LAMKTU 8:9 - Cho Bible Common Language 2016

⁹ Acun ah pigaw ung Simon ming nak ciah chang tumat om ci. Ani cu amät naw amät ang vai pi ah pyein neh, k’ce kya ne Samaria chang gui cu cäicat sak gui ci.

LAMKTU 8:9 Referans Kwoze

LAMKTU 13:6

Ngami cu cun ah tuikoi phlän ne, Paphos gawnu ah gawk ci gui. Cun ah pigaw ah Bar-Jesuh ming nak ciah, Judah chang prophet ah ng’hlawk ciah k’ce tumat om ci.

LAMKTU 5:36

Ayan hta Shängung Theudas ming nak ciah chang tumat cu amät naw amät chang k’tung khak ah m’hlüng m’tai ne om ci, a hnu ah läk ciah chang phia’phli vai lawk ci. Cun ung phi ani ami ngawn kawn ah ak chang gui püi yawp u sei abi mawng phi maih yawp ci.

JOHAN 7:18

Amät ah ng’yak hlü pyeinsak ci cu, amät ah mingthang nak vai ah kyak ci. Cun ung phi tüi lawk ciah mingthang vai ng’ya hlük ci naw, düng nak awn ng’thu pyein ci, ani ung hleeihlak nak kä om ci.

TAIGÜTHUM 20:6

“Chang tumat mat cu aksi ah mümcha ah luh nak ah chang, m’cumcäi tuk khai ah a hteh ah a kyak ung, kei naw hnungtuk ne ka ng’hlah tak khai. Ka chang tumat ah kä ka k’bäi ba khai.

LAMKTU 8:11

Ngami cu Simon ah ce ah mawng ung ami cäicat nak she law pyi ci kiah sei cun nah m’hteih ne ngai ci gui ah kyak ci.

PHYAWN NAK 7:22

Ghangpughang ah k’cee gui naw phi a cun ah mäih ah bi tuk ci gui. Ghangpughang cu ling gäk gäk ci. Bawipa naw a pyen ah mäih ah ghangpughang naw Moses la Aaron cu kä ngai goi ci.

PHYAWN NAK 7:11

Ghangpughang naw akchang cüivai gui la k’cee gui cu khü gui sei, ngami naw a cun ah mäih ah ami cee nak awn bik ci gui.

THU PHLAAN 22:15

Cun ung phi chang shekha gui, ng’plukheih ci gui, pletbeng ci gui, chang ngawn ci gui, a gup khawihnah ci gui, hleeihlak cheishoh ci gui cu ami van Manggaw ah ak’pung ah om khai gui.

2 PETER 2:18

Ngahmi naw shetkat nak ungka phyawng law thai ciah chang gui cu, khähghah ne thuvi nak ah ng’thu la pumsa ah ng’yak hlü hlimtui nak gui awn k’däk ne lam hma sak gui ci gui.

2 TIMOTHI 3:5

Ngahmi cu ami khan shai awn ami yum tu ung phi, ak-cang ah hlüngtai nak ah mawng cu hnu ng’tuk püi khai gui nei. Cun ah mäih ah chang gui cu na hlawi gui vai nei.

2 TIMOTHI 3:2

Chang gui cu ami mät hnga kä ngai u ne, ngui bäng ya hlü u ne, khäghah längtang ne, ng’hawhshaak m’ghämce ne kyak khai gui nei. Ngami cu ngetngawng u ne, nupa ah beit kä ngai ne, m’gein nak kä om ci, yum nak kä om ciah kyak khai gui nei.

2 THESSALONIAN 2:4

Acun ah akshekha säih naw “Khanpughi nei” cine chang gui naw ami khawihnah gui phung cu hnu ng’tuk püi gui ne, avan ah khan ah kei ka hlüngtai pi ci nei,’ cine, pyein khai nei. Ani cu Khanpughi ah pum im kyong pui ah hteit ne ngo netah, amät cu Khanpughi ah pyein ne ng’shäu khai nei.

PHYAWN NAK 9:11

Cee gui cun phi a hei Egypt chang gui ah mäih ah hlut u neta, Moses ah ma ah kä ng’dang law ba ci gui.

LAMKTU 13:8

Cun ung phi (karik thu awn Elimas ming nak ciah) k’ce naw, gawmang naw kä a yum hlawt vai ah Barnabas la Soul cu ng’cuhcan püi goi ci.