LAMKTU 8:33 - Cho Bible Common Language 2016

³³ Ani cu ng’yo m’shaw nak gah ci, ani ah hmawk ah tutäng khai ah bi nak kä om ci. Khomdek khan ah ani ah ghin nak cu ng’pyi pyi ci kiah sei, Ani ah hta nau gui am m’thein m’kan gui khai tumat phi kä om ci” ciah kyak ci.

LAMKTU 8:33 Referans Kwoze

ISAIAH 53:12

Cun ah kyasei ani am, m’tam khah nak ah hmun, dämduh ne huham mah ci gui ah ng’lung ah hmun akni ka pek khai. Ani naw a ghin nak cu kä ng’vang ne pe ne, Changshe gui ah ham cu chaw nak ci. Ani naw hmakak ciah chang hli ah a hmun cu la neta, Ngami m’geinsei gui vai ah taigü ci.’’

ISAIAH 53:8

Ani cu pha u neta, ngawn ci gui, Cun ung phi ani ah ghin nak cu a u naw a i ah kä ngai ci. Ani cu mikmi chang gui ah katnak ah phäh ah sih nak ami pek ah kyak ci.

ZEKHARIAH 13:7

Hlüngtai ciah Bawipa naw, “Tho law ä, khim ghaat aw, kei ah hmawk ah bii bik ciah htoshäm cu na tuk vai, Na ngawn vai, a htome gu cu püipyang khai gui. Kei naw ka chang gui cu ka tu gui khai.

HABAKKUK 1:4

Thukhän cu ng’yom ci, a i ah kä mawng ci, taga ciah m’khoicha nak kä om ci, changshe gui naw changnigui ah ni nak cu la u sei, taga nak cu ng’lat yawp ci.

DANIEL 9:26

Cun ah khin ang pyi law hlü ung, Khanpughi naw a ghü ah ang vaihta cu kä taga ciah ngawn khai gui. Mang gaw la Taigüim cu huham mah ciah uktu ah m’gäi ciah gakap naw m’di khai. Ang pyi nak vai cu tuii hlaw ah mäih ah lawk khai. Khanpughi naw a pawng püi ah ng’tuk nak la dishum nak cu law püi khai.

ISAIAH 53:10

Bawipa naw pyen ci, “Ani a yaica vai cu kei ah ka ng’yak hlü ah kyak ci nei; Ani ah a sih cu m’geinsei nak law püi nak vai ah khawihnah nak ah kyak ci. Cun ah kyasei ani naw a hta ng’shon gui cu hmu gui khai; ani cu aghin kho ng’shäi khai, ani ung kei ah ng’bü nak cu näng m’khüt nak om khai.

ISAIAH 10:2

Shin cu dukhaih ci gui naw ami chaw kä ami gah vai la taga nak kä ami gah vai ah nami shung nak ah kya ci.

ISAIAH 5:23

Cun ung phi nangmi naw ng’mü khawk dou u ne, chang she m’hlawt ne, kä hma ciah chang cu taga khai ah kä nami bi pek ci.

SAM 22:30

Malam ah hta ng’shon gui naw a khuut bik khai gui; Chang gui naw Bawipa mawng cu lawk ciah ng’shon ung pyen khai gui.

SAM 22:15

Kei ah ka gawn cu m’vut ah mäih ah chawng ne, kam’lei phi ket ci. Nang naw ka sih vai ah m’dek ung na na nawng ci nei.

JOB 34:5

Joba naw ani cu changni ah pyen ci. Cun ah kyasei Khanpughi naw ani am taga nak a pek vai ah mak ci.

ISAIAH 53:7

“Ani cu shedam na u ne, zawhnem nak ci gui; Cun ung phi ani cu adümah om ci, ng’thu m’khaät phi kä pyen ci. Ami ngawn law vai ah htome hta ah mäih ah, amu ami k’teih law vai ah htome ah mäih ah, ani naw ng’thu m’kha ät phi kä pyen ci.

LAMKTU 8:34

Cun ah bawi naw, Philip am, “Prophet naw a u ah mawng a pyein ang? amät ah mawng ang? Chang hei ah mawng ang? nam thein tuä” ci ne ng’shik ci.