LUKA 1:15 - Cho Bible Common Language 2016

¹⁵ Ani cu Khanpughi lam ah chang m’gäi ah kya ci. Awktat man phung kä ei awk khai, anu puk ge ung Mumcha Theing awn kümbe khai.

LUKA 1:15 Referans Kwoze

JEREMIAH 1:5

“nang am ghin nak kä ka ning pek pha ung kei naw ka ning ghü ci. Nang kä na ng’tüi pha ung changpakhui gui ah prophet ah kei naw ka ning ghü ci.”

EPHESIAN 5:18

Ning m’gämce sak gui khai ah yu cu kä nami awktat vai, Mumcha awn nami kümbe vai nei.

KALATIAN 1:15

Cun ung phi kei kä ka ng’tüi pha ge ung Khanpughi naw am gein nak awn na ghü ne, a khuut bi vai ah ana khü ah kyak ci.

LAMKTU 2:4

Ngah mi cu Mumcha Theing awn küm be u ne tah, Mumcha Theing ah ng’thu m’sak gui ah ng’thu a hei hei awn ng’thu pyän ci gui.

LUKA 7:33

A i ah kyasei ci ung Tuihnim Johan law ne, ei kä ei ne, sapyit tui kä aw ne om sei, ‘Ani ung khoshe om ci nei’ nami cik ci.

JOSHUA 4:14

Cun ah hnüüp ung Bawipa naw abi gui naw, Joshua cu chang m’gäi ah kyak ciah Israel chang gui naw ami k’bäi vai ah kyak sak ci. Ngami naw Moses ami m’tamkhah man ah mäih ah ani cu a ghin yah ah pum tamkhah ci gui.

LUKA 7:28

‘Anu ah puk ung ng’tüi lawk ciah chang gui nüng ung, Johan ah bämang pi cicu a u kä om ci nei” cine ka ning m’thein gui ci. Cun ung phi Khanpughi ah Uknak kho ung akyaw pi k’bäih cu Johan na mä bämang ba pi ci nei” cine m’thein gui ci.

1 SHONTÄP NAK 17:8

Nang na hteh nak pang ah ka ning om püi ci, nang ah lam ung na ga gui avan ka hnim ci. Nang cu khomdek khan ung dämduh pikbäih ciah angvai ah na mingthang khai ah ka ning pyang khai.

JOSHUA 3:7

Bawipa naw Joshua am, “Tuhngawi kei ah bilawh naw Israel chang avan cu, nang chang m’gäi ah ami ning m’tam vai ah kyak sak gui khai. Cun awn ah kei naw Moses ka om püi ah mäih ah ka ning om püi cu na hmat lawk khai nei.

ZEKHARIAH 9:15

Hlüngtai ciah Bawipa naw a chang gui cu shung vong khai, Ngami naw ami ga gui cu m’di khai gui. Ngami cu awktat ciah mäih ah ng’tuk nak ung ng’hawh shaak khai gui. Ngami naw ami ga gui ah si k’theh khai gui; Cun cu ng’ghu thaa nak ah si ah mäih ah long ne, K’pawng ungka sonkiang ung yu long khai!

SAM 22:9

Nang naw kei cu akni ah na na ng’tüi sak ci, ka zit hta nah ung na na m’htei ci.

1 SHONTÄP NAK 29:12

Bühmang nak la bämcam nak avan cu nang ungka lawk ci, nang naw na k’thagui la na huham awn a päng nü cu na uk ci. Nang naw a u phi dämduh ne khüighat khai ah na pyang hning ci.

ATÜNNAK 48:19

Apa naw ma neta, “Ka hta aw, ka hmat ci nei, ka hmat ci, Manasseh ah hta ng’shon cun phi chang kuikyang ah kyak khai nei. Cun ung phi anau cu cun ah däm pi ne, ani ah ng’shon cu pakhui küi ah kyak khai nei” cik ci.

ATÜNNAK 12:2

Nang cu akda ah ka ning shon sak khai. Na htangshon cu pakhui küüi ah kyak khai. Hriham ning pe ne na ming ka ning thangsak khai. Nang cu chang gui ah hriham ah na kyak khai.

JOHAN 5:35

Johan cu ng’läh ne däi ciah mei-im awn täng sei, ani ah akdei ung ashäng yei ne nami om hlük ci.

TAIGÜTHUM 10:9

“Nang la na hta gui cu yu baw, beer baw nami awk phung ung kei ah om nak ah Phung ung kä nami valuh en vai, nami luh ung nami sik khai. Shin cu nami htangshon avan naw nami k’pan vai ah thukhän nei.

JEREMIAH 35:6

Cun ung phi ngami naw, “Keimi sapyit tui kä kami awk ci nei kami pupa Rechab ah hta Jonadab naw na m’theingui ci, keimi la kami htangshon gui naw sapyit tui kä ka mi awk vai ah pyen ci.

LUKA 1:14

Ani ang tüi law ung a i hlawk ah na yeikyai khai ang? na püipaw gui mä a i hlawk ah yeikyai tuk khai gui ang?