LUKA 1:49 - Cho Bible Common Language 2016

⁴⁹ A i ah kyasei ci ung hlüngtai säih ciah Khanpughi naw kei ah hmawk ah aküikyang cu bi pyi ci nei. Ani ah Ming cu theingcim ci;

LUKA 1:49 Referans Kwoze

SAM 111:9

Ani naw a chang gui cu phyawn sak gui ne, ng’täi ciah thumkhän cu be püi gui ci. Theingcim ne m’gäi cicu ani nei!

SAM 99:3

Chang avan naw dämduh ne hlüngtai ciah aming cu m’taam khai nei. Ani cu theingcim ci nei!

JEREMIAH 10:6

Bawipa, nang ah mäih a u phi kä om ci; nang cu na m’gäi ci, nang ah ming cu dämduh ne huham mah ci.

EPHESIAN 3:20

Mikmi ah m’lung kyong ung a hlüngtai nak awn bi bik ci naw, mik mi naw mi ngaih-tüh mi ng’yoih thäh ah tah, däm pi sei na pe gui hning ci nei;

ATÜNNAK 17:1

Abram a khawkum 99 a law sang ung Bawipa cu Abram ah ma ah dang law neta, “Kei cu Hlüngtai ciah Khanpughi ah ka kyak ci, ka ng’thu ngai ne angtäi sei düng cicu na bi vai.

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

THU PHLAAN 15:4

Nang cu kä ning kyih aa ne, A u kä om hlawt khai nei, Bawipa! Nang ah küikyang hlüngtai nak cu ng’hlahta ne, A u om hlawt khai ang? Nang bäng na theing ciim ci nei. Nang ah bilawh cu chang avan naw hmu pyi ciah kyasei, Khaw päng ungka chang nüng law ne, Ning khawihnah lawk khai gui nei” ciah kyak ci.

SAM 99:9

Bawipa mi Khanpughi cu m’taam vä, Theingcim ciah khomhtung ung khawihnah vä! Bawipa mi Khanpughi cu Theingcim ci nei.

1 SAMUEL 2:2

“Bawipa ah mäih ah theingcim ci, a u kä om ci nei, Mi Khanpughi ah mäih ah shungvong ci, a u kä om ci.

PHYAWN NAK 15:11

Bawipa, khanpughi gui ah ng’lung ah nang ah mäih om ne ang? Cäicat vai ah theingciim ci nang ah mäih om ne ang? Nang ah mäih ah cäi aih vai bi ne m’gäi ne hnüntho ci om ne ang?

ISAIAH 6:3

Ngami tumat la tumat ng’khü tu u ne: “Atheing, atheing, atheing! M’gäi ciah Bawipa cu atheing? Ani ah bäingang hak naw khomdek be sak ci nei.”

JEREMIAH 20:11

Cun ung phi nang Bawipa cu kei täng ah na om ci, na k’thamah ci, na m’gäi ci, kei na k’dukdeiu nak ci gui cu shum khai gui nei. Ngami cu kä näng hning phung u ne, angtäi sei thüisei khai gui. Ami thüisei nak cu kä m’hnih hlawt khai gui.

THU PHLAAN 4:8

Cun ah khiküi paphli cu, ami ng’phia pachuk ci lawk ci, ami pum akpung akyong avan ung mik bäng ah kyak ci. Amü ak hnüüp ngami cu kä ng’düm phung ne ng’äi m’cu u ne; “Aktheing, aktheing, aktheing cu Bawipa nei, Hlüngtai pi säih ne, Zanta, tuhngawi, ngawi yä angtäi ghing ciah Khanpughi nei,” ci ne m’kümtou ci gui.

MAKUH 5:13

Bawipa Jesuh naw yum khätah, khoshe gui cu, chang ung kaa lut law u ne, vawk gui ung lut ci gui. Phia m’ku vai lawk ciah vawk khli cu tuikam k’täi ung dawng law u ne, tuili ung lut ne di yawp ci gui.

ISAIAH 1:24

Cun ah kya tuhbäi, m’gai ciah Bawipa, huham mah ciah Israel khanpughi ah a pyen cu ngai vä: “Nangmi ah khan ah phu ka tuk khai nei, ka ga gui ta nangmi naw, kei a i ah kä nami na ci tuba hlawt khai.

SAM 24:8

Ghangpughang mang cu a u ang? A ni cu Bawipa, gai ci, m’gäi ci, Ng’tuk nak ung näng ciah Bawipa ah kyak ci.

ISAIAH 63:1

“Edom khaw, Bozrah mang gaw ung lawk ciah chang cu a u ang? A sen ak kyom ah sui ne, huham la k’thamah nak awn ma tawn lawk cicu a u ang?” Hun nak vai awn be ne, a näng nak ng’shäu khai ah lawk ci cu, Bawipa nei.”

LUKA 1:48

Ani naw yoken ciah akchang shäm cu na shüm ci nei, Tuhbäi tün ne chang van naw yeikyai chang ah na khü Khai gui nei,

LUKA 1:50

Ani m’tamkhah ci gui ah khan ah ang shon päng ung am gein nak cu dang sak ci.