LUKA 1:13 - Cho Bible Common Language 2016

¹³ Cun ung phi khankho chang naw, “Zechariah aw, kä na kyih vai nei, Khanpughi naw na k’taigü cu ng’yak ci, na k’chu Eliyabeth cu pamihta ah hta lawk khai, ang ming cu Johan ah na sui vai.

LUKA 1:13 Referans Kwoze

LAMKTU 10:31

“Konelius! Na taigü cu Khanpughi naw ng’ya ne, na peit taak cun phi do pyi ci nei.

1 SAMUEL 2:21

Bawipa naw Hannah cu hrilham pek ci. Cun kawn ah ani cu pami thum la hnumi hnih ah hrilham pek sei, hta ba ci. Ak hmaw Samuel cu Bawipa ah bi bi nak ung däm ng’vai lawk ci.

SAM 113:9

Kä hta ciah hnumi cu amät ah im ung chang m’sui ne, hta nak vai pe ne yeikyai sak ci. Bawipa cu m’taam nei!

ATÜNNAK 25:21

Rebekka cu kä hta khäta, Isaak naw Bawipa ah taigü pek ci. Bawipa naw a taigü ngai sei Rebekka cu kämah lawk ci.

LUKA 2:21

Ak hmawhta cu hnüüp chih lüng sei vun-ah nak ami bi nak ah hnüüp ung “Jesuh” ah ang ming sui ci gui. Cun cu kä ami m’gai nak pha ge ung khankho chang naw sui vai ah a pyein ah kiak ci.

SAM 118:21

Bawipa ka ning m’taam ci, a i ah kyasei ci ung, nang naw na na ng’yak ci, nang naw näng nak na na pek ci.

ATÜNNAK 18:14

Bawipa ah kä m’khüt a i om ne ang? Ka pyen ah mäih ah acha kaw nak ung ka law ba khai, Sarah cu pami hta ah hta khai nei” cik ci.

MATTHE 14:27

Acun vai-am Bawipa Jesuh naw, “Kä cäicat vä, kei nei, kä kyikyawk vä,” cine pyen na gui ci.

ATÜNNAK 17:19

Khanpughi naw, “Na chu Sarah cu pami ah hta khai, aming cu Isaak ah na sui khai. Kei naw ka thukhän cu ani la ani ah htangshon am ka pek khai, cun cu ng’täi ciah thukhän ah kyak khai.

MATTHE 28:5

Khankho chang naw hnumi gui-am, “Kä kyikyawk vä, kutlamtung ung tai ne, ami ngawn ah Jesuh cu nami shui ciah ka ning hmat gui ci nei.

DANIEL 10:12

Cun kawn ah ani naw, “Daniela, kä na kyih vai nei. Nang naw hmuhmat nak na gah vai ah na mät naw na mät ng’neim sak ne, na k’ba’i ah hnüüp ung tün ne, Khanpughi naw na taigü cu ng’yak ci nei. Kei cu nang ah taigü ka ning m’shang khai ah ka lawk ci nei.

SUKI GUI 6:23

Cun ung phi Bawipa naw ani am, “Dimdeeih sä, kä na kyih vai nei. Nang kä na sik khai nei” pyen nak ci.

ATÜNNAK 17:10

Pami ah nami hta phung ung vun-ah nak nami bi vai ah nang la na htangshon naw nami yum vai.

LUKA 1:30

Khankho chang naw, “Mari awi, kä kyikyawk ä, Khanpughi naw ning m’hlüngtai pyi ci nei.

ISAIAH 8:3

Api shou hta khäta kakchu cu käu mah lawk ci. Kami hta ang tüi law ung, Bawipa naw ana pyen nak cu “Aming cu ‘Akzaang ah gut-ang ghit ah gut’ ah nami sui vai.”

HOSEA 1:6

Komer cu ak hnih nak ah hta ba ci-cun cu hnumi hta ah kyak ci. Bawipa naw Hosea a pyen nak cu, “Ang ming cu ‘kä m’hni’ ah sui ä, A i ah kyasei ci ung kei naw Israel chang gui ka m’hni nak cu kä ka m’dang law ba khai, kä ka m’geinsei gui khai.

HOSEA 1:4

Bawipa naw Hosea cu pyen nak ci, “A ming cu Jezreelaa ah sui ä, a i ah kyasei ci ung, kä shou pha sei, kei naw Israel ghangpughang cu ka m’kyuk lawk khai, Cun cu ani ah pughi Jehu naw Jeyreel ung chang gui a ngawn ah phäh ah kyak ci. Kei naw Jehu ah ng’shon cu ka ng’pyi sak khai.

MAKUH 16:6

Cun ah chang naw, “Kä kyikyawk vä, nangmi naw kutlamtung ung tai ne nami ngawn ah Nazaret chang Jesuh cu nami shui ciah kä kya ne ang? Ani shin ung kä om ba ci nei, sih nak ungka tho ba pyi ci nei. Teng shüm vä, shin cu ani ah a gook phuh nak te ah kyak ci nei.

MATTHE 1:21

Ani cu pamihta ah hta lawk khai. Cun ah Htapa cu ak chang gui ami kat nak ungka hun phiawn gui khai ah kyasei, ‘Jesuh’ ah ang ming nami sui vai cine pyen nak ci.

LUKA 1:14

Ani ang tüi law ung a i hlawk ah na yeikyai khai ang? na püipaw gui mä a i hlawk ah yeikyai tuk khai gui ang?