LAMKTU 8:40 - Cho Bible Common Language 2016

⁴⁰ A kawn ah Philip cu Ayotus gawnu ah gawk ciah hmat lawk ci. Cun kawn ah Sisaria ah hteit ba neh, a hteh nak ba ah lam apigaw päng ung Bawipa Jesuh ah mawng ng’Thu k’Ni cu hei pyein vük ci.

LAMKTU 8:40 Referans Kwoze

LAMKTU 21:8

A ngawi ung düi law ne hteit ba u ne, Sisaria ah kami gawk ci. A cu ah Thu Ni pyein ciah Philip ah kami kai ci. Ani cu ang düih püi gui bi bi püi gui khai ah Jerusalem khritahbum naw chang sing chih ami ghü nak ungka tumat ah kya ci.

LAMKTU 25:4

Festus naw, “Paul cu Sisaria ah thawng ung chum ne ngäng ci gui. Kei ka mät kä shou pha sei a cu ah ka hteit lawk khai.

LAMKTU 23:33

K’secum gaakap gui cu Sisaria ah gawk u netah gakap ng’vaipi ah ca cu Gawmang am pe u ne, Paul cun phi ap ci gui.

LAMKTU 23:23

Shekshen bawi naw gaakap bawi hnih cu khü goi netah, “Sisaria ah hteit khai gui ah, gaakap phia goi, k’se cun gaakap chih-kip, la k’htei kawt gaakap phia goi cu hneng mü nayi kaw ung ng’düi ge khai gui ah nami m’hnüt vai nei.

LAMKTU 10:1

Sisaria gawnu ah Konelius ming nak ciah chang tumat om ci. Ani cu Itali ming nak ciah Roman gaakap shekshen ung kaptain ah kya ci.

1 SAMUEL 5:1

Philistin gui naw Thukhän M’küm ami guh gui kawn ah, ngami naw Ebenezer ah ka ami mang gaw Ashdod ah hteh püi ci gui,

ROMAN 15:19

Cäicat vai ah cäi aih gui vai la ngaih khit gui vai, Mümcha Theing ah hlüngtai nak gui awn ah kyak ci. Cun ah kyasei kei cu, Jerusalem ungka naw Illyrikam ung khüt sei, ka hteh nak phung la ka gawk nak phung ung, Bawi Khrit ah mawng Thu Ni cu ak be ah ng’shäu ne ka pyein ci.

LAMKTU 25:13

Cun kawn ah shou hta khä tah Akrippa ghangpughang la ak chu Bernice cu gawmang Festus hmuh ne dou khai goi ah Sisaria ah gawk lawk ci goi.

LAMKTU 25:6

Festus cu Jerusalem ah hnüüp cheit, kaw, ghaa om ba netah Sisaria ah hteit ci. A ngawi ung thu m’cha nak mang kyang ung ngoh netah Paul cu khü sak gui ci.

LAMKTU 25:1

Festus cu cun ah kho ah a gawk law nak hnüüp thum lüng khätah, Sisaria ah kaa Jerusalem ah hteit ci.

LAMKTU 21:16

Sisaria ah kaa yum ciah chang amshah gui cu keimi awn a täng ah law tu u ne, Saiprus ah kaa, yum ciah chang Mnason ah im ah kai vai ah na hteh püi gui ci gui.

LAMKTU 12:19

Herod naw Peter cu shui ba sak gui sei, shui ba ne kä hmuh ba u khä tah ngäng ci gui cu ngawn gui vai ah k’bäi ci. Cun kawn ah Herod cu Judea kho nawng shüt ne Sisaria ah hteit ne om shäng shäng ci.

LAMKTU 10:24

A ngawi ung Peter cu Sisaria gawnu ah gawk law sei, a na ng’bum ci gui ah Konelius la a phäi nau a teih püi gui naw a na do ci gui.

LAMKTU 8:25

Peter lah Johan cu Bawipa Jesuh ah mawng ani hmuh ng’yak gui m’dang neh Khanpughi ah ng’thu cu pyein ni netah Jerusalem ah hteit ba ci gawi. Ani hteh nak ba lam ah Samaria pigaw akda ung Bawipa Jesuh ah mawng ng’Thu Ni cu pyein ci gawi.

ZEKHARIAH 9:6

Ashdod mang gaw ung changpakhui gui ng’caw ne om khai gui. Bawipa naw, “Philistin chang gui ah chang ah ng’shei nak avan cu ka hnim khai nei.

JOSHUA 11:22

Israel khaw ung Anakim chang a u phi kä om ba ci; cun ung phi Kaya, Kath la Ashdod ung api om ci gui.

LAMKTU 9:30

Cun ah mawng cu ak chang gui naw ng’yah u netah, Soul cu Sisaria ah hteh püi u neh cun ung ka naw, Tarsus ah hteh sak ci gui.

LAMKTU 11:11

Ngahmi cu Sisaria ah kaa kei ah ami tüih law gui ah kyak ci.

LAMKTU 18:22

Ani cu Sisaria ah gawk netah htinpaw ungka naw kyum law ne, Jerusalem ah hteit ne khritha bum gui cu yavaih ah gui ci. Cun kawn ah Antiok ah hteit ci.