LAMKTU 9:42 - Cho Bible Common Language 2016

⁴² Cun ah mawng cu Joppa kho van ung thang sei, chang akda naw Khanpughi cu yum lawk ci gui.

LAMKTU 9:42 Referans Kwoze

LAMKTU 9:35

Cun cu Lidda la Sharon pigaw ah om ciah chang gui naw hmu u netah, Bawipa cu ami van naw yum lawk ci gui.

JOHAN 12:11

A i ah kyasei ci ung, Lasaruh ah hmawk ah Jew chang gui naw, ngami cu nawng-en gui ne, Bawipa Jesuh cu ami yum law ah hmawk ah kyak ci.

JOHAN 11:45

Cun yah ung Mari ah om nak ah lawk ciah chang akda naw, Bawipa Jesuh ah bilawh cu hmu tu u netah, Bawipa Jesuh cu yum lawk ci gui.

LAMKTU 11:21

Ngahmi ung Bawipa ah hlüngtai nak cu om sei, chang akhli naw Bawipa cu yum ne ng’hlat lawk ci gui.

JOHAN 12:44

Bawipa Jesuh naw, akdäm ah m’lau ne a pyein cu, “Kei na yum ci cu kei bäng na yum ciah kä kyak ci, kei na tüi lawk ci phi yum ciah kyak ci.

JOHAN 11:4

Bawipa Jesuh naw cun cu ng’ya netah, “Shin ah gaw nak cu, sih nak vai ah kä kyak ci, Khanpughi ah hlüngtai nak ang dang nak vai la a shin ah gaw nak awn Khanpughi ah A Htapa ah hlüngtai nak ang shü khang nak vai ah kyak ci.

JOSHUA 19:46

Mejarkon, la Rakkon, acun ah mäih ah Joppa angveing khopäng avan ah kyak ci.

2 SHONTÄP NAK 2:16

Lebanon Khomhtung ah cedar sing gui na ng’yak hlü avan chu u neta, k’bawng ne pawk u ne, Joppa ah gawk lawk khai ah tui ung kami m’hteh lawk khai nei. Cun ungka naw la ne Jerusalem ah nami hteh püi vai nei” ciah kyak ci.

JONAH 1:3

Cun ung phi Jonah cu pawng ne Bawipa hnu na ne a lam hei ung hteit ci. Ani cu Joppa ah hteit ci, cun kawn ah Spain ah hteit khai ah htinpaw cu hmuk ci. Ani naw htinpaw ah ang khah pe ne ngami awn atäng ah hteit tuk ci. A cu ah ani cu Bawipa awn ang shawng vai ah phäh ah kyak ci.

LAMKTU 9:36

Joppa pigaw ung, Khanpughi yum ci, Tabitha ming nak ciah hnumi tumat om ci. (Karik thu awn ah ming cu Dorcas ah kya ne kigang ciah kyak ci.) Ani cu angtäi sei ak ni bi ne chang phi geinsei ci.

LAMKTU 9:38

Lidda pigaw cu Joppa gawnu awn et ci kyasei, yum ciah chang gui naw Peter cu Lidda ah a om hmat u netah, “Keimi ah ak yang ah a law vai nei” ci ne m’cäi ne chang hnih tüi ci gui.

LAMKTU 9:43

Peter cu cun ah Joppa pigaw ah mehvun pyang ciah Simon awn a täng ah ak sho om tuk ci.

LAMKTU 10:5

Atukbäi chang tüi ne Joppa gawnu ah Simon Peter ming nak ciah chang cu thäm sak gui ä.

LAMKTU 10:8

a mawng avan m’thein gui ne, Joppa pigaw ah tüi gui ci.

LAMKTU 11:5

Peter naw, “Kei naw Joppa pigaw ah kamik hmuh nak ung, yih dung nu ah mäih cu, ak kit phli ung k’pang ne, khankho ah kaa ami yuk chah law cu ka hmuk ci.

LAMKTU 11:13

Konelius naw a im kyong ah khankho chang ng’düi law sei a hmuh ah mawng la, cun ah khankho chang naw Joppa gawnu ah chang tüi ne Simon Peter ming nak ciah chang cu va khü ä.