LUKA 1:1 - Cho Bible Common Language 2016

¹ Mikmi ah yum nak ung dang pyi ciah a mawng tung gui cu chang akda naw aknipi ah gu ne pyang pyi ci gui.

LUKA 1:1 Referans Kwoze

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

JOHAN 20:31

Cun ung phi Bawipa Jesuh cu Messiah, Khanpughi ah Htapa ah kyak ci, cine nami yum vai la, nami yum nak awn nangmi ung ghin nak nami gah vai ah, shin ah ca uk cu guk ah kyak ci nei.

2 TIMOTHI 4:17

Cun ung phi Bawipa cu kei ung om ne k’thagui na pe sei, chang pakhui hei gui am Thu Ni cu ng’shäu ne kam thein gui hning ci, sih vai ah ami na k’bäi nak ungka phi ka phyawng ci nei.

MAKUH 16:20

Ang düihpüi gui cu kho nüng ah hteit ne Thu Ni cu pyein ci gui. Ngami cu Bawipa naw a täng ah om püi gui ne, ami ng’thu pyein ang düng ah mawng saksi dang khai ah cäi aih nak gui vai ami m’dang nak hning vai ah hlüngtai nak cu pe gui ci.] [

ROMAN 4:21

Khanpughi naw a shaitaak ah mäih ah bik khai cicu Abraham naw ak be ah yum ci.

ROMAN 14:5

Chang amshah naw kho hnüüp ät cu a hei kho hnüüp gui ah küikyang pi ciah ngai ci, chang amshah naw kho hnüüp gui avan cu täng ciah ngai ci. Ngami cu a i ah ami ngaih ung phi, cun ah ami ngaih cu düng ciah ngaih gep u sä.

KOLOSE 2:2

Kei naw shin ka bi cu, ngami ami k’tha abe nak vai la m’hni nak ung ami m’lung ngaih a ät nak vai ah kyak ci. Cun ah kyasei ngami cu akcang ah lunglang nak law püi ciah bümbe ciah ngaih gep nak cu gah ci gui. Ashin ah lam awn ngami naw Khanpughi naw am yih ah Bawi Khrit amät cu hmat ci gui.

KOLOSE 4:12

Bawi Khrit Jesuh ah akchang shäm, nami chang ah kyak ciah Epaphras naw phi ning yavaih na gui ci nei. Khäng sei nami ng’düih vai, kä nami püngheiu vai, be ciah khritha ah nami kiak vai, Khanpughi ah ng’yak hlü küm khai ah ang thu nami ngaih vai ah, ani naw akni ah ning taigü pe gui ci nei.

1 THESSALONIAN 1:5

Keimi naw ng’Thu Ni ka mi ning thak law gui cu, thu m’gawng bäng awn ah kä kyak ci, hlüngtai nak, Mumcha Theing la düng nak kümbe ciah yum nak awn ah kyak ci. Keimi cu nangmi awn atäng ah kami om yah ung a i ah kami om cu nami hmat ci; cun cu nang mi ah ni kyom nak vai ah kyak ci.

HEBRU 6:11

Keimi naw kami ng’yak hlü pi bäih cu, nangmi ak chang sing naw ak hnu bäih a gawk ung khüt khai ah, nami thawhlet nak cu, nami khän htek sak vai, cun ung nami ngaih u nak cu akcang ah dang lawk khai, ciah kyak ci.

HEBRU 10:22

Cun ah kyasei mikmi cu mi m’lung ngaih theingcim sak ne, mi pumsa tuikci awn m’si netah, ng’cim ciah m’lung, ng’htei ciah yum nak awn, Khanpughi ah pei ah ming et khai nei.