LAMKTU 9:22 - Cho Bible Common Language 2016

²² Cun ung phi Soul naw, Bawipa Jesuh cu Messiah ah a kyak ah mawng cu m’khüt näng nak awn pyein khä tah, Damaskas ah om ciah Jew chang gui naw käm hlan tuba hlawt ci gui.

LAMKTU 9:22 Referans Kwoze

LAMKTU 18:5

Macedonia ah kaa Silas la Timothi ani law ba kawn ah Paul cu thu Ni bäng k’tha nah ne pyein ne, Bawipa Jesuh cu Messiah ah a kyak ah mawng Judah chang gui am ak ni ah m’thein gui ci.

LUKA 21:15

A i ah kyasei ci ung nami gaa naw kä a ning m’khüt gui vai ah hmuhmat nak la ng’thu m’gawng thei nak cu ka ning pe gui khai.

ISAIAH 40:29

Aktha maih ci, bawng bai cicu ani naw thamah nak pek ci nei.

1 KORIN 1:27

Cun ung phi Khanpughi nawhmuhmat ciah chang gui ah ng’aa nak vai ah chang k’shekha gui cu ghü gui ci; Thamah ciah chang gui ah lü nak vai ah ak tha m’yu gui cu ghü gui ci.

LAMKTU 28:23

Cun ah kyasei ngami cu Paul awn hnüüp ng’nüt u netah, ami ng’nüt nak ah hnüüp ung chang akda Paul ah om nak ah gawk law ci gui. Paul naw kho ngawi ah tün ne, mühun nah khüt khai ah khanpughi ah uknak ah mawng Thu Ni cu m’thein gui ci. Bawipa Jesuh ah a mawng cun phi, Moses ah thukhän la prophet gui ah cacim gui awn küm khai ah, ngami naw ami yum tu vai ah k’tha nah ne m’thein tu gui ci.

PHILIPPIAN 4:13

Bawipa Jesuh Khrit ah na peit ah k’thagui awn kei naw ang’tüi avan kam khüt hning ci nei.

LAMKTU 17:3

Messiah naw yaica nak a bui aut vai ah mawng, la sih nak ungka a thawh ba vai ah a mawng gui cu cacim va teng teng ne ng’kheing khai ah m’thein gui ci. Paul naw, “Kei naw nangmi am ka ning m’thein gui ah Bawi Jesuh cu Messiah ah kyak ci” cine pyein ci.

SAM 84:7

Ngami cu gai law pi pi ne hteit ci gui; Ngami naw Zion mang gaw ung khanpughi gui ah Khanpughi cu hmuk khai gui nei.

JOB 17:9

Ami mät naw ami mät chang nak ciah pyen ci gui naw k’cang ci gui ah pyen law pi k’täi ci gui nei.

ATÜNNAK 49:24

Cun ung phi ali cu m’htung ge ci. Akut phi khüi ghat ci. Jakob ah m’gäi ciah Khanpughi ah huham awn la Israel ngäng ciah Htome shäm awn ah kyak ci.

SAM 51:13

Chang kaa gui am na thukhän cu ka m’thei gui khai nei, Ngami cu nang ah ng’hlat law ba khai gui nei.

LAMKTU 9:20

Ani cu pum im ah hteit neh Bawipa Jesuh cu, Khanpughi i ah htapa ah akiak ah mawng ng’thu pyein ci.

LAMKTU 9:21

Ani ah ng’thu ng’yak ciah chang gui cu cäicat u nehtah, “Shin ah chang cu, Jerusalem ah Bawipa Jesuh ah k’taigü ciah chang gui phung ngawn phah gui ciah kä kya ne ang? Zum ciah chang gui phung phah ne, k’taigü pa gui ah om nak ah hteh püi khai ah sha lawk ciah kä kya ne ang?” cine kyak ci gui.

LAMKTU 9:23

Khaw hnüüp akda ashou law kawn ah, Jew chang gui cu ng’bum uneh, Soul cu ngawn vai ah ng’ge ci gui.

LAMKTU 9:27

Cun kawn ah Barnabas naw, Soul cu ang düihpüi gui ah om nak ah khah law püi netah, Bawipa cu Soul naw lam cawih ah a hmuh law amawng, Bawipa naw Soul ang thu püi ah mawng la Damaskas ah Soul naw Bawipa Jesuh ming awn ng’thu a pyein ah mawng gui cu tän neh m’thein gui ci.

KALATIAN 1:18

Khokum thum a lüng kawn ah kei cu Peter ka hmuk khai ah Jerusalem ah hteit ne, ani awn a täng ah hnüüp gha lei-hma ka om tuk ci.

1 TIMOTHI 1:12

Shin ah bi ka bi nak vai ah thamah nak na pek ciah mi Bawipa Khrih Jesuh cu kam hlüngtai ci nei. Kei naw yanä Bawipa cu ak she ah pyein ne, dukdeiu na ne, yoshe na ne, ka kyak man pang ung phi, Bawipa naw kei cu na khinkha sak ne, abi ka bi vai ah nam hnüt sei Bawipa cu kam hlüngtai ci nei. Cun sang ung kei cu yum nak kä om sei, akni akshe phi kä ka hmat ci, cun ah kyasei Bawipa naw kei cu na chimgein ci.