LAMKTU 9:15 - Cho Bible Common Language 2016

¹⁵ Bawipa naw ani am, “Hteit ä, cun ah chang cu, changpakhui hei gui, ghangpughang gui lah Israel chang gui am, keiah ming cu m’thein gui khai ah ka ghü ah kyak ci nei.

LAMKTU 9:15 Referans Kwoze

ROMAN 11:13

Kei naw nang chang khui hei gui ah maa ah ng’thu ka pyein ci nei. Kei cu chang khui hei gui ah hmawk ah ang düih püi ah ka kyak ci kya sei, ka mät ah bi nak awn ka khähghah ci nei.

ROMAN 1:5

Khanpughi naw ani ung ang düihpüi ah kyak nak vai ah akhin k’ni cu na pe ne, kho avan ung, chang avan naw Khanpughi cu yum ne ami läk vai ah kei cu m’düih ne na tüi ci.

1 TIMOTHI 2:7

Cun ah kyasei, kei cu ang düih püi ah nam düih ne chang khui hei gui ah saya ah kya ne, yum nak thu düng cu ka ng’shäu khai ah na tüi ci. Kei ka hleei ah kä kya ci, thu düng ka pyein na kiak ci.

JEREMIAH 1:5

“nang am ghin nak kä ka ning pek pha ung kei naw ka ning ghü ci. Nang kä na ng’tüi pha ung changpakhui gui ah prophet ah kei naw ka ning ghü ci.”

2 TIMOTHI 2:4

A bilawh mawng ung hnüntho ciah gakaap tumat cu, a bawi naw ayum vai ah bilo ciah kyak ci, a hei a mawng ama ung käng cawngcam, kä hnün tho ci.

LAMKTU 22:21

Bawipa naw, “Hteit ä, a shou nak ah om ciah chang pakhui hei gui ah, nang cu ka ning tüi khai nei” cine pyein ci” cik ci.

JOHAN 15:16

Nangmi naw kei kä nami na ghü ci, nangmi hteit ne akda ah m’theih ne ang tak ah nami vui vai ah kei naw ghü ne ka ning m’düih gui ci. Cun ah kyasei kei ah ming awn nami ng’yoih phung cu Kapa naw ning pe gui khai.

2 TIMOTHI 1:11

Khanpughi naw kei cu Thu Ni ng’shäu ciah ang düihpüi la saya ah anam düih ah kyak ci.

KALATIAN 1:1

Chang ungka lawk ci la chang ah m’düih ah kä kyak ciah, Jeyuh Khrit la ani sih nak ungka thawh ba sak ciah Apa Khanpughi ah m’düih, ang düihpüi kei Paul La;

1 KORIN 15:10

Cun ung phi Khanpughi ah m’gein nak awn kei ah ka kyak ci, kei am a na peit ah cun ah m’gein nak cun phi a kholä ah kä kyak ci. Kei cu a hei ang düihpüi gui ah ta k’tha nah pi ne khuut ka bik ci. Cun ah ka bi cu ka mät ah k’tha gui awn ah kä kyak ci, kei ung om ciah Khanpughi ah m’gein nak awn ah kyak ci.

LAMKTU 13:2

Cun ah chang gui cu Khanpughi ah taigü ne, ei hlawi ne ami om yah ung Mumcha Theing naw ngami am, “Kei ah ka bi bik khai goi ah Soul la Barnabas cu khän ne ghü goi vä” cine kyak na gui ci.

MATTHE 10:18

Mang ah im ung ning tuthat gui khai gui. Nangmi cu kei ah hmawk ah uk-chuk ci gui la ghangpughang gui ah ma ah ning hteh püi gui khai gui. Cun ah kyasei ngami gui la a pakhui hei gui-am ng’thu k’ni cu nami m’thein gui khai.

