LAMKTU 9:1 - Cho Bible Common Language 2016

¹ Cun ah akhin ung Soul naw Bawipa ah hnu läk ci gui cu, ngawn pha gui vai ah pawng püi ci. Ani cu taigü tung ah hteit natah,

LAMKTU 9:1 Referans Kwoze

LAMKTU 8:3

Cun ung phi Soul naw khrithabum gui cu m’di gui vai ah k’tha nak ci. Ani cu a im tung päng ung hteit neh, hnumi, pami sawkaih gui neh thawng ung chum gui ci.

KALATIAN 1:13

Kei naw Jew gui ah yum nak ung ka om yah ung a i ah ka bilawh man cu ka ning m’thein gui pyi ah kyak ci. Kei naw Khanpughi yum ci gui cu ak she ah k’dudeiu na gui ne, khrithabum cu m’di vai ah ka k’tha na pi k’bäih ci.

1 KORIN 15:9

Kei cu ang düihpüi gui ung ak chui pi k’bäih ah ka kyak ci — Khanpughi ah Khrithabum kak dukdeiu nak ci kya sei, ang düihpüi ah khü vai ah phi kä ka khin ci.

LAMKTU 7:58

Stephen cu phah u neh pigaw k’pung ah hteh püi u netah, ng’lung nah ne lung awn vawi ci gui. Vawi ciah chang gui cu ami suinu suut netah Soul ming nak ciah ak hmaw chang tumat am ap ci gui.

PHILIPPIAN 3:6

Kei cu ang htei ah m’thüikhang ne Khrithabum phi ka k’dukdeiu na man ci. Thukhän awn ng’düng vai cine, thukhän läk nak pyein law ung kei cu pyein vai kä om khai ah ka läk ci.

SAM 27:12

Hleei hlak shedam nak awn na ng’tuk püi ciah ka gaa gui ah ng’lung ah kä na nawng-en ä.