LAMKTU 8:4 - Cho Bible Common Language 2016

⁴ A khaw hei hei ah püipiang ci gui ah yum ciah chang gui naw ng’Thu Ni cu hei pyein vük ci gui.

LAMKTU 8:4 Referans Kwoze

LAMKTU 11:19

Bawipa Jesuh yum ciah chang gui cu Stephen ami ngawn yah ung ami shedam ngawn pha gui ah hmawk ah a hei hei ah püipiang yawp ci gui. Am shah gui cu Phoenisia, Saipras, la Antiok gawnu yung ah gawk u ne thu ni cu Jew chang gui bäng am m’thein gui ci gui.

LAMKTU 8:1

Cu hnüüp ung tün neh Jerusalem ung om ciah khritha gui cu, ak she ah dudeiu nah gui ci ci gui. Cun ah kiah sei ngah mi cu Judea khaw lah Samaria khaw yung ah püipiang yawp u sei. Ang düihpüi gui bäng om ba ci gui.

MATTHE 10:23

Pigaw tumat ung ami ning shedam nak gui ung, a hei pigaw ah nami dawng vai. Kei naw akcang ka pyein cu, Israel kho pigaw päng ung bilawh vai kä nami bi yawp pha ung, chang ah Htapa cu kyum lawk khai nei.

1 THESSALONIAN 2:2

Nangmi ah om nak Thessalonika ah kä kami law pha ung, Philippi ah a i hawkcha ah shedam dukdeiu nak kami gah cu nami hmat ci nei. Cun hlawk ah hnu ng’tuk püi nak a om tu pang ung phi, Khanpughi naw amät ungka lawk ciah Thu Ni cu, ning m’thein gui vai ah thamah nak na pe gui ci nei.

LAMKTU 15:35

Paul la Barnabas cu Antiok gawnu ah om shou ni ne, Bawipa ah thu ni cu chang hei gui awn a täng ah m’theithang pyeinsak ci goi.

LUKA 1:2

Cun ah ami guk cu akhtük ung hmuhmat ci gui la pyeinsak ci gui ah m’thein m’kan ba gui ah kyak ci.

LAMKTU 8:12

Cun ung phi Khanpughi ah uknak khaw a mawng ng’Thu Ni lah Bawipa Jesuh a mawng Philip naw a pyein yum ciah chang hnumi, pami cu tui ng’hnim ci gui.