LUKA 1:17 - Cho Bible Common Language 2016

¹⁷ Ani cu Bawipa ah lam ung lam ma ciah kya ne, profet Elijah ah mäih ah khüighaat ne hlüngtai khai. Ani naw pa la hta atäng ah om ba sak goi khai; ani naw ng’thu kä ngai ciah chang gui düng ciah lu ng’lang nak ung ng’hlah law ba sak gui khai; Khanpughi ah hmawk ah ng’düi ge khai gui ah Bawipa ah chang gui cu ana m’cäi gui khai,” cine pyein ci.

LUKA 1:17 Referans Kwoze

MATTHE 11:14

Ngami ah ng’thu pyein cu nami yum ah a kyak ung, Johan cu dang lawk khai ciah Elijah ah kyak ci, ci cun phi nami yum khai.

LUKA 1:76

“Nang, kei ah chang hmaw, a hlüngtai säih Khanpughi ah profet ah ning khü vai nei. Nang cu Bawipa ah ma ung law ne, ani ah hmawk ah lam na pyang khai.

JOHAN 3:28

Kei cu Messiah ah kä ka kyak ci, ani ah ma ung ami nak hma law ah ka kyak ci. Cun ka ci nami ng’yak cicu saksi ah nami kyak ci.

SAM 78:8

Ngami cu ami pupa gui ah mäih ah kä kyak ci gui, ami pupa gui cu hnu ng’tuk u ne, ng’thu kä ngai u ne, Khanpughi ami yum nak kä ng’shing ci, kä bekhüt ci gui ah kyak ci.

1 SHONTÄP NAK 29:18

Kami pupa gui Abraham, Isaak, Jakob ni ah Bawipa, Khanpughi, shin gui ah ng’ap nak ah mäih ah khüighat ciah yum nak cu na chang gui ah m’lung kyong ung k’pan sak gui ä, angtäi ah ami bekhüt nak vai phi k’pan sak gui ä,

THU PHLAAN 20:4

Cun kawn ah mangkiaang gui cu ka hmuk ci. Cun ung ngok ci gui cu m’khoichaa nak vai ah huham ami peit gui ah kyak ci. Cun kawn ah Bawipa Jesuh ah m’dang ah düng nak la Khanpughi ah ng’thu ami pyein ah hmawk ah ami ngawn gui ah, ami mümcha gui cu ka hmuk ci. Ngami naw khiküi la ani ah gup cu kä khawihnah ci gui. Ami m’calai la ami kut ung phi khiküi ah m’hnüt nak cu kä la tuk ci gui. Ngami cu ghing ne tho law ba u ne, Bawi Khrit awn atäng ah khokum phiaa ghaa ung ghangpughang ah mäih ah uk tuk ci gui.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

SAM 111:10

Khanpughi kyih aa nak cu cüivai nak ah lam ah kyak ci; Ani ah thumkhän läk ciah chang phung-am gei ciah m’khoi cha nak cu pek ci. Ani cu angtäi sei m’taam nei.

2 TIMOTHI 2:21

Cun ah ak shekha gui phung ungka theingcim ciah chang cu a bawi ah hmawk ah bä ne, ak ni phung bi ge khai ah om ciah kya ne, ak küikyang ah kyak ci, a küi kyang nak ung mang hlü vai ah kiak ci.

ISAIAH 29:24

Chang awng-ang gui naw theithang hmuhmat lawk khai gui nei, akphlütah ng’thu m’hnga man ci gui naw m’thei thang cu yeikyai ne dou khai gui nei.”

ROMAN 9:23

Cun kawn ah Khanpughi cu ak chimgein gui ah chang gui naw, chünla ciah a bämang nak ami hmuh vai ah ng’ya hlük ci. Cun ah chang gui cu Khanpughi ah bämang nak ami gah tu vai ah Khanpughi naw a pyan tham gui ah kyak ci.

LAMKTU 10:33

Cun ah kya sei kei naw chang akyang ah ka tüih law nei. Nang na law ah phäh ah ang thei ah ka yei kyai ci nei. Bawipa ah mawng cu nang ah thu awn kami ng’yak khai ah keimi cu Khanpughi ah ma ah kami gawk law pyi ci nei” cine pyein ci.

