LAMKTU 8:22 - Cho Bible Common Language 2016

²² Cun ah na shet kat ah phäh ah nang yu ba vai, Cun ah na ngaih tüh cu Khanpughi naw a ning m’gein vai ah nak taigü vai.

LAMKTU 8:22 Referans Kwoze

HEBRU 4:12

Khanpughi ah Thu cu ghing ne hnüntho ne, hmün ne ghaat ciah m’htakhim ah tah ghaat pi ci. Cun ah khim naw, ghin nak la mumcha ah ng’chum nak, khlingthang ah kyum nak ung khüt sei, aat pit pit ci. Acun naw chang ah m’lung ung yaak hlü ngaih-tüh gui cu m’khoi chak ci.

DANIEL 4:27

Cun ah kyasei ghangpughang aw, kei ah m’cäicat nak cu läk ä. Hmakat nak cu nawng ne düng nak cu bi ä, dukhaih cicu chimgein ä. Cun kawn ung nang cu k’täi ne na bühmang khai nei.”

ROMAN 2:4

Kä cun ung Khanpughi ah chimgein nak, m’lung sau nak la hnimgei nak gui cu a i ah kä na sui ci maa! Khanpughi naw nang cu nang yu ba vai ah lam ning m’shüm ne, a ning m’gein ah mawng cu, nang naw akcang ah na hmat ci nei.

LAMKTU 17:30

Khanpughi naw i kä ami hmuhhmat yah ung chang gui cu kä a teng kheng gui ung phi, tuk bäi ung kho ng’nü ah om ciah chang gui am, “Na mi katnak cu ng’yu ba yawp vä” cine ng’thu khän gui ci.

LAMKTU 9:11

Bawipa naw, “Nang cu ng’düi law neh lam ng’düng ming nak ciah lam ung hteit netah, Judas ah im ung Tarsus pigaw ah ka, Soul ming nak ciah chang cu nah vah shui vai. Ani cu k’taigü netah,

THU PHLAAN 2:21

Kei naw ani ang yu ba vai ah akhin ka pek ci, cun ung phi ani ashet katnak ung kä ng’yu ba hlük ci.

LAMKTU 8:20

Cun ung phi Peter naw, “Nang naw Khanpughi ah m’gein nak cu ngui awn nak khleih khai ah na ngaih ah phäh ah na ngui cu, na mät awn a täng ah m’htei khaw a hteit sä;

LAMKTU 3:19

Cun ah kiah seih ng’yu ba u neh Khanpughi ah ng’hlat law vä, nami katnak ning m’gein gui khai.

LAMKTU 2:38

Peter naw, “nang mi ak chang sing cu, nami katnak ung ka nami ng’yu ba vai, Bawipa Jesuh Khrih ah ming awn tui nami hnim vai, cun ung nami katnak cu ning m’gein gui seih, nang mi naw Khanpughi ah Mumcha Theing cu nami gah khai.

JONAH 3:9

Khanpughi naw am lung m’thawng ei hman khai, am lungshe nak m’düm ei hman khai, cun ung mikmi kä mi sik khai!” cik ci gui.

JONAH 1:6

Htinpaw kepting naw ani cu hmu neta, “A i ah kyasei na ih ang? Tho law ne na Khanpughi ah taigü ä! Ani naw mikmi ah hmawk ah ng’ä neta, mi hnun gui nak phyawn gui hman khai nei” cik ci.

AMOS 5:15

Akshe gen vai, akni m’hni vai, man m’kawt ung dangh ciah taga nak nami hmuh vai. Pawih ba ne ghing ne ciah pakhui chang gui cu Bawipa naw chimgein nei gui hman khai nei.

AMOS 5:6

Bawipa ah hteit vä, nami ghing khai nei. Kä nami hteh ung ani naw Israel chang gui cu mei ah mäih ah ui gui khai. Bethela chang gui cu mei naw ui gui khai, cun cu a u naw kä m’diim hlawt khai.

NG'THU K'THUUK~ 24:9

Bilawh nak phung ung akshe ah ngaih-tüh cu katnak ah kyak ci. Amät akholä vai nak cu na gah vai, cun ung ma lam ah khaw dei khai. Ah kya ne chang a i ah kä sui cicu chang gui naw thüi nak ci gui.