LAMKTU 9:13 - Cho Bible Common Language 2016

¹³ Ananias naw, “Bawipa, Jerusalem ah na chang gui ah khan ah, cun ah chang naw ak she ah abi lawh gui cu, chang akda naw pyein u sei kang yah pyi ci nei.

LAMKTU 9:13 Referans Kwoze

LAMKTU 8:3

Cun ung phi Soul naw khrithabum gui cu m’di gui vai ah k’tha nak ci. Ani cu a im tung päng ung hteit neh, hnumi, pami sawkaih gui neh thawng ung chum gui ci.

EZEKIEL 3:14

Bawipa ah huham cu kei ah khanah dämuh ciah nak tut ne gawk law khäta amum cha naw na hteh püi sei, kei cu ka m’lung na ne ka m’lung she ci.

LAMKTU 9:1

Cun ah akhin ung Soul naw Bawipa ah hnu läk ci gui cu, ngawn pha gui vai ah pawng püi ci. Ani cu taigü tung ah hteit natah,

ROMAN 16:15

Philolokus la Julia, Nereus la abe, Olympas la ngami awn om ci gui ah Khanpughi ah chang gui avan cu ka yavaih na gui ci nei.

ROMAN 16:2

Khanpughi ah chang gui ah mi kyak ci kya sei ani cu Bawipa ah ming awn nami dou vai nei. Nami m’hteihtang tu vai a hlü ah a kyak ung nami m’hteihtang tu vai nei. Ani cu chang akda m’hteihtang tuk ciah teihpüi k’ni ah kyak ci, kei phi nam hteihtang tuk ci.

ROMAN 15:31

Judea kho ah kä yum ciah chang gui ka phiawn nak gui vai ah kei ah m’hteihtang nak gui cu, Jerusalem a kaa Khanpughi ah chang gui naw yeikyai ne ami dou nak hning vai ah, nami taigü vai nei.

ROMAN 1:7

Cun ah kyasei Khanpughi naw ning m’hni gui ne a ning khü gui pyi ah Rom Khrithabum am shin ah ca cu ka ning guk law gui nei. Mi Pa Khanpughi la Bawipa Jesuh Khrit naw m’geinsei nak la dimdeeih nak cu ning pe gui sä.

LAMKTU 22:4

Kei naw Bawipa Jesuh ah lam läk ciah chang gui cu ngawn gui haw ne kak’dudeiu na gui man ci. Hnumi gui, k’pami gui akda pha gui ne Thawng ung phi ka chum gui man ci.

LAMKTU 9:32

Peter cu kho päng ung hteit shüi netah, hnüät ung Khanpughi ah chang gui ah om nak, Lidda pigaw ah gawk lawk ci.

MATTHE 10:16

‘Ngai vä! Hngei khli ah ng’lung ah htome hta chah ah mäih ah, kei naw ka ning tüi gui ci nei. Cun ah kyasei, k’phyu ah mäih ah theileh u ne, am äm kä om ciah müm kha ah mäh ah nami m’lung gei sä.

1 SAMUEL 16:2

Samuel naw, “A i haw cha ah ka bi vai ang? Saul naw cun ah mawng ang yak ung kei na ngawn khai nei!” cik ci. Bawipa naw, “Seipat hta tumat hteh püi neta Bawipa cu cä ah khawihnah nak ka douthak khai, cine na pyen vai.

LAMKTU 9:21

Ani ah ng’thu ng’yak ciah chang gui cu cäicat u nehtah, “Shin ah chang cu, Jerusalem ah Bawipa Jesuh ah k’taigü ciah chang gui phung ngawn phah gui ciah kä kya ne ang? Zum ciah chang gui phung phah ne, k’taigü pa gui ah om nak ah hteh püi khai ah sha lawk ciah kä kya ne ang?” cine kyak ci gui.

LAMKTU 9:41

Peter naw cun ah hnumi cu k’pang ne ng’düih sak netah, hmeinu gui mah mah ah yum ciah chang gui ami van cu khü gui ne, ghing ba ciah Dorkas cu ap gui ci.

1 KORIN 1:2

Korin gawnu ung Khanpughi ung ng’bum ciah chang gui la, a kho päng ungka mi Bawi la ami Bawi ah Bawipa Jesuh Khrit khawihnah ciah chang avan la, Bawi Khrit Jesuh ung kawngät nak awn Khanpughi ah chang avan la, Bawi Khrit Jesuh ung kawngät nak awn Khanpughi ah chang theing ah a khü gui ah chang gui am ca ning guk law gui nei.

1 KORIN 6:5

Nangmi cu lü ng’aa vai ah nami kyak ci nei. Khritha gui nami mät ng’cuhcan nak a om law ung, ng’gepai ng’thumcha hning khai, nami mät ah kyong ung hmuhmat ci a u kä om ne maa!

1 KORIN 14:33

a i ah kya sei ci ung Khanpughi naw kä ng’khämbawi khai ah bi vai cu kä ng’ya hlük ci, ng’awi ng’gi nak la dimdeeih nak vah ng’ya hlük ci.

1 KORIN 16:1

Ca nami guk law ah, Judea kho ah Khanpughi ah chang gui m’htei nak gui vai ah ngui ah mawng ung, Kalatia kho ah Khtihtabum gui kam cäi gui ah mäih ah nami bi vai nei.

EPHESIAN 1:1

Khanpughi ah ang yak hlü ah Bawi Jesuh Khrit ah ang düihpüi ah kyak ciah kei Paul naw, Ephesus gawnu ung Khanpughi ah chang gui, bekhüt ciah khritha gui-am ca ning peit law gui nei.

PHILIPPIAN 1:1

Bawi Khrit Jesuh ah changshäm ah kyak ciah Paul la Timohti naw — Philippi gawnu ung Khrithabum uk ci gui la bi püi gui ci gui ni, Bawi Khrit Jesuh ung kawng ät ci gui ah Khanpughi ah chang gui ni am, ca guk law ci goi nei.

PHILIPPIAN 4:22

Khanpughi ah chang gui ami van naw ning yavaih gui ci gui nei; Ghangpughang ah mang im kyong ah om ci gui ah Khritha gui naw ak tung pi ah ning yavaih na gui ci gui nei.

KOLOSE 1:2

Bawi Khrit ung kawng ät nak awn bekhüt ciah phäi nau ah kyak ciah Kolose gawnu ah Khanpughi ah chang gui-am, ca ami guk law nei. Mipa Khanpughi naw am gein nak la dimdeeih nak cu ning m’shum phyuk gui sä.

HEBRU 13:24

Nami ng’vai gui la Khanpughi ah chang gui avan cu kami yavaih nah gui ci nei. Itali ah kaa phäi nau gui naw phi ning yavaih nah gui ci gui nei.

JUDE 1:3

Kam’hni ah Teihpüi gui aw, kei naw nangmi am mi van naw yum ne mi dou ah hun nak ah mawng, ca ka ning guk gui vai ah ka k’tha na te ci. Cun ung phi Khanpughi naw ak chang gui am m’khäm ne a ap gui ah yum nak cu khäng htek khai ah nami ghunkhawn vai ah ang ghit ah ca gu ne, nangmi am k’thagui ning peit gui vai cu hlü lawk ci.