LUKA 1:53 - Cho Bible Common Language 2016

⁵³ Cawigha ci gui-am tuihlim ci tumbei gui ne, bämang ci gui cu ami yüng ah hteh sak gui ci.

LUKA 1:53 Referans Kwoze

LUKA 6:21

“Cawigha ciah chang gui yeikyai vä, Nangmi cu nami Phü m’ghüm khai nei. “Ang phli li ciah chang gui yeikyai vä, nami yeikyai nak gawk lawk khai nei.

SAM 34:10

Kawng hlui cu a ei vai kä om se a cawi ung phi, Bawipa läk ciah chang cu ni kyom nak kä shum khai nei.

LUKA 6:24

“Cun ung phi, ng’bühmang ciah chang gui ding gei sei nami om ci, Nangmi ung thüi sei nak om ci nei!

MATTHE 5:6

“Khanpughi ah ng’yak hlü ah bilo hlük ciah chang gui yeikyai vä; Nangmi cu Khanpughi naw nami ng’yak hlü ning k’be sak gui khai!

1 KORIN 1:26

Phäinau gui aw, nami mät Khanpughi naw a ning khü gui ah mawng cu nami ngaih-tüh ba vai nei. Hnicim chang ah hmuh nak ung, nang mi cu, hmulmatciah chang, hlüngtai ciah chang, a pakhui küikyang ciah chang kä nami da ci.

JOHAN 6:35

Bawipa Jesuh naw, “Kei cu ghin nak m’htut ah ka kyak ci, kei ah lawk cicu a i sangung phi ei kä cawi ba khai; kei na yum cicu a i yah ung phi tui kä gha ba khai.

1 SAMUEL 2:5

Ami phü ah ei man ciah chang gui cu, ei ami gah vai ah ami mät ng’hlawh ci gui. Ei cawi man ci gui cu kä cawi ba ci gui. Kä hta ciah chu cu chih ah hta ci, Cun ung phi chang akda ah nu ung a i kä om ba ci.

1 KORIN 4:8

Nangmi cu nami ng’yak hlü päng kumbe pyi ne maa! Nami ng’büh mang ei pyi ci maa! Keimi hnaw ghangpughang ah kä kya u ngä sei, nangmi ghangpughang ah nami kya pyi ci maa! Nangmi cu akcang ah ghangpughang ah nami kyak vai ka ng’ya hlük ci, cun ung vah keimi phi nangmi awn a täng ah ghangpughang ah kami kya tuk khai.

EZEKIEL 34:29

Kei naw ngami am anglei nik ciah lolai cu pe gui ne, khaw ung ei cawi nak cu ka ng’pyi sak khai. Ahei changpakhui gui naw ngami cu kä m’lepse na ba gui khai.

SAM 146:7

Ani cu ami shedam nak ah chang täng ah om ci. Ei ah cawi ci gui am ei m’bei gui ci. Bawipa naw thawng kyum ci gui cu m’hlawt gui ci.

LUKA 1:54

Pupa gui ah ma ah a shaitaak cu kümbe sak ne, ak chang shäm Israel chang gui cu m’htei gui khai ah law pyi ci nei.