LAMKTU 9:3 - Cho Bible Common Language 2016

³ Soul cu Damaskas gawnu pei ah agawk law yah ung khankhaw ah ka akdei cu ang ghit ah ng’dang law neh khang neh shü lawk ci.

LAMKTU 9:3 Referans Kwoze

1 KORIN 15:8

Ak hnu ah yawih nah ne ami hta nak ah mäih ah kyak ciah kei ah maa ah phi dang ba ci.

LAMKTU 22:6

“Kei cu lam ka hteit te ci, Damaskas gawnu kak et law yah, hnüüp lunglai khin ung khankho ah kaa ak dei nu cu ang ghit ah kia law ne, veing ne na shü lawk ci.

THU PHLAAN 21:23

Cun ah mang gaw ah khan ah Khanpughi ah bämang nak cu dei ne Htomehta cu amei im ah kyak ci kisei acun ah mang gaw ung hni la chaa ah akdei kä hlü ci.

1 TIMOTHI 6:16

Khanpughi bäng naw sih nak phiawn nak ci; Ani cu chang naw kä ak et hlawt vai ah pyü ne ng’shü ci ung om ci. Ani cu a u naw kä hmu man ci; Ani cu a u naw kä hmu hlawt ci: Bawipa ung m’tamkhah nak la angtäi sei hlüngtai nak cu om sä! Amen.

THU PHLAAN 22:5

Khaw amünak kä om ba khai. Mei im la hni ng’shü kä hlü ba khai, a i ah kyasei ci ung Bawipa Khanpughi cu ngami ah akdei ah kiak khai, ngami naw ghangpughang ah kya ne ngawi yä uk khai gui.

LAMKTU 9:17

Cun ah kyasei Ananias cu Soul ah om nak tu ah im ah hteit netah, ak khan ah a kut taih ne, “Ka nau Soul awi, na mik am dei ba vai lah, Mumcha Theing awn na be vai ah hmawk ah, na law nak lam ah na ma ah ng’dang ciah Bawipa Jesuh naw kei cu ana tüih law nei” ci neh pyein ci.

SAM 104:2

Na mät naw na mät cu akdei awn na uk ci. Nang naw khankho cu phung ah mäih ah na ng’shawng sak ci,

LAMKTU 9:27

Cun kawn ah Barnabas naw, Soul cu ang düihpüi gui ah om nak ah khah law püi netah, Bawipa cu Soul naw lam cawih ah a hmuh law amawng, Bawipa naw Soul ang thu püi ah mawng la Damaskas ah Soul naw Bawipa Jesuh ming awn ng’thu a pyein ah mawng gui cu tän neh m’thein gui ci.

1 KORIN 9:1

Kei cu ng’päi om chang ah kä kya ne ang? Ang düihpüi ah kä kya ne ang? Mi Bawipa Jesuh ka hmuk ciah chang ah kä kya ne ang? Nangmi cu Bawipa ah bi ka bi nak ung kaa nami dang lawk ciah kä kya ne ang?