LAMKTU 8:20 - Cho Bible Common Language 2016

²⁰ Cun ung phi Peter naw, “Nang naw Khanpughi ah m’gein nak cu ngui awn nak khleih khai ah na ngaih ah phäh ah na ngui cu, na mät awn a täng ah m’htei khaw a hteit sä;

LAMKTU 8:20 Referans Kwoze

MATTHE 10:8

Akgaw gai sak vä, aksi m’ghin ba vä, kheei lei ah ei gui theek sak vä, khoshe gui k’täm vä, Khanpughi ah m’gein nak kä khleih ah nami gah ci kyasei, chang gui am a phu kä lak ah vah pe vä.

DANIEL 5:17

Daniel naw m’shang ne, “Na m’cümhnah nak gui cu na mät naw kaa ei na ä, kä cun ung tumat mat am pe en ä, Kei naw cun ah guk ah ca cu phat neta a mawng cu ka ning m’thein khai nei.

LAMKTU 2:38

Peter naw, “nang mi ak chang sing cu, nami katnak ung ka nami ng’yu ba vai, Bawipa Jesuh Khrih ah ming awn tui nami hnim vai, cun ung nami katnak cu ning m’gein gui seih, nang mi naw Khanpughi ah Mumcha Theing cu nami gah khai.

THU PHLAAN 18:15

Babilon mang gaw ung sumlei u ne bühmang lawk ci gui ah sumlei chang gui cu, cun ah gawnu ah dishum nak hmu u ne, kyikyawk u netah, asang ah ng’düi u ne,

JAMES 5:3

Nami ghui ngui gui ung phi hnai kai pyi ci nei, cun ah hnai cu nangmi ning hnu ng’tuk püi gui ciah saksi ah kya ne, nami sa cu mei ah uih ah mäih ah ui ne, ning ei gui khai nei. Shin ah ak hnu bäih ah hnüüp gui ung nang mi cu, m’cun m’hnai ne, bühmang vai nami tha na ba ci maa?

LAMKTU 8:22

Cun ah na shet kat ah phäh ah nang yu ba vai, Cun ah na ngaih tüh cu Khanpughi naw a ning m’gein vai ah nak taigü vai.

1 TIMOTHI 6:9

Bühmang hlük ciah chang gui cu tüihtok nak gah thei ci gui nei, ngami cu m’ghämce ne shetkat nak ah ng’yak nak hlü naw pha gui thei ci nei, cun ah yak hlü nak naw ngami cu didap sak gui thei ci nei.

LAMKTU 11:17

Khanpughi naw Bawipa Jesuh Khrit mi yum ci gui am m’gein nak ana peit gui ah mäih ah akhui hei gui am phi a peit gui cu dang ci nei. Cun ah kyasei kei cu a i ah kya ne phi Khanpughi cu kä ka maa na hlawt khai” cine pyein ci.

LAMKTU 10:45

Chang pakhui hei gui cun naw phi Khanpughi ah Mumcha Theing cu gah tu u khä tah, Joppa ah kaa Peter awn a täng ah lawk ci gui ah Jew chang gui cu ang htei ah cäicat ci gui.

MATTHE 15:19

Chang ngawn nak, chang ah chu hta kat püi nak, changshe awn ih om nak, m’guk-ei hleei pyein nak, la chang m’thüi khang nak gui ah kä nik ciah ngaih-tüh gui phung cu, m’lung kyong ungka lut lawk ciah kyak ci.

ZEKHARIAH 5:4

M’gäi ciah Bawipa naw a pyen cu, ani naw ng’phyun nak cu yuk chah lawk khai, a hleei pyen ne ng’phyun ciah im päng ung lut khai. Acun cu ami im gui ah kyong ah om neta, ngami cu akshe ah nawng gui khai.”

ISAIAH 55:1

Bawipa naw pyen ci, “Tui gha ciah chang nü law vä — shin ung tui om ci nei! Ngui kä tak ciah chang gui law vä — htam’guh khleih ne ei law vä! Law vä! Wine la suktui khleih vä — nang ung a i phi kä ng’pyi khai nei!

THULÄÄN NAK 15:9

A i baw chang am k’pu tu vai ah kä nami maa en vai. A i ah kyasei ci ung chang am k’pu nawng pek nak vai ah kho kum cu ng’et lawk ci nei. Shin ah mäih ak she ah ngaih-tüh nak nam lung kyong ung kä na luh en sak vai nei. Chang am k’pu tu vai ah na maa ah a kyak ung ani cu Bawipa ah kyap ne ng’pa ne, nang ning hnungtuk püi khai nei, cun ung nang cu katnak na bik ciah kyak khai.

LAMKTU 1:18

(Ani cu a shet katnak awn a gah ah ngui awn, lai tumat cu khleih ne tah, acun ah lai ung apawi teek ne, ak chi lut law seih kiuh ne sik ci.

NG'THU K'THUUK~ 15:26

Bawipa naw m’lung ngaih akshe cu thui nak ci, cun ung phi teihpüii ng’thu cu yei nak ci.

THULÄÄN NAK 7:26

Cun ah a gup gui ci api ah phi nami im ah kä nami law en püi vai. Cun gui ah khan ah om ciah plah tam nak cu, nangmi ah khan ah gawk lawk khai. Nangmi naw cun gui cu thüi na u ne, cun ah a gup gui cu nami päipih vai, a i ah kyasei ci ung ngami cu Bawipa naw a plah tam gui ah kyak ci.

LAMKTU 8:19

“Kei naw ka kut ka taih nak ah chang, Mumcha Theing a gah vai ah, kei am phi hlüng tai nak cu na pe tu vä” ci neh ngui pe gui ci.