LAMKTU 7:8 - Cho Bible Common Language 2016

⁸ Cun kawn ah Khanpughi naw, ang thu m’khän am dang nak ah, vun aat nak ah mawng cu Abraham am ap ci. Cun ah kiah sei Abraham naw, a hta Isaak cu ami hta nak ah ak hnüüp cheit ung van aat nak bi pek ci. Jakob naw a hta sing gha-lei-gawi phi, vun aat nak bi pe gui ci. Jakob ah hta gui cu changpakhui gha-lei-gawi ah pa gui ah kya lawk ci gui.

LAMKTU 7:8 Referans Kwoze

LAMKTU 2:29

“Phäi naü gui aw, ming shon law ung ang mingthang ciah David ghangpughang ah a mawng cu, ak dei ang dang ah ka ning m’thein gui khai nei. Ani cu si seih m’cim pyi ci gui, ani ah ng’cim hmun cu, tuk ngawi güt mi hmuh vai ah om ci.

ATÜNNAK 35:16

Jakob la a paw gui cu Behtel ungka ng’düi law ba ne Ephrath ah kä ami gawk law pha mä ung Rachela cu hta law hlü ne, anau poi aktä ah m’neh lawk ci.

HEBRU 7:4

Mi pughi Abraham naw ng’tuk bi ne a gah ah bum ghaa bum ät a peit cu mi teng ung, ani a i hlawk ah hlüngtai ci, cicu mi hmat khai nei.

KALATIAN 3:17

Ka pyein hlü cu Khanpughi naw Abraham awn Thukhän bi netah, a cun läk vai ah shaitaak nak a peit ah kyak ci. Khokum phya phli la thum-kip kawn ah ng’dang lawk ciah thukhän naw, cun ah thukhän la Khanpughi ah shaitaak cu kä m’shet hlawt ci.

KALATIAN 3:15

Phäi nau gui aw, ak hnüüp tä nami aut ah m’tumtäng nak tumat ka pyein khai; Chang hnih naw ng’thu khän ne ca ani guk ah a kyak ung, cun ah ca cu a u naw phi kä khui ba hning ci, kä k’be ba hning ci.

ROMAN 4:10

Cun ah Abraham cu chang düng ah Khanpughi naw k’bäi ne a dou nak ah khin cu, Abraham naw vun-ah nak abi kawn ah ang! Kä a bi pha ung ang! Abi kawn ah kä kyak ci, kä abi pha ung ah kyak ci.

JOHAN 7:22

Moses naw ‘Nami hta gui cu vun-aat ne nami kyon gui vai’ ci sei, kyin hnüüp ung phi ak hmaw cu vun-aat ne nami kyon ci. (Cun cu Moses ah tün law ah kä kyak ci, nami pupa gui ah bi man ah kyak ci), cun ah kyasei nangmi naw pami hta cu kyin hnüüp ung vun-ah nak nami bik ci.

MATTHE 1:2

Abraham ung tün ne David ghangpughang ung khüt ciah ng’shon ang täm law cu: Abraham ah hta Isaak, Isaak ah hta Jakob, Jakob ah hta Judah, Judah la a nau gui;

1 SHONTÄP NAK 1:34

Abraham ah hta Isaak ung a hta hnih om ci, Esau la Jakob ah kyak ci.

ATÜNNAK 35:18

Rachela naw si law vai neta, a hta cu “Benoni” ah aming sui ci, apa naw läi “Benjamin” ah sui ci.

ATÜNNAK 29:31

Leah cu acei naw kä a m’hni tu cu Bawipa naw hmat neta, a hta vai pek ci, Rachelah cu kä hta ci.

ATÜNNAK 30:5

Bilahah cu kämah ne Jakob awn pami hta ah hta ci goi.