ip khai gui.

1 JOHAN 3:8

Cheishoh nak bi lä ciah chang cu Khoshe ah paw ah kyak ci, a i ah kyasei ci ung Khoshe cu ak htük ge ung cheishoh ciah kyak ci. Khanpughi ah Htapa a kyum law nak ah a mawng cu, Khoshe ah bilawh phung m’di ne m’siu vai ah kyak ci.

EZEKIEL 38:8

Khokum akda alüng kawn kei naw ani cu thukbäi ne khopäng tumat ka tuk sak khai. Acun ung changpakhui akda ungka chang gui cu atäng ah law püi ba gui ung, ngami cu ng’tuk kä kyih ne acun ung om ci gui. Ani naw ak shounu shiu ne bung ci, cungphi chang gui ami van phyawng ne ami om nak ah Israel khomhtung gui cu ani naw tuk khai.

EZEKIEL 28:26

Ngami acu ah phyawng m’hteim ne om khai gui. Ngami im gui co u ne sapyit gui geit khai gui. Ngami shedam na gui ciah ami peileng ah ka gui man cu kei naw ka m’kyuk gui khai, Israel gui cu phyawng htein ne om khai gui. Cun kawn ah ngami naw kei cu Bawipa ami na Khanpughi ah na hmat khai gui.

SAM 106:47

O Bawipa kami Khanpughi, na hun gui ä, chang khuihei gui ah ng’lung ungka na k’plawk ba gui ä, cun ah kyasei keimi cu yeikyai ne, nang ming theing kami m’taam khai.

LUKA 1:68

“Israel gui ah Khanpughi Bawipa cu m’hlüngtai tu vä, Ani cu akchang gui m’htei gui khai ah law ne, phiawn sak gui pyi ci nei.

2 GHANGPUGHANG GUI 17:39

Nami Khanpughi, Bawipa, kei cu nami na ngaih vai, kei naw nami ga gui ungka, ka ning gung gui khai.”