JOHAN 1:34

Cun ah chang cu kei naw ka hmu pyi ci kyasei, “Ani cu Khanpughi ah Htapa ah kyak ci nei, cine ka ning m’thein gui nei” cik ci.

JOHAN 1:13

Cun ah hta gui cu amät ng’tüi lawk ci la chang pa nah ne ng’tüi lawk ci gui ah kä kya ci. Khanpughi ung ng’tüi lawk ci gui ah kyak ci.

LUKA 1:16

Ani naw Israel chang van cu ami Bawipa Khanpughi ah law püi ba gui khai.

MATTHE 14:4

A i ah kyasei ci ung Johan naw, “Na nau ah chu Herodias, cu na khäm tu ba vai ah kä nik ci,” cine a kyak nak ah phäh ah kia ci.

AMOS 4:12

“Cun ah kyasei Israel chang gui, kei naw nangmi cu ka ning m’kyuk law gui khai, A i kyasei ci ung kei naw cun cu ka bi law ge khai, kei ah ka m’khoicha nak nami awt ge khai ah om vä!”

SAM 10:17

O Bawipa, ng’neim ci gui ah taigü cu na ngai khai nei; Nang naw thamah nak na pe gui khai.

2 SHONTÄP NAK 29:36

Ghangpughang Hezekiah la chang gui cu yeikyai ci gui, a i ah kyasei ci ung shin gui avan ang ghit ah ami pyi vai ah Khanpughi naw amhtei gui ah phäh ah kyak ci.

1 GHANGPUGHANG GUI 21:20

Ahab naw Elijah cu hmu neta, “Ka ga aw, kei na na hmu ne ma?” cik ci. Elijah naw, “Ä, ka ning hmuk ci nei, nang cu Khanpughi täng ah akshe akbe ah bi vai ah nang ap ci nei.

1 GHANGPUGHANG GUI 17:1

Kilead kho Tisbe ungka prophet Elijah naw Ghangpughang Ahab a pyen nak cu, “Kei naw a bii ka bi ah Israel gui ah ghing ciah Khanpughi, Bawipa ah ming ung, kei naw ka ning m’thein cu, kei naw kä ka pyen ba pha ah chuih, ma lam ah kum goi ung baw, kum thum ung baw k’daam phi kä bawk khai, kho phi kä aa khai.”

1 JOHAN 2:28

Ka hta nau gui aw, Bawipa awn kawng ät ne nami om vai, cun ung mikmi cu Bawipa a kyum law ba Hnüüp ung, lü ng’aa ng’thuh thaw vai kä hlü sei, ama ah thagui ak be awn mi ng’düi khai nei.

MATTHE 3:4

Johan cu kala-uk mu awn tah ah suinu sui ne, saphaw m’yüi awn ak khei k’htün ci. A ei awk cu khoitui la khoi htalung ah kyak ci.

2 GHANGPUGHANG GUI 1:16

a pyen nak cu, “Shin cu Bawipa ah pyen nei, “Nang naw Ekron khanpughi Baalzebub am ng’shängchang tüi ne na ng’shi k’ca sak cu — Israel ung ng’shi ca vai ah Khanpughi kä om ci, ciah na ngaih ah kyak ci, — nang kä na gai ba khai; na sik khai.”

1 GHANGPUGHANG GUI 18:18

Elijah naw, “Kei cu khüikha nak bik ciah kä ka kyak ci, nang — nang la na pa nei. Nang cu Bawipa ah thumkhän gui kä läk ne, Baala ah a gup gui na khawihnah ci.

1 SAMUEL 7:5

Cun kawn ah Samuel naw chang tüi ne Israel van Mizpah ung hmuh vai ah khü gui ci, ani naw, “Acu ah nangmi ah phäh ah Bawipa ah ka taigü khai.”

MATTHE 3:3

Profet Isaiah naw, “Bawipa ah law nak vai lam pyang vä, Ani ah hmawk ah lam cu düng sak yawp vä, cine, chang tumat bungpuk ah ng’shäü ci nei” a cicu Johan a pyein ah kyak ci.