LAMKTU 9:29 - Cho Bible Common Language 2016

²⁹ Ani cu Greek thu ah ng’thu ci gui ah Jew chang gui awn phi, ng’küüknet neh ng’thu pyein ci gui, Cun ung phi ngami naw ani cu ngawn vai ah ng’ge nak ci gui.

LAMKTU 9:29 Referans Kwoze

LAMKTU 6:1

A pipi shou law sei, ang khah püi gui da law pi k’täi ci gui. Cun yah ung Greek ng’thu ah ng’thu ciah Jew chang gui la khomah Jew chang gui ah ng’lak ah kä ami ng’gei nak om ci. Greek ng’thu ah ng’thu ciah Jew chang gui naw, hmeinu gui cu ak hnüüp tä ng’büh khai ah ngui käk dük ci gui cineh’ she nah gui ci gui.

JUDE 1:9

Khan chang gui ah bawi Michaela naw phi shin ah mäih cu kä bik ci, Moses ah pumsa a u naw lak khai ciah mawng Khoshe awn ani ng’cuh nak ung, Michaela naw Khoshe cu kä k’shedam na yäi netah, “Khanpughi naw khän ne ning m’cäi sä” cin kyak nak ci.

2 KORIN 11:26

Kei cu akda vei ka hteh hton nak ung tui ah lin nak, m’guk ei ah guhtep nak, la ka pakhui chang Jew ah gaa, khui hei chang gui ah gaa; gawnu gui ung gaa, bung hmu ah gaa, tuinu gui kyih nak la teihpüi k’she gui kyih nak gui cu ka aut ci.

LAMKTU 11:20

Cun ung phi Sairin la Saipras ah kaa yum ciah chang gui cu Antiok ah hteit u ne, Bawipa Jesuh Khrit ah mawng thuni cu chang pakhui hei gui am phi m’thein gui ci gui.

LAMKTU 19:8

Paul cu chaa thum ah kyong ung chagat ah hteit ne chang gui awn ng’cecäk u ne, Khanpughi ah uknak kho a mawng cu chang gui naw hmuhmat ne ami dou vai ah kä kyihkyawk ah m’theithang gui ci.

LAMKTU 18:19

Ephesus ah gawk u netah Paul naw Priscilla la Akuila cu nawng shüt goi ci. Cun kawn ah Pum im ah hteit ne Judah chang gui awn ng’cecäk ci gui.

LAMKTU 17:17

Cun ah kyasei pum im ah Judah chang gui, Khanpughi yum ciah chang pakhui hei gui la ak hnüüp tä sumlei ne lawk ciah chang gui awn ng’cecäk ci gui.

LAMKTU 9:27

Cun kawn ah Barnabas naw, Soul cu ang düihpüi gui ah om nak ah khah law püi netah, Bawipa cu Soul naw lam cawih ah a hmuh law amawng, Bawipa naw Soul ang thu püi ah mawng la Damaskas ah Soul naw Bawipa Jesuh ming awn ng’thu a pyein ah mawng gui cu tän neh m’thein gui ci.

JUDE 1:3

Kam’hni ah Teihpüi gui aw, kei naw nangmi am mi van naw yum ne mi dou ah hun nak ah mawng, ca ka ning guk gui vai ah ka k’tha na te ci. Cun ung phi Khanpughi naw ak chang gui am m’khäm ne a ap gui ah yum nak cu khäng htek khai ah nami ghunkhawn vai ah ang ghit ah ca gu ne, nangmi am k’thagui ning peit gui vai cu hlü lawk ci.

LAMKTU 9:28

Soul cu ang düihpüi gui awn a täng ah om tuh netah, Jerusalem avan ung hteit neh, Bawipa Jesuh ah ming ung näng nak awn ng’thu pyein ci.

LAMKTU 22:18

Cun ah ka mik hmuh nak ung Bawipa cu dang law netah, “Ang ghit ah kä shou shü ne Jerusalem ungka a hei ah na hteh vai, shin ung om ciah chang gui naw, kei ah mawng na saksi cu kä dou khai gui nei” cine pyein ci.