LAMKTU 8:10 - Cho Bible Common Language 2016

¹⁰ Ak kyom akshe, akpyam ang mang chang akda law u netah, “Ani cu hlüng tai pi ciah Khanpughi am hlüngtai ah kyak ci nei” cine ang thu cu ngai ci gui.

LAMKTU 8:10 Referans Kwoze

JEREMIAH 31:34

A u naw phi Bawipa hmat vai ah mawng apigaw-chang kä theithang khai, a i ah kyasei ci ung a hmaw pikbäih ungka naw ang vaipikbäih ung khüt sei, chang avan naw kei nah mat khai, kei naw ami katnak ka m’geinsei gui khai, ami cheishah nak kä ka shüm ba khai. Kei, Bawipa naw ka pyen nei.”

THU PHLAAN 13:3

Khiküi ah lu tumat cu sih nak vai hlawk ah leim pang ne phi, khan ba pyi ci. Khomdek khan ah chang avan cu cäicat u ne khiküi ah hnu ah läk yawp ci gui.

2 PETER 2:2

Cun ung phi chang akda naw shekak ciah ami lam cu läk khai nei. A i ah kyasei ci ung ngami ah bilawh nak awn chang a hei gui naw thucim ah lam cu päipih khai gui nei.

EPHESIAN 4:14

Mikmi cu ak hmawhta ah kä mi kya ba ci, cun ah kyasei, ami mät ah m’lung hnga tüidawng düt awn, chang gui lam hma khai ah lam shüm ne thuvi theileh ci gui ah, m’theithang nak khokhni naw kä ning yon shüi shüi en gui sä.

2 KORIN 11:19

Nangmi cu nami hmuhmat ciah chang gui ah kya ne, ak gu cu yei ne nami m’gein khai.

1 KORIN 1:24

Cun ung phi Jew chang phi bäi, khui hei chang phi bäi, Khanpughi naw a khüpi ah chang phung ah hmawk ah Bawi Khrih cu Khanpughi ah hlüngtai nak la k’cüikhai nak ah kyak ci.

LAMKTU 28:6

Ngami naw Paul cu apumsa ng’phling law sei, kyu ne si lawk khai ah ngai ne teng ci gui. Acun ah ak shou ngäng ne teng u sei phi, Paul cu a i ah phi kä kya law khätah, ngami cu ami m’lung thawng sei, “Shin ah chang cu ng’you nu kya ci nei” ci ne kyak ci gui.

LAMKTU 14:11

Chang gui naw Paul ah bi cu hmu u netah, “Khogam bawi gui cu chang ah ng’hlawk u ne mikmi ah gawk law ci gui nei” cine ami mät ah Likaonian thu awn m’lau ci gui.

JONAH 3:5

Nineveh chang gui naw Khanpughi ah ng’thu cu yum ci gui. Chang päng naw ei hlawi vai ah k’bäi u ne, chang avan akbä pi ungka naw ak ghawipi ung khüt sei, ng’yu nak m’dang nak ah suishe sui ci gui.

JEREMIAH 8:10

Cun ah kyasei ami lolai gui cu kaanak ciah ak thai gui am pe gui ne, ami chu gui cu ahei pami gui am ka pe gui khai. Akdämduh ak zawken chang nü naw kä ng’düng nak awn ngui gah vai ah k’tha nak ci gui. Prophet gui la taigü gui naw phi chang gui m’hleei gui ci gui.

JEREMIAH 6:13

Chang nü nü dämduh ci, zawken ci naw, kä ng’düng nak awn k’tha na ne ngui shui ci gui; prophet gui la taigü gui naw phi chang m’hleei ci gui.

JEREMIAH 42:1

Gakap bawi gui ami van, Kareah ah hta Johanan la Heshaial ah hta Azariah gui cu ang bum päng ung chang gui awn law u neta