LUKA 1:25 - Cho Bible Common Language 2016

²⁵ Eliyabeth naw, “Khanpughi naw kei cu nam gein pyi ci, Chang ah ma ah lü ng’aa nak ungka nak phiawn pyi ci” cik ci.

LUKA 1:25 Referans Kwoze

ISAIAH 4:1

Cun ah khin a gawk law ung, hnumi chik naw pami tumat cu, ang ghitah pha ne k’pang u neta, “Keimi kami mät kami sui ei hning ci nei, cun ung phi nang cu kami ning cei ah na pyen sak gui ä, cun ung keimi ung kä ceimah ne lü ng’aa nak kä om khai nei.”

HEBRU 11:11

Abraham cu ghi law pyii ci, Sarah cun phi hta khai ah kä kya ba pyii ci, cun ung phi amät ah yum nak awn, Abraham cu a hta om sei pa ah kyak ci. Khanpughi cu a shaitaak ah mäih ah bekhüt ciah ani naw yum ci.

LUKA 1:13

Cun ung phi khankho chang naw, “Zechariah aw, kä na kyih vai nei, Khanpughi naw na k’taigü cu ng’yak ci, na k’chu Eliyabeth cu pamihta ah hta lawk khai, ang ming cu Johan ah na sui vai.

1 SAMUEL 1:6

Peninnah, ani ng’längna püi ci naw, cümbawng sak ne, lü ng’a sak ci, a i ah kyasei ci ung Bawipa naw ani cu kä ah hta sak ah phäh ah kyak ci.

ATÜNNAK 25:21

Rebekka cu kä hta khäta, Isaak naw Bawipa ah taigü pek ci. Bawipa naw a taigü ngai sei Rebekka cu kämah lawk ci.

SUKI GUI 11:37

Cun ung phi ani naw apa cu k’thaäh ci “Shin ah tumat cu kei ah hmawk ah na bi pe ä. Kei cu hnumi hta ah kia ne, khomhtung zung ah hteit shüi ne ka kyah m’lau nak vai ah cha goi ung kamät na nawng ä” cik ci.

ISAIAH 25:8

Uktu Bawipa naw sih nak cu khonglän ung m’di khai! Ani naw chang pang ah mik ungka ng’phli tui cu ghu pe ne, kho ah ka avan ung a chang gui ah thüivat nak cu lak pe gui yawp khai. Bawipa amät naw a pyen nei!

LUKA 1:24

Cun kawn ah shou hta khätah Eliyabeth cu m’gai law ne cha hma ung kä luh law ah om ci.

2 SAMUEL 6:23

Michala, Saul ah hta hnumi ung ak hmaw kä om ling ci.