LAMKTU 9:2 - Cho Bible Common Language 2016

² Bawipa ah hnu läk ciah hnumi, pami avan a hmuh ung phah neh Jerusalem ah alaw püi nak hning vai ah ap nak ah ca cu, Damaskas ah pum im gui ah ami guk vai ah vah pyein ci.

LAMKTU 9:2 Referans Kwoze

LAMKTU 19:23

Cun yah ung Ephesus ah Bawipa ah mawnglam ah hmawk ah thüngkyüng thüngphyong nak om ci.

LAMKTU 19:9

Cun ung phi chang amshah gui cu ami m’lung m’sing sei kä yum u ne, chang khli ah ng’lung ah Bawipa ah lam ah mawng cu pyein m’sheet ci gui. Cun ah kyasei paul naw yum ci gui cu khah püi gui ne, ngami gui cu hteh ta gui netah, Tirannus ah ng’thei im kyong ung ak hnüüp tä sei ng’thu ng’ge püi gui ci.

LAMKTU 24:14

Cun ung phi ngami naw kä ng’düng ciah ami pyein ah lam ung pupa gui ah Khanpughi cu ka taigü ci. Moses ah thukhän avan la prophet gui ah cacim avan cun phi ka yum ci.

LAMKTU 24:22

Felix cu a mawng a ma hmat ciah chang ah kya ne, ang shica nak gui cu ng’düm sak gui netah, “Gakap ng’vaipi Lisias gawk law khätah ning ng’thumcha peit gui vai nei” cine pyen na gui ci.

LAMKTU 18:25

Ani cu Khanpughi ah bilawh mawnglam phi ngaiya theithang ciah kyak ci, Bawipa Jesuh ah ng’düng ciah amwng ama gui cun phi k’thamah nak awn pyeinsa ne, m’theithang ci. Cun ung phi ani naw Johan ah tui hnim nak bäng hmat ci.

LAMKTU 9:14

Ani cu k’taigü khem ah peit ah bi nak hning awn, nang ning khanihnah ciah chang gui cu, pha gui khai ah, Damaskas ah lawk ciah kiak ci nei” ci neh pyein ci.

LAMKTU 26:12

“A cun ah ng’bü nak awn kei cu Taigü khem ah huham nak ca la netah Damaskas ah ka hteit ci.

LAMKTU 7:19

Cun ah ghangpughang naw mi pughi gui cu m’khawi hnga gui neh shedam nah gui ci. Ami hmaw hta gui ami sih vai ah imah ak pung ah hta sak gui ci.

LAMKTU 6:9

Cunung phi ani cu Sairin lah Alexandria ah ka, Jew chang gui mah ah pum im ung ka, päiye chang gui naw hnu ng’tuk püi ci gui. Acun gui lah Cilicia lah Asia ah ka, Jew chang gui naw Stephen cu ng’küüngneet püi ci gui.

ATÜNNAK 14:15

Acu ah gawk u neta, a chang gui k’paai gui ne, mü ah ga gui cu tu ne m’khüt gui ne, Damaskas khaw siip Hobah gawnu ah khüt ne k’täm gui ci.

ISAIAH 17:1

Bawipa naw pyen ci, “Damaskas cu mang gaw ah kä kya ba khai; cun cu ng’phyek ci gui k’bum ah kyak khai.

JEREMIAH 49:23

Shin cu Damaskas ah amawng Bawipa naw a pyen ah kyak ci: “Hamath la Arpad mang gaw gui ung om ciah chang gui ng’ä ai ne khüi kha ci gui, a i ah kyasei ci ung ngami naw thushe ami ng’yak ah phäh ah kyak ci. Tuinu ah khan ah tui ang hnawh ah mäih ah ami khan ah kyasei ngami cu kä ng’düm hlawt ci gui.

MATTHE 10:17

Geing nah ne nami om vai, chang gui naw ning pha gui ne yung ah m’kawt ung ning hteh püi gui khai gui.

JOHAN 14:6

Bawipa Jesuh naw, “Kei cu lam ah ka kyak ci, thutak ah phi ka kyak ci, ghin nak ah phi ka kyak ci, kei ung kä hteit ciah chang phung cu Kapa ah om nak ah kä gawk khai.

LAMKTU 9:21

Ani ah ng’thu ng’yak ciah chang gui cu cäicat u nehtah, “Shin ah chang cu, Jerusalem ah Bawipa Jesuh ah k’taigü ciah chang gui phung ngawn phah gui ciah kä kya ne ang? Zum ciah chang gui phung phah ne, k’taigü pa gui ah om nak ah hteh püi khai ah sha lawk ciah kä kya ne ang?” cine kyak ci gui.

LAMKTU 26:10

Jerusalem ung kei naw ka bi gui cu; Kei cu Taigü khem gui ah huham gah netah, Khanpughi ah chang gui cu pha ne thawng ung ka chum gui ci; ngami ngawn gui vai ah ami k’bäi law ung phi yum ne ka k’cang na gui ci.

2 KORIN 11:32

kei cu Damaskas ung ka om yah ung Aretas ghangpughang ah ‘Ka ungka bawi naw, kei cu ami na phaa vai ah m’kawt cu ngäng sak gui ci.

KALATIAN 1:17

Ang düihpüi ah kya law ma ci gui, ka ng’shi gui khai ah Jerusalem ah phi kä ka hteit man ci. Ak htük bäih ah Arabia kho ah hteit netah Damaskas ah ka law ba ci.