LAMKTU 7:52 - Cho Bible Common Language 2016

⁵² nami pupa gui naw kä ami shedam nak ah profet a u om ne ang? Ngah mi cu Khanpughi ah ng’düng ciah changshäm akyum law vai ah mawng pyein ciah ng’shä gui cu ngawn ci gui nei.

LAMKTU 7:52 Referans Kwoze

MATTHE 5:12

Zeikiai ne lünlawi vä, khankho ah nangmi ah gah vai ah m’cümhnah nak cu däm aih ci nei. Caü profet gui phi acun ah mäih ah shedam nak gah pyi ci gui nei.

2 SHONTÄP NAK 36:16

Cun ung phi ngami naw Khanpughi ah ng’shächang gui cu päipih u ne, ang thu cu a i ah kä ngai u ne, a prophet gui cu gaih tuk ci gui, ak hnu ah Bawipa ah m’lungshe nak ak chang gui hnungtuk püi cicu dämduh aih sei, phyawn nak kä om ba ci.

1 GHANGPUGHANG GUI 19:10

Ani naw, “Bawipa, M’gäi ciah Khanpughi, kei naw angtäi sei nang ah bii ka bik ci nei — nang bäng ah bi nei ka bi. Cun ung phi Israel chang gui naw nang ung thukhän cu m’shet u ne, na sonkiang phye u ne, na prophet gui avan ngawn ci gui nei. Kei bäng ka k’pawih ba ci — kei phi na ngawn khai gui ah k’tha nak ci gui nei!” cik ci.

1 THESSALONIAN 2:15

Cun ah Jew chang gui cu Bawipa Jesuh la profet gui ngawn u ne, keimi nak dukdeiu na gui ci gui ah kyak ci.

JEREMIAH 2:30

Kei naw ka ning m’kyuk ci, cun ung phi cun cu kä nik ci; nami ng’düng vai ah kä nami n apian sak ci. Nget ciah phongkawng ah mäih ah nang naw na prophet gui cu na ngawn ci.

THU PHLAAN 19:10

Cun ah kyasei kei naw a khaw pei ah kawp ne ka khawihnah khai pawng ngätah, khankho chang naw, “Kä na bi vai! Kei cu nangni, na phäi nau gui ni, Bawipa Jesuh ah m’dang ah ang thu düng läk ciah chang gui ni ah püipaw changshäm ah ka kyak ci, Khanpughi vah na khawhnah vai” cine na pyen nak ci. Bawipa Jesuh ah m’dang ah ng’thu düng awn vah purofet gui cu hnün thawh nak gah ci gui.

1 JOHAN 2:1

Ka hta nau gui awi, nangmi kä nami cheishoh vai ah shin ah ca ka ning guk law gui ci nei. Cun ung phi chang tumat mat cu a cheishoh law ah a kyak ung mikmi ah hmawk ah nang paa pe gui khai, düng ciah Bawi tumat om ci nei, cun cu Bawi Jesuh Khrit ah kyak ci.

LAMKTU 22:14

Aninias naw, “Nang cu mi pupa gui ah Khanpughi naw a ng’yaak hlü na hmat vai, düng ciah ak changshäm na hmuh vai la acun ah Bawi ah thu k’aw na ng’yaak vai ah hmawk ah ning ghü pyi ci nei.

NEHEMIAH 9:26

Cun ung phi na chang gui naw ning küknet püi u ne, na ng’thu kä ngai ci gui; Nang ah thukhän cu ng’hlah tak ci gui. Ng’thu k’bäi gui ne, nang ah ami ng’hlah law ba vai ah pyen ah gui ciah prophet gui cu ngami naw ngawn ci gui. Ngami naw leng ba ba ne ning yawshe nak ci gui,

1 PETER 1:11

Cun ah m’gein nak cu a i ah khin ung, a i chaa ah gawk lawk khai ci cu ami hmat vai ah k’tha na man ci gui. Ngami ung om ciah Bawi Khrit ah Mumcha naw, cun ah khin ung a geinvai nak vai ah mawng la, cun kawn ah agawk nak vai ah bämang nak ah mawng cu ng’daut ne dang sak ci.

LAMKTU 4:10

nang mi naw kut lam tung ung tai ne ngawn uk ci seih Khanpughi naw a thawh ba sak ah Nazaret Bawipa Jesuh Khrit ah hlüng tai ciah ang ming awn theek ne gai ne, nami ma ah ang düih cu, nang mi lah Israel chang van naw nami hmat khai nei.

LAMKTU 3:24

Samuel lah a hei prophet gui nawh tuk ngawi ng’dang lawk khai ah amawng gui cu, pyein shüt pyi ci gui nei.

LAMKTU 3:18

Khanpughi naw Messiah asih vai ah mawng cu prophet gui ung ng’cä neh pyein pyi ci nei; shin cu ang cä ah küm nak ah kyak ci.

LAMKTU 2:23

Khanpughi naw pyein neh ak bäi pyi ah mäih ah Bawipa Jesuh cu, nami kut ung ning ap gui pyi ci; nang mi naw ani cu chang k’she gui am kutlam’tung ung na mi ngawn sak gui pyi ci.

ZEKHARIAH 9:9

Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.

JEREMIAH 26:23

Ngami naw ani cu ghangpughang Jehoiakim ah law püi ba u khäta, ani cu ngawn ne apumsa cu chang gui ah ng’cim hmun ung gawt ci.)

JEREMIAH 26:15

Cun ung phi nami hmat vai cu, kei nami na ngawn ah a kyak ung, nangmi la shin ah mang gaw ung chang gui cu changni ngawn na phäh ah katnak gah khai gui, a i ah kyasei ci ung, shin ah thukhän ka ning pe gui khai ah kei cu Bawipa naw ana tüih law ah kyak ci.”

JEREMIAH 20:2

kei cu na that u neta, Taigüim akhan täng Benjamin m’kawt ung gui awn khit ne ami na k’pawn vai ah k’bäi ci.

1 GHANGPUGHANG GUI 19:14

Ani naw, “Bawipa, M’gäi ciah Khanpughi, kei naw angtäi sei nang ah bii ka bik ci nei — nang ah bii bäng nei ka bi. Cun ung phi Israel chang gui naw nang awn ng’thukhän cu m’shet u ne, na sonkiang cu phye u ne, na prophet gui avan ngawn ci gui nei. Kei bäng ka k’pawih ba ci — kei phi na ngawn khai gui ah k’tha nak ci gui nei” cik ci.