LAMKTU 8:3 - Cho Bible Common Language 2016

³ Cun ung phi Soul naw khrithabum gui cu m’di gui vai ah k’tha nak ci. Ani cu a im tung päng ung hteit neh, hnumi, pami sawkaih gui neh thawng ung chum gui ci.

LAMKTU 8:3 Referans Kwoze

PHILIPPIAN 3:6

Kei cu ang htei ah m’thüikhang ne Khrithabum phi ka k’dukdeiu na man ci. Thukhän awn ng’düng vai cine, thukhän läk nak pyein law ung kei cu pyein vai kä om khai ah ka läk ci.

KALATIAN 1:13

Kei naw Jew gui ah yum nak ung ka om yah ung a i ah ka bilawh man cu ka ning m’thein gui pyi ah kyak ci. Kei naw Khanpughi yum ci gui cu ak she ah k’dudeiu na gui ne, khrithabum cu m’di vai ah ka k’tha na pi k’bäih ci.

1 KORIN 15:9

Kei cu ang düihpüi gui ung ak chui pi k’bäih ah ka kyak ci — Khanpughi ah Khrithabum kak dukdeiu nak ci kya sei, ang düihpüi ah khü vai ah phi kä ka khin ci.

LAMKTU 22:19

Kei naw, “Bawipa Pum im päng ung hteit ne, nang ning yum ciah chang gui pha gui ne, tuthat gui ciah chang, kei ah ka kyak cu ngahmi naw hmat pyi ci gui nei.

LAMKTU 9:21

Ani ah ng’thu ng’yak ciah chang gui cu cäicat u nehtah, “Shin ah chang cu, Jerusalem ah Bawipa Jesuh ah k’taigü ciah chang gui phung ngawn phah gui ciah kä kya ne ang? Zum ciah chang gui phung phah ne, k’taigü pa gui ah om nak ah hteh püi khai ah sha lawk ciah kä kya ne ang?” cine kyak ci gui.

LAMKTU 7:58

Stephen cu phah u neh pigaw k’pung ah hteh püi u netah, ng’lung nah ne lung awn vawi ci gui. Vawi ciah chang gui cu ami suinu suut netah Soul ming nak ciah ak hmaw chang tumat am ap ci gui.

JAMES 2:6

Cun ung phi nangmi naw pyamtham cicu chang ah kä nami ngai ci, bühmang ci gui naw nangmi cu ning yoshe na gui u ne, yung ah m’kawt mang ah khlaak ung ning hteh püi gui ciah kä kya ne ang?

LAMKTU 8:2

Zum ciah chang amshah cu Stephen nah gook cu m’cim u neh thui sei kyap m’lau ci gui.

LAMKTU 16:19

Cun ah hnumi ah a bawi gui naw ngui ami gah nak vai ah m’kawt ang khai ah thüi u netah, Paul la Silas cu pha goi u ne, sumlei nak hmun ah sukyi ng’vai gui ah om nak ah hteh püi goi ci gui.