LAMKTU 8:2 - Cho Bible Common Language 2016

² Zum ciah chang amshah cu Stephen nah gook cu m’cim u neh thui sei kyap m’lau ci gui.

LAMKTU 8:2 Referans Kwoze

LAMKTU 10:2

Ani la akyong ungka gui ami van cu Khanpughi yum ne kyih aa ci gui ah kya ci. Ani cu Jew chang gui am akda pe taak gui ne, angtäi sei Khanpughi ah taigü ne om ci.

LAMKTU 2:5

Cun yah ung khomdek ah khan, khaw nüng ah ka lawk ciah yum nak om ci guiah Judah chang gui cu Jerusalem ah om yah ci gui.

LUKA 2:25

Cun yah ung Jerusalem ah Simeon ming nak ciah chang om ci. Ani cu Khanpughi kyih-aa ciah chang k’ni ah kyak ci. Israel chang gui hun nak ami gah vai ah ngäng ciah chang ah kyak ci.

JEREMIAH 22:18

Cun ah kya sei, Jehoiakim Josiah ah hta, Judah ghangpughang ah mawng Bawipa naw a pyen cu; “A u chang naw phi ani ah sih ah phäh ah thüi ne, azä hawi ah, ka theih püi aw azä hawi ah! Kä cik khai nei. A u chang naw phi ani ah phäh ah thüi ne kyap ne, ‘Ka bawi aw! Ka ghangpughang aw! Kä cik khai nei.’

JEREMIAH 22:10

Judah chang gui, ghangpughang Josiah ah phäh ah kä kyap vä; ani asih ah phäh ah kä thüi vä. Cun ung phi a htapa Joahaz ah phäh ah aktung ah kyap vä, Ani cu asho nak ah hteh püi ci gui nei. Kä law ba khai nei, ami hta nak ah kho cu ani naw kä hmu tuba khai nei.

2 SHONTÄP NAK 35:25

Ghangpughang Josiah ah phäh ah prophet Jeremiah cu ng’äi ci. Cun cu Israel ung ng’äi ci gui ah thungyo ah kya law sei hnumi pami ami van naw ani ah phäh ah thüisei u ne cun ah ng’äi cu m’cu ci gui. Cun ah ng’äi cu ng’äikyah gui ung ami m’cuun tu ah kyak ci.

2 SHONTÄP NAK 32:33

Hezekiah cu si se, mang ah cim hmun ak khan täng ah phuh ci gui. Judah la Jerusalem chang gui ami van naw a sih yah ung akdämduh ah m’tamkhah ci gui. A htapa Manasseh cu ani ah hnün ung ghangpughang ah kya ba ci.

2 SAMUEL 3:31

Cun kawn ah David naw Joab la achang gui cu, ami sui k’teek ne, ng’yu nak sui sui ne, Abner ah phäh ah ami thüi kyah vai ah k’bäi gui ci. Gook ami htüm nak ung David amät phi gook tom nak pei ah hteit shüi ci.

1 SAMUEL 28:3

Tuhbäi cu Samuel sik ci, Israel chang ami van cu ani ah phäh ah mang gaw Ramah ah k’phuh ci gui. Saul naw ng’cä bang thei ci gui la k’ce gui cu, Israel khaw ami hteh tak vai ah ak täm gui ah kyak ci.

THULÄÄN NAK 34:8

Israel chang gui cu ani ah phä ah Moab khawdou ung hnüüp thumkip ung thüi kyap ci gui.

KHEI NAK 20:29

Changbum ami van naw Aaron asih cu hmat law u neta, ngami ami van cu hnüüp thumkip ung thüi kyap ci gui.

ATÜNNAK 23:2

Ani cu Kanaan khaw Hebron gawnu ah si khäta, Abraham cu anghtei ah thüi kyap ci.

LAMKTU 8:1

Cu hnüüp ung tün neh Jerusalem ung om ciah khritha gui cu, ak she ah dudeiu nah gui ci ci gui. Cun ah kiah sei ngah mi cu Judea khaw lah Samaria khaw yung ah püipiang yawp u sei. Ang düihpüi gui bäng om ba ci gui.

LAMKTU 8:3

Cun ung phi Soul naw khrithabum gui cu m’di gui vai ah k’tha nak ci. Ani cu a im tung päng ung hteit neh, hnumi, pami sawkaih gui neh thawng ung chum gui ci.

ATÜNNAK 50:9

Ng’sehle gui la ng’se cum ci gui phi hteit tu ci gui, chang hli ng’peeih hteit ci gui.

MAKUH 6:29

Johan ah ang khah püi gui naw cun ah a mawng cu ng’ya u netah, law u ne Johan ah a gook cu k’phuh ne m’cim ci gui.