LUKA 1:66 - Cho Bible Common Language 2016

⁶⁶ Cun ah a mawng gui cu Judea kho, khosiip lam avan ung thang yawp ci. Cun ah mawng ng’ya tuk ciah chang gui naw, “Cun ah ak hmaw cu a i ah mäih chang ah kya lawk khai ang?” cik ci gui. Cun ah ang htei kawn ah Bawipa ah hlüngtai nak cu ani ah khan ah om ci.

LUKA 1:66 Referans Kwoze

LAMKTU 11:21

Ngahmi ung Bawipa ah hlüngtai nak cu om sei, chang akhli naw Bawipa cu yum ne ng’hlat lawk ci gui.

LUKA 2:51

Cun kawn ah ak hmawhta Jesuh cu anu la apa awn a täng ah Nazareth ah hteit ba u netah, anu la apa ah ng’thu ngai ne om ci. Cun ah a kiak ah mawng gui cu anu Mari naw am lung kyong ung avan htin ci.

LUKA 2:19

Cun ung phi Mari cu acun ah mawng gui avan ngai ne shüm ba ci.

ATÜNNAK 39:2

Joseph cu Bawipa naw m’htei ne m’khüt näng nak pek ci. Ani cu Egypt chang a bawi ah im ah om ci.

LUKA 9:44

“Chang ah Htapa cu chang gui ah kut ung ap khai gui nei, Cun cu kä nami m’hnih-en vai nei” cine ang düihpüi gui-am kyak na gui ci.

LUKA 2:40

Ak hmaw cu däm ng’vai ne gaigawng ci. Ani cu cüivai lunglang ci, Khanpughi ah m’shumphyuk nak cu ani ah khan ah be ci.

LUKA 1:80

Ak hmaw cu däm ng’vai law ne pumsa, mümcha avan ung kümbe lawk ci. Ani cu Israel chang gui ah ng’lung ah dang khai ah bi kä abi pha güt ung kho ng’gau kho ah om cang ci.

SAM 119:11

Na thukhän cu ka m’lung ung ka chum ci nei, Ning hnu ng’tuk püi ne katnak kä ka bik khai nei.

SAM 89:21

Kei ah ka thagui cu angtäi sei ani ung om khai. Kei ah ka huham naw ani cu khüighat sak khai.

1 GHANGPUGHANG GUI 18:46

Bawipa ah huham cu Elijah ah khan ah gawk law sei; a suisak awn a khei htün ne khit neta, Jezreela ah hteh nak lam avan ung Ahab ah ma ung dawng ne ana hteit ci.

1 SAMUEL 16:18

Acun ung om ci gui ung ka tumat naw, “Bethlehem ah ka Jesse ung akni ah tumkhawng thei ciah a hta pami om ci. Ani cu ng’phet ne, kyom ci, gakap ni ah kyak ci, thu m’gawng thei ciah kyak ci. Ani cu Bawipa naw om püi ci.

1 SAMUEL 2:18

Cun yah ung ak hmaw Samuel cu Bawipa ah bi bi gäk gäk ci. Ani naw theing ciah

ATÜNNAK 37:11

A phäi gui ami van naw m’thüi nak ci gui. Cun ung phi apa naw cun cu m’hnüt ci.

SAM 80:17

Na ghü ah chang gui la na khüighat sak ah pakhui gui cu shung ne ng’vong gui ä.

KOLOSE 1:5

Thudüng, thuni a gawk law htük yah ung ng’shut lawk ciah ngaih u nak cu nami ng’ya pyi ci nei. Cun ah kyasei nami yum nak la nami m’hni nak cu khankho ah gim ah ngaih u nak ung ng’yung ci nei.