LUKA 1:69 - Cho Bible Common Language 2016

⁶⁹ Ak changshäm David ah hta ng’shon ung, hlüngtai ciah Hunbawi cu dang sak pyi ci nei.

LUKA 1:69 Referans Kwoze

SAM 18:2

Bawipa cu kei ah lung, kei ah vongpang, Kei ah Hunbawi, kei ah Khanpughi, ani cu kei ah phyawn nak ah kyak ci. Ani naw shawi ah mäih ah na shung ci; Ani naw nang vong ne nak phyawn ci.

EZEKIEL 29:21

“Cun gui a kyak law ung, kei naw Israel gui cu thaghat sak gui ne, chang nü naw aning yak nak hning vai ung, nang Ezekiela cu ka ning thu sak khai nei, cun ah kyasei nangmi naw kei cu Bawipa ah ka kyak ciah nami na hmat khai nei.

2 SAMUEL 22:3

Ka Khanpughi cu ka ng’shung nak, Ani ung om ne, kei ka phyawng ci. Ani naw shawi ah mäih ah na shung vong ci; Ani naw na cham ne pang ne na hun ci, Ani cu ka hunbawi nei; Ani naw hung sai ung na shung vong ne, nak phyawn ci.

1 SAMUEL 2:10

Bawipa ah gaa gui cu dishum khai gui; Ani naw khan ah ka naw hmun kyeek awn hnu ng’tuk püi gui khai. Bawipa naw khaw ng’lei avan m’khoi chak khai; ani naw a ghangpughang huham pek khai, ani naw a ghü ah ghangpughang cu näng m’khüt sak khai.”

SAM 89:17

Nang naw m’khüt nak akdäm na pe gui ci, na m’hni nak awn na na näng sak gui ci.

1 SAMUEL 2:1

Hannah taigü ci; “Bawipa naw ka m’lung cu yei nak awn be sak ci; Ani ah bi ah phäh ah ka yeikyai aih ci nei! Ka gaa gui cu ka gaih tu gui ci; Ka yei aih ci nei, Khanpughi naw na m’htei sei!

MAKUH 11:10

Gawk lawk khai ah mipa David Ghangpughang ah uknak kho cu yeikyai nak om sä, Khanpughi cu m’hlüngtai vä” cine m’lau ci gui.

THU PHLAAN 22:16

“Kei Jesuh naw nangmi Khrithabum gui-am shin ah a mawng gui cu shäu ne ning m’thein gui khai ah ka khankho chang cu ka tüi lawk ci nei. Kei cu David ah hta ng’shon ah ka kyak ci, ng’shü ne khang ciah thaihke aisi ah phi ka kyak ci.”

AMOS 9:11

Bawipa naw, “Kei naw David ah uknak khaw ka cawh kyan ba nak vai ah akhin cu gawk lawk ci nei, cun cu ng’phyek ciah im ah mäih ah kyak ci nei. Akpaang gui cu piang ba ne, ka bum gui khai. Cun cu kei naw co ba ne, acau kaa ah mäih ah ka pyang ba khai nei.

MATTHE 1:1

Shin cu Abraham ah hta ng’shon, David ah pakhui, Jesuh Krit ah ng’shon law ang tän ah kyak ci.

SAM 89:3

Nang naw, “Ka ghü ah chang awn ng’thumkhän cu ka bik ci nei; Ka changshäm David ung shai ka tak ci nei,

1 GHANGPUGHANG GUI 11:13

Cun ung phi cun ah uknak khaw avan cu nang ungka kä ka lak khai; cun nak vaisü ung, ka changshäm David ah phäh la ka mät ah ka vai ah ka pyan Jerusalem mang gaw ah phäh ah kei naw ani am pakhui tumat ka nawng pek khai.”

2 SAMUEL 7:26

Nang ming cu dämduh khai, chang gui naw ngawi yä pyen khai gui, ‘Hlüngtai ciah Bawipa cu Israel avan ah Khanpughi nei! Nang naw kei ah hta ng’shon cu ak phlüt ah na ngäng khai.

JEREMIAH 30:9

Cunnak vaisü ung ngami naw Bawipa ami Khanpughi la David ah htangshon, kei naw ghangpughang ah ka hmoh law vai ah abii cu loik khai gui.