LAMKTU 9:31 - Cho Bible Common Language 2016

³¹ Cun ah kyasei cun yah ung, Judea, Kalile, la Samaria khrithabum gui cu ding gei nak om lawk ci. Khrithabum ghui cu Khanpughi kyih aa m’hlüngtai u ne, Mumcha Theing ah htagui be nak awn da law pi k’täi ci gui.

LAMKTU 9:31 Referans Kwoze

SAM 111:10

Khanpughi kyih aa nak cu cüivai nak ah lam ah kyak ci; Ani ah thumkhän läk ciah chang phung-am gei ciah m’khoi cha nak cu pek ci. Ani cu angtäi sei m’taam nei.

ISAIAH 33:6

Chang pakhui am khänghtek nak cu pek ci. Ani naw angtäi sei a chang gui cu shungvong gui ci, cüivai nak hmuhmat nak cu pe gui ci. Ngami ah dämduh pi ciah m’küm cu Bawipa (khanpughi) kyih aa nak ah kyak ci.

NG'THU K'THUUK~ 23:17

Hmakat ciah chang ah khan ah kä nami vamneng vai, Bawipa kyih aa sak ne, nami ghin päi vai.

SAM 86:11

Bawipa, ka bi vai na ng’yak hlü cu na m’thein ä, kei naw bekhüt ne ka ning läk khai nei. Akbe ah na khut ka bi vai ah na m’thein thang ä.

ROMAN 5:5

Mikmi cu cun ah m’lung üp ngaih u nak a om ung a i yah ung phi mi m’lung kä häu vang khai. A i yah kya sei ci ung Khanpughi naw ana peit gui ah Mumcha Theing awn, anam hni nak gui cu, mi m’lung kyong ah anglih pyou sak pyi ah kyak ci.

NG'THU K'THUUK~ 1:7

Bawipa kyih aa nak cu hmuhmat nak ah a phung ah kyak ci, gu-ang ciah chang naw cüivai nak cu a i ah kä ngai ne, kä m’thei thang hlük ci.

ROMAN 15:13

Zum ne ngaih u nak ah ang yung ah kyak ciah Khanpughi naw, ani ung nami yum nak awn, yeikyai nak la dimdeeih nak cu ning k’be gui sä. Cun ah kya sei yum ne nami ngaih u nak cu, Mumcha Theing hlüngtai nak awn, phung ghing ne ng’ghotai khai nei.

LAMKTU 8:1

Cu hnüüp ung tün neh Jerusalem ung om ciah khritha gui cu, ak she ah dudeiu nah gui ci ci gui. Cun ah kiah sei ngah mi cu Judea khaw lah Samaria khaw yung ah püipiang yawp u sei. Ang düihpüi gui bäng om ba ci gui.

NG'THU K'THUUK~ 8:13

Bawipa m’taam nak cu akshe thüi nak ah kyak ci. Kei naw chang ah ng’shei nak, m’gämce nak, akshe ah om nak la ak she ah ng’thu cu ka thüi nak ci.

JOB 28:28

Khanpughi naw chang gui pyen na gui ci, “Nami cüivai vai nei, Nangmi naw Bawipa cu nami chang m’sui vai nei. Nami hmat vai cu, nangmi cu akshe ungka nami ng’hlah law ba vai.”

NEHEMIAH 5:9

Cun kawn ah kei naw ka pyen cu, “Nang naw na bi cu chei ci nei! Nang naw Khanpughi na ngaih vai, düng ci na bi vai. Kami ga gui la khuihei chang gui naw ami na gaih m’gin vai ah amawng, nangmi naw a i kä nami pek en gui vai.

EPHESIAN 4:12

Cun ah abi cu Bawi Khrit ah pumsa cawh kyan vai ah, Khanpughi ah chang khli naw, krihta khuut bi vai ah, pawng m’hteim ge vai hmawk ah kyak ci.

2 KORIN 13:10

Kei naw shin ah ng’daut ne ca ka ning pet law gui ah mawng cu; kei ka gawk law ung Bawipa ah na pet ah huham cu ak ghaat ah kä ka mang vai ah phäh ah kyak ci. Cun ah huham cu nangmi ning m’küi m’khän nak gui vai ah kyak ci, ning m’shukchaak nak gui vai ah kä kyak ci.

2 KORIN 10:8

Kei cu Bawipa ah na peit ah huham ka mang däm te ung phi kä ka ng’aa ci nei, cun ah huham cu nang mi, ning m’shukchaak nak gui vai ah kä kyak ci, ning m’düih m’thawh nak gui vai ah kyak ci.

