LAMKTU 7:55 - Cho Bible Common Language 2016

⁵⁵ Cun ung phi Stephen cu Mumcha Theing awn be neh khankho cu han dan netah, Khanpughi ah bä khäk nak lah Khanpughi ah k’pat lam ung ng’düi ciah Bawipa Jesuh cu hmuk ci.

LAMKTU 7:55 Referans Kwoze

MAKUH 16:19

Cun ah Bawipa Jesuh cu ang düihpüi gui ang thu püi gui, kawn ah khankho ah kai püi ba u sei Khanpughi ah k’pat lam ung hang yong ne ngok ci.

HEBRU 1:3

Ahtapa cu Khanpughi ah bämang nak awn pyü ne ng’shü ci, ani cu Khanpughi ah müi akcang ah a kya nak ah hlüngtai ciah ang thu awn, khopuui avan cu khän sak ci. Hnicim chang ah shekat nak gui avan m’gein ne ak phiawn gui kawn ah, khan mawpi ah a hlüngtai säih ah Khanpughi ah k’pat lam ah ngok ci nei.

2 KORIN 4:6

“Hnüp ah khui ung akdei ng’shü lawk khai” cine pyein ciah Khanpughi cu, Bawi Khrih ah hmai ung ng’shü ne khang ciah bämang nak ah mawng cu hmat nak vai ah, mikmi ah m’lung kyong ung, akdei cu ng’shü law sak ciah Khanpughi ah kyak ci.

LAMKTU 6:10

Cun ung phi Stephen cu Mumcha Theing ah peit ah hmuh hmat nak awn ng’thu ci kiah neh käm hlan tu ba hlawt ci gui.

LAMKTU 6:8

Stephen cu Khanpughi ah bäkhäk nak la hlüngtai nak cu akbe ah gah ciah kiah ne, cäicat gui vai lah ngaih khit gui vai cu akda m’dang ci.

LAMKTU 6:5

Cun ah ami cicu aming khah püi gui avan naw yum yawp ci gui. Ngami naw Mumcha Theing awn be neh ng’düng nak om ciah Stephen cu ghü htük ci gui. Cun kawn ah Philip, Prochorus, Nicanor, Timon, Parmenas lah ak khui hei, Antiok ah ka, Jew thungman yum tuk ciah Nicolaus gui cu ghü gui ci gui.

HEBRU 8:1

Mi pyein nak ah mawng avan ung ak tung pi cu, mik im ung cun ah Taigü Tung a om pyi ah mawng ah kyak ci. Ani cu Khankho Ghangpughang ah Mangkiang k’pat lam ung ngok ci.

LAMKTU 2:4

Ngah mi cu Mumcha Theing awn küm be u ne tah, Mumcha Theing ah ng’thu m’sak gui ah ng’thu a hei hei awn ng’thu pyän ci gui.

JOHAN 12:41

Isaiah cu Bawipa Jesuh ah bämang nak hmuh pyi ciah kya ne, ani ah mawng cu shin ah apyein ah kyak ci.

SAM 109:31

a i ah kyasei ci ung, ani naw dukhaih ci gui cu shungvong gui ne, sihnak ah ami m’kyuk nak gui ungka hun gui ci.

LAMKTU 6:3

Cun ah kiah sei, phäi nau gui aw, nangmi ung ka Mumcha Theing awn be neh hmuh hmat nak om ciah chang sing chih nami ghü vai, shin ah mawng bik khai gui ah ngami cu kami m’düih gui khai.

MIKHAH 3:8

Cun ung phi kei cu Bawipa naw a mümcha la ahuham awn nakbe ne, taga nak ah mawng la Israel gui ah katnak m’thein nak gui vai ah thagui na pek ci.

EZEKIEL 11:23

Akdei khan gnaw mang gaw nawng shüt ne, ak kyang täng khomhtung lam ah ng’nawn ci.

EZEKIEL 10:4

Bawipa ah om nak ah khang ciah aktei cu khiküi gui ungka tho ne, Taigüim valuh nak täng ah vang nawn ci. Cun kawn ah khongmei naw Taigüim be sak ci, im kyong cu dei ne khang ci.

THU PHLAAN 21:11

Cun ah mang gaw cu Khanpughi ah bämang nak awn pyü ciah lung, vai ng’mo ah mäih ah ng’shü ne khang ci.

2 PETER 1:17

Pa Khanpughi naw m’tamkhah nak la bämang nak a peit yah ung keimi phi kami om ci, cun sang ung hlüngtai säih ciah bämang nak awn ng’shan lawk ciah thu k’aw cu, “Shin cu kei ah Htapa nei, ani awn kei ka yei ci nei,” ciah kyak ci.

LAMKTU 4:8

Cun ah kiah khä tah Peter naw, Mumcha Theing awn be ne tah, “Chang guiah ami ng’vai gui lah a gham gui aw,

JOHAN 14:3

Kei cu hteit ne nami om nak vai pyang netah, law ba ne ka om nak ung nami om tu vai ah ka ning la law ba gui khai.

EZEKIEL 10:18

Cun kawn ah Bawipa ah om nak ah akdei khan gnaw Taigüim ah va Luh nak cu nawng shüt ne, khi küi gui ah akhan ah ng’plon ci.

EZEKIEL 3:23

Cun ah kyasei kei cu khongnawi ah ka hteit ci, Chebar Tuinu peiah ka hmuh ah mäih ah Bawipa ah bämang nak cu ka hmuk ci. Kei cu m’dek täng ah hmai na ne ka kiuk ci,

JOHAN 11:41

Cun ah kyasei chang gui naw, lung cu m’hnawn ci gui. Cun kawn ah Bawipa Jesuh naw, khankho dang netah “Kapa, ka taigü na ngaih pek ci sei, ka yeikyai ci nei;