LAMKTU 9:6 - Cho Bible Common Language 2016

⁶ Acun ah k’aw naw, “Kei cu nang naw nak dudeiu nak ah Jesuh nei, cun ung phi tuk bäi ng’düi law ba neh, pigawnu kyawng ah hteit ä, cun kawn ah na bi vai cu na hmat lawk khai nei” ci neh kyak nak ci.

LAMKTU 9:6 Referans Kwoze

LAMKTU 22:10

Kei naw, “Bawipa, Kei a i ah ka kyak khai ang” cine ng’shi ba ngätah, Bawipa naw, Tho law ne, Damaskas ah hteit ä, cu ah na gawk awn ah a i ah na kyak vai cu Khanpughi naw ning m’thein khai nei” cine pyein ci.

LAMKTU 26:16

Nang cu kei ah bi na bik khai, ka ning m’düih khai ah, tuk bäi ka lawk ci. Tuk ngawi na hmuh gui ah a mawng ama gui la, ngawi ah ka ning m’hnuh law vai ah a mawng ama gui cu, nang naw chang hei gui ah ma ah saksi ne na pyein khai.

PHILIPPIAN 2:12

Cun ah kya sei teihpüi gui aw, kei ka om yah ung ka ng’thu nakmi ngaih ah mäih ah, tuhbäi kei kä ka om yah ung ka ng’thu nami ngaih vai cu ak küikyang pi ah kyak ci. Nangmi naw hun nak ak be ah nami gah nak vai ah kyih aa nak awn nami bilawh vai,

ROMAN 10:20

Khanpughi naw Isaiah am cun ah tai pi khai ah a thu pyein cu; Kei kä na shui ciah chang gui naw Kei cu na hmuk ci gui; Kei ah mawng kä k’tä, kä shui ciah chang gui naw Kei cu na khawihnah ci gui,” ciah kyak ci.

ROMAN 10:3

Ngami naw, Khanpughi naw chang gui ang düng sak nak gui ah lam cu kä hmu u netah, cun ah lam ung kä hteh ah, ami mät naw k’tha na ne ami pyan ah lam ung hteit ci gui.

ROMAN 7:9

Kei ka mät phi thukhän cu kä ka hmat man ci, thukhän ka hmat law vai am tün ne, katnak cu kei ung ghing lawk ci.

ROMAN 5:20

Cheishoh nak ada law pi vai ah Khanpughi naw thukhän cu am hnüt ah kyak ci. Cun ung phi katnak ada law pi ung Khanpughi ah m’gein nak cun phi däm law pi ci.

LAMKTU 10:32

Cun ah kyasei Joppa pigaw ah chang tüi ne, Simon Peter ming nak ciah chang cu na khaw vai. Ani cu tuinu kam pei ah mehvun pyang ciah Simon ah im ah om tuk khai nei” cine pyein ci.

LAMKTU 10:22

Cun ah chang gui naw, “Keimi cu kaptain Konelius naw ana tüih law gui nei, Ani cu chang k’ni, Khanpughi yum ci, Jew chang gui naw ami kyih aa ah chang ah kyak ci nei. Khankho chang naw ani ah ma ah nang ning khü ne, na thu a ngaih vai ah pyein ci nei” cine pyein ci gui.

LAMKTU 10:6

Ani cu mehvun pyang ciah Simon ah im ung om tuk ci, cun ah im cu tuinu kem ah om ci” cine pyen nak ci.

LAMKTU 2:37

Cun ah ng’thu ng’yak ciah chang gui cu, ang htei ah ami lung khih gui khä tah, Peter lah a hei ang düihpüi gui am, “Phäi naü gui aw, a i ah mi kyak khai ang” cine ng’htau gui ci gui.

LUKA 3:10

Chang gui naw, “Cun ung a i ah kyak vai” ci ne ng’shi u khätah;

MATTHE 19:30

Cun ung phi maa ciah chang gui cu hnu lawk khai gui, hnu ciah chang gui cu maa lawk khai gui nei.

HABAKKUK 3:16

A cun gui ng’ya neta kei cu ka ng’hlet ci; ka kyih su ah ka m’nei phi ng’haam ci, ka pumsa phi ng’yai ci. Ka mät ah kaa ah ka khaw ka m’thuih ci. Gawk lawk khai ah akhin cu kei naw düm ah ka ngäng khai, cun cu na ng’tuk püi gui ci cu Khanpughi naw am kyuk nak gui ah kyak khai.

ISAIAH 66:2

kei ka mät naw khopuui avan cuka tüisho nei! Am lung neim sak ne, ng’yu vat ba ne, kei na kyih aa ne, na läk ci gui ah khan ah ka yeikyai ci nei.

ISAIAH 57:18

“Ngami ah hnün thawh cu kei naw ka hmu gui ci, cun ung phi kei naw ka gai sak gui khai. Kei naw lam ka shüm gui khai, ka m’htei htang gui khai, thüi sei ci gui ka m’shuun gui khai.

SAM 94:12

Bawipa, nang naw na m’shüm thein ah chang, na thumkhän na m’thei ah chang cu yeikyai nak om ci nei!

SAM 25:12

Bawipa chang m’sui ci gui naw, ami läk vai ah lam cu ng’thei ci gui nei.

1 SAMUEL 28:5

Saul naw Philistin gakap gui cu hmu gui neta, cäicat ci,

JAMES 4:6

Cun ung phi Khanpughi ah na peit gui ah chimgein nak cu khüighaat ba pi ci nei. Cacim theing naw, “Khanpughi naw chang ah ng’shei ci gui cu hnu nah gui ne, m’lung neim sak ci gui cu, chimgein nak pe gui ci nei,” ciah a pyein ah bä nak ah kyak ci.

1 SAMUEL 16:3

Jesse cu khawihnah nak ah na khü vai, kei naw a i bi vai cu ka ning m’thein khai. Kei naw ka ning m’thein ah chang cu ghangpughang ah na phyuhtheh vai.”

EZEKIEL 2:1

Ng’thu pyen cu, “Hnicim chang, ng’düi law ä. Nang ka ning thu pui hlük ci nei.”

EZEKIEL 3:22

Kei naw Bawipa ah huham om nak cu ka gah kawn ah kei ana pyen nak ka ng’yak cu,” Tho law ne, khongnawi ah hteitä. Aw ah kei naw ka ning thu püi khai nei” ciah kyak ci.

LAMKTU 9:5

Soul naw, “Bawipa Nang cu a u ang?” cine ng’shik ci.