2 KORIN 7:1

Teihpüi gui aw, shin ah shaitaak gui cu mikmi ah hmawk ah kyak ci. Cun ah kyasei pumsa la m’lungkyong shetkat sak ci phung cu theingcim sak ne, Khanpughi kyih aa nak awn kümbe ciah theingcim ne mi om khai nei.

LAMKTU 16:5

Cun ah kyasei khrithabum ah yum nak khüighaat law pi k’täi ne, yum tuk ciah chang phi da law pi k’täi ci.

LAMKTU 12:24

Cun yah ung Khanpughi ah thu cu kho ung thang sei yum ci cu da law pi law pi k’täi ci.

LAMKTU 6:7

Khanpughi ah ng’thu cu pyän law pi k’täi u sei Jerusalem ung yum ciah chang cu da law pi sei, taigü ng’vai gui phi akda naw yum lawk ci gui.

NEHEMIAH 5:15

Kei ah kä bi pha ung bik ciah uktubawi phung naw chang gui cu ami phuih gih sak gui. Ngami naw ei la awk vai ah phäh ah hnüüp ät ung, ngui phe phli kip ci k’thäh gui ci gui. Ami changshäm gui naw phi chang gui cu she na gui ci gui. Cun ung phi kei cun ah kä ka kyak ci, a i ah kyasei ci ung kei cu Khanpughi ka kyih aa ci.

JUDE 1:20

Cun ung phi ka teihpüi gui, nami mät ah theingcim pi k’bäih ciah yum nak ung cokyang khänghtek ne nami om vai nei. Mumcha Theing ah hlüngtai nak ah kyong ung nami k’taigü vai nei,

HEBRU 4:9

Cun ah kyasei ak hnüüp chih hnüüp Khanpughi ang düm ah mäih ah, Khanpughi ah chang gui ami düm nak vai hnüüp om ba ci.

1 TIMOTHI 1:4

Ng’cu can düt vai ah kyak ciah pumah-awi m’cu ne ng’shon lam düt khei ci gui cun phi, cun ah kä ami kyak ba vai ah nam cäi gui vai nei. Cun gui cu Khanpughi ah ng’bü nak ah kä kya ci, yum nak kawn vah cun gui hmat vai kyak ci.

1 THESSALONIAN 5:11

Acun ah kyasei tuhbäi nami bi ah mäih ah tumat la tumat k’thagui nami ng’peit tu vai, nami ng’hteihtang tu vai nei.

KOLOSE 1:10

Cun ah kyasei, nangmi cu Bawipa ah ng’yak hlü ah ghing u ne, ani ah yei nak vai ah nami bilo khai nei. Nami ghin nak naw ni kiom nak bäng bäng cu dang sak sei Khanpughi ung nami hmuhmat nak cu, ng’ghotai khai nei.

PHILIPPIAN 2:1

Bawi Khrit ung nami ghin nak naw ning khüighaat sak gui ne, ani ah m’hni nak naw nami m’lung ning üp sak gui ci. Nang mi cu Mumcha awn ng’geicam nak om ci; tumat la tumat chimgein nak la m’hteihtang nak tu phi om ci.

EPHESIAN 5:21

Bawi Khrit nami chang m’sui nak ah tumat la tumat nami ng’nei ng’aan vai nei.

EPHESIAN 4:29

Thu she shaikaa api phi nami shai ung kä lut-en law sä, m’gein nak ah thu bäng lut law sä. Ng’awi gi nak, thamah nak la m’shümthein nak ah thu bäng nami pyein vai nei, cun ung vah ngai yak ci gui ah chang ah phäh ah ni kyom nak om khai.

EPHESIAN 4:16

Bawipa ah kut shum nak ah kaa ung a phäh phäh ah om ci gui ah pumsa ung ming bäng bäng ci gui cu a mi van kyumsawm yawp ci gui, pumsa tumat ung ng’gui ng’phaa yawp ci gui. Cun ah kyasei pumsa ung ming phäh phäh ci gui naw ami mät ah bi phäh phäh ami bi law ung, pumsa avan cu, m’hni nak awn däm ng’ghaw sak ci gui.

2 KORIN 12:19

Keimi naw a thawm ah kami mät kami ng’küikyan ciah nami ngai hngaw khai nei! Cun ah kä kyak ci, Bawi Khrit ah nam theithang gui ah mäih ah, Khanpughi ah ma ah ng’thu kami pyein ah kyak ci. Teih püi gui aw, keimi ah bi gui phung cu nangmi ah hmawk ah kyak ci nei.

1 KORIN 14:26

Cun ah kyasei phäinau gui aw, nangmi cu khawihnah vai ah nami pum law ah a kyak ung, tumat naw ng’äi m’cu sei, tumat naw m’theithang sei, tumat naw Khanpughi ah ng’thu thuuk pyein sei, tumat naw ng’thu a hlü hlü awn ng’thu pyein sei, a hei tumat naw cun ah ng’thu m’hlan ba sei, nami bi vai. Cun ah nami bi nak phung cu Khrithabum ah bä nak ah kya sä bäi.

1 KORIN 14:12

Nangmi cu Mumcha m’cümhnah nak nami ng’ya hlü aih ci, cun ah kyasei Khrithabum cawhkyan nak vai ah m’cümhnah nak cu nami mang thei vai ah nami k’tha nak vai nei.

ROMAN 14:19

Cun ah kya sei mikmi ung dimdeeih nak na pe gui khai la tumat la tumat k’thagui ming peit nak tu vai ah nam hteihtang gui khai cu, ang täi sei mawng nah ne mi bi vai kyak ci.

ROMAN 14:17

Khanpughi ah uknak ah kho cu ei nak la auk nak awn kä ng’phaa ci, Mumcha Theing ah peit ah ng’düng nak, dimdeeih nak la yeikyai nak awn vah ng’phaa ci.

ZEKHARIAH 8:20

Hlüngtai ciah Bawipa naw, “A mang gaw päng ungka chang gui Jerusalem ah ami ng’bum law nak vai ah, a khin cu gawk lawk ci nei.

ISAIAH 11:10

David ah uknak ng’shon ungka, pakhui gui m’hnüt nak vai ah ghangpughang akthai cu ani ah uknak mang gaw ung ng’bum u neta, ani cu m’tamkhah khai gui.

SAM 94:13

Khüikha yah ung düm nak na pek ci, changshe gui pha nak vai khui kä cawh pha ah chuih,

1 SHONTÄP NAK 22:18

Ani naw, “Bawipa na Khanpughi naw ning om püi ci, a mawng avan ung dimdeeih nak ning pek ci. Shin ah khaw ung om ciah chang avan cu ani naw na näng sak ci, ngami cu tuhbäi nang ah ka ah om ci gui, Bawipa ah ka ah om ci gui.

1 SHONTÄP NAK 22:9

A i ah a kyak ung phi ani naw kei ung shai a tak om ci. Ani naw, “Nang ung na htapa tumat om khai, ani naw dimdeih nak awn uk khai, a i ah kyasei ci ung a ga gui avan ungka kei naw dimdeeih nak ka pek khai. Ani ah ming cu Solomon ah kyak khai, a i ah kyasei ci ung, ani naw a uk sangung kei naw Israel am dimdeeih nak la ngaih gep nak ka pek khai.

SUKI GUI 3:30

Cun hnüüp ung Israel gui naw Moab cu tu hnin ci gui, ami khaw cu khawtum cheitkip ung dimdeih ci.

JOSHUA 21:44

Bawipa naw ami pupa gui am shai atak ah mäih ah khaw avan ung dinggei nak pe gui ci. Ami ga avan ungka tumat phi ngami kütnet püi gui ne ng’düi khai a u kä om ba ci, a i ah kyasei ci ung Bawipa naw Israel gui ami van ah khan ah näng nak a pek gui ah phäh ah kyak ci.

THULÄÄN NAK 12:10

Jordan tuinu nami kah law ung Bawipa naw khaw cu ning khäm sak gui sei, acu ah nami om khai. Ani naw nami ga avan ungka ning phyawn sak gui sei, nangmi cu ding gei sei nami om khai.

LAMKTU 2:47

Ngah mi cu Khanpughi m’hlüng m’tai u neh chang ah ng’lung ah mik hmai kiang seih om ci gui. Khanpughi naw ak hnüüp tä seih hun nak gah ci gui cu da law sak gui ci.

LAMKTU 5:11

Pum ci gui ami van lacun ah a mawng ng’yah tuk ciah chang avan cu ang hteiah kyikyawk ci gui.

LAMKTU 20:32

“Tuk bäi kei naw nang mi cu Khanpughi ah kut ung la, am gein nak ah Thu Ni ung ka ning ap gui ci. Cun ah Thu Ni naw, Khanpughi naw ak chang gui ah hmawk ah am hnüt ah, hriham ning pe gui ne ning düih sak gui khai.