LAMKTU 9:4 - Cho Bible Common Language 2016

⁴ Ani cu khomdek ung kyu neh ng’yän netah, “Soul, Soul? a i ah kiah sei kei nah na k’dudeiu nak ang?” Ciah k’ä cu ng’yak ci.

LAMKTU 9:4 Referans Kwoze

ZEKHARIAH 2:8

Nangmi ning ng’tuk püi gui ci cu, kei ah ka, aknipikbäih ng’tuk püi ciah kyak ci” cik ci. Cun ah kyasei M’gäi ciah Bawipa naw shin ah ng’thu na m’kan ne, a chang gui m’di ciah pakhui gui ah om nak ah ana tüih ah kyak ci.

1 KORIN 12:12

Bawi Khrih cu akda ah ng’phyeekpai ciah pumsa tumat awn täng ci; ang phyeekpai a hnga hnga a om ung phi pumsa cu tumat bäng ah kyak ci.

ROMAN 11:22

Shin ung Khanpughi cu a i hlawk ah chang m’gein ci la, a i hlawk ah nget ngawng ciah mi hmuk ci. Khanpughi naw katnak bik ciah chang gui cu ak nuipai ah m’khom chaa gui ci. Cun ung phi nang mi cu a ning m’gein gui khin vai ah nami om ah a kyak ung, Khanpughi naw ning m’gein gui khenggeng ci; cun ah kä nami om ah a kyak ung nang mi cun phi chu pit ne ning ghawt gui khai.

ISAIAH 63:9

ami yaica nak avan ung ka hun gui ci. Cun cu khan khaw chang ah kä kyak ci, ngami hun gui cicu Bawipa amät ah kyak ci. Ani naw amhni nak la am gein nak aun ngami cu gung gui ci. Ng’pyi pyi ciah akhin ung ani naw angtäi sei m’hteih htang gui ci.

ATÜNNAK 22:11

Cun ung phi Bawipa ah khankho chang khan ah ka naw, “Abraham, Abraham” cine khü ci. Abraham naw, “äi, ka om ci nei” cik ci.

ATÜNNAK 16:8

“Sarai ah changshäm Hakarah, a hawi kaa na lawk ci, a hawi lam ah na hteit khai” cine ng’shik ci. Ani naw, “Kei cu ka bawinu ah im ungka ka dawng ci nei” cik ci.

EPHESIAN 5:30

mikmi cu apumsa ah ang phyeekpaai gui ah mi kyak ci.)

1 KORIN 4:7

A u naw nangmi cu chang hei ah nami hang tai pi khai ah ning piang gui khai ang? Nangmi ung om ci phung avan cu Khanpughi ah ning peit tui ah kä kya na ang! Nami gah taang gui avan Khanpughi ah kä ning peit gui ah ngaih vai ah nami khähghah nak cu, a i hawkchaa ah ang?

JOHAN 21:15

Cun ah ami ei kawn ah Bawipa Jesuh naw Simon Peter-am, “Johan ah hta Simon, a hei gui naw ami nam hni ah däm pi ciah kei na nam hni ci ang?” cine ng’shik ci. Peter naw, “Ä ya Bawipa, kei naw ka ning m’hni cu nang na hmat ci nei” cik ci. Bawipa Jesuh naw, “Ka Htome gui na m’htei vai nei bäi” ci nak ci.

MATTHE 25:40

Ghangpughang naw, ‘Kei naw akcang ka pyein cu, shin ah ka nau gui ung kaa, yoken pi ciah chang, nam hteihtang tu phung avan cu kei na nam hteihtang ah kyak ci nei’ cine kyak nak khai.

ATÜNNAK 3:9

Bawipa Khanpughi naw chang cu khü neta, “A hawi ah nei ba om?” cine ng’shik ci.

JOHAN 20:16

Bawipa Jesuh naw, “Mari” cine khü khätah, Mari cu vang hlat ne, “Rabboni” cine pyein ci. (Hebrew thu Rabboni cu “Saya” ciah kyak ci.)

JOHAN 18:6

Bawipa Jesuh naw, “Kei cu ani nei” cine pyein khätah, ami hnu ah vang nawn ba u ne, m’dek ung kyu yawp ci gui.

LUKA 10:41

Bawipa Jesuh naw, “Mahta, Mahta, nang cu bilawh gui vai ah nang ä aih ci, nang ung hlü ci tumat om ci.

KHEI NAK 16:45

“Shin ah chang gui ah ami hnu ung ng’düi vä, Kei naw a shin ung ka m’di law gui khai.” Ngani ani nik hnih cu m’dek ung hmai na ne kawp ni neta,

PHYAWN NAK 3:4

Bawipa naw Moses ang et law cu hmu neta, Pluup ah ng’lung ah om ne khü ci, “Moses! Moses!” Moses naw, “äi, shi ah ka om ci nei” cik ci.

LAMKTU 5:10

Acun vai am cun ah hnu micu Peter ah khaw pei ah kiuh ne sik ci, Ak hmaw chang gui naw cun ah a sih cu hmuh u ne tah kawt ne hteh püi neh a cei ah pei ah m’cim tuk ci gui.

ISAIAH 6:8

Cun kawn ah Bawipa ah ng’thu ka ng’yak cu, “A u ang kei naw ka tüih kaw? Kei naw m’shang ne,” kei natüi ä! Ka hteit khai nei!

LAMKTU 9:5

Soul naw, “Bawipa Nang cu a u ang?” cine ng’shik ci.