LUKA 1:28 - Cho Bible Common Language 2016

²⁸ Khankho chang naw Mari ah ma ah, “Na khan ah ding gei nak om sä, Bawipa naw a täng ah ning om püi ne, küikyang ciah hrilham ning k’be sä!” pyen nak ci.

LUKA 1:28 Referans Kwoze

DANIEL 10:19

Ani naw pyen ci, “Khanpughi naw ning m’hni ci nei, cun ah kyasei a i naw kä ning ng’ä en sak sä, kä ning kyih en sak sa.” Ani naw shin ah a pyen yah ung, kei naw thamah ba pi neta ka pyen cu, “Bawi aw, nang naw na pyen vai cu na m’thein ä. Nang naw na na hüiyang sak pi ci nei.”

SUKI GUI 6:12

Acun ung Bawipa khanchang dang neta a pyen nak cu, “Nget ne n’gäi ciah chang, Bawipa naw nang ning om püi ci ne!”

LUKA 1:30

Khankho chang naw, “Mari awi, kä kyikyawk ä, Khanpughi naw ning m’hlüngtai pyi ci nei.

EPHESIAN 1:6

Am hni pi ah A Htapa awn anam cümhnah gui ah, Khanpughi ah bämang ciah am gein nak cu mi m’kümto khai nei!

LAMKTU 18:10

A u naw phi nang kä ning k’shedam nak khai, shin ah gawnu ung om ciah chang akda cu, kei na yum ciah chang gui nei” cine pyein ci.

LUKA 1:42

“Nang cu hnumi gui nüng ung hlüngtai nak om pi bäih ci, na hta law nak vai ah ak hmaw cun phi hlüngtai nak om ci!

SUKI GUI 5:24

Yeikyai nak om pikbäih ciah hnumi cu Jael ah kyak ci, Kenite chang Heber ah chu ah kyak ci phung ung om ci hnumi gui ung yeikyai nak pikbäih ah hnumi ah kyak ci.

MATTHE 12:48

Bawipa Jesuh naw, “Kei ah nu cu a u ang? Kei ah phäi nau gui cu a u gui ang? cine ng’shi gui netah,

HOSEA 14:2

Bawipa ah ng’hlat ba vä, shin ah taigü nak cu ani am nai douthak ah ky a sä. “Kami kat nak avan na m’geinsei gui ne, kami taigü na dou pe gui ä, Keimi naw kami shaitak ah mäih ah kami ning m’hlüngtai khai nei.

ISAIAH 43:5

Kä nami kyih vai nei, ka ning om püi gui ci nei! “A shou pikbäih akiang täng lah ak hla pikbäih akhei täng ung ka, nami chang gui cu nami khaw ah ka law püi ba gui khai nei.

RUT 2:4

Api shou hta khäta Baoz amät naw Bethlehem ah ka gawk law neb ii bik ci gui cu yavaih na gui ne, “Bawipa naw ning om püi gui sä” cik ci. Ngami naw, “Bawipa naw hriham ning pe sä” cik ci gui.

LUKA 1:27

Khankho chang naw David ghangpughang ah ng’shon Josef ah k’chu vai ami beit ah Mari-am ng’thu m’thein lawk ci.

LUKA 1:29

Mari cu khankho chang ah ng’thu ng’ya ne cäicat netah, “A i a pyein ni mä” cine ngai ci.