THU PHLAAN 17:14

Ngami naw Htomehta cu ng’tuk püi khai gui. Cun ung phi Htomehta cu bawi nüng ah Bawi, mang nüng ah Mang (Ghangpughang nüng ah Ghangpughang) ah kyak ciah kya ne, ngami cu näng gui khai. Bawipa ah a ghü gui la bekhüt ne läk ci gui cu ani awn atäng ah näng nak gah khai gui,” cine pyein ci.

LAMKTU 27:24

“Paul kä na kyih vai, Nang cu ghangpughang ah ma ah na gawk khai. Khanpughi naw nang cu a ning m’hni nak awn, a täng ah htinpaw ng’cum tuk ci gui ah chang gui cu sih nak ungka k’phiawn gui khai nei” cine pyein ci.

LAMKTU 26:32

Akrippa naw Festus am, “Shin ah chang cu ghangpughang ah ng’paa nak kä a bi vai sü ung k’phiawn hning te nei” cine pyein ci.

LAMKTU 25:22

Akrippa Ghangpughang naw, “Cun ah chang ah ng’thu cu ka mät naw ka ng’ya tu hlük ci nei” ci khä tah, Festus naw, “Acun ah chang ah thu cu ngawi ung na ngai ng’yak khai nei” cine pyein ci.

LAMKTU 21:19

Paul naw ngami cu yei ne dou gui netah changpakhui hei gui ah ma ah ani awn Khanpughi naw a bi law ah a mawng gui cu m’thein tu gui ci.

JEREMIAH 1:7

Cun ung phi Bawipa naw kei cu na pyen nak ci, “Nang na hmaw aih ciah kä pyen ä, kei naw ka ning tüih nak ah chang gui ah hteit ne, nang naw na pyen vai ah kei naw ka ning thum khän cu m’thein gui ä.

LAMKTU 28:17

Hnüüp thum lüng khä tah Paul naw cun ah gawnu ung om ciah Judah chang ng’vai gui khü gui ci. Ngami cu law ne ng’cut law u khätah, Paul naw, “Israel chang phäi nau gui aw, kei naw mi mät ah pakhui ah khan ah phi bäi, mi pupa gui ah thung man gui ah khan ah phi bäi, m’shetkat ne a i phi ka bi lawh kä om lang sei, kei cu Jerusalem ah Jew chang gui naw na pha u netah, Rom chang gui ah kut ung na ap ci gui nei.

LAMKTU 22:14

Aninias naw, “Nang cu mi pupa gui ah Khanpughi naw a ng’yaak hlü na hmat vai, düng ciah ak changshäm na hmuh vai la acun ah Bawi ah thu k’aw na ng’yaak vai ah hmawk ah ning ghü pyi ci nei.

LAMKTU 26:1

Akrippa naw Paul am, “na mät ah hmawk ah thu na pyein hning ci” ci ne kyak na khä tah; Paul naw a kut k’phyaat ne nüt ne,

LAMKTU 28:28

Paul naw a khüüp nak ah, “Cun ah kyasei hun phiawn nak ah mawng Khanpughi ah Thu Ni, changpakhui hei gui ah ma ah pyein khai ah chang cu tüih pyi ah kyasei, ngami naw ngai yak khai gui’ cicu nami hmat vai nei” cine m’thein gui ci.

ROMAN 1:1

Khanpughi naw Thu Ni ng’shäu khai ah ghü ne am’düih, Jesuh Khrit ah chang shäm, kei Paul naw ca ka gu lawk ci.

1 KORIN 9:16

Thu Ni ka pyein nak awn kei ung khähghah nak vai kä om ci, Khanpughi ah thukhän nawn kei naw ka bi ah kyak ci. Kei naw Thu Ni cu kä pyein ah ka om ung a i hlawk ah thüisei vai kyak khai ang!

EPHESIAN 3:1

Shin ah a mawng ung Bawi Khrit ah thawng kyum ah ka kyak ciah kei Paul naw, nangmi chang khuihei gui ah hmawk ah Khanpughi ah ka taigü ci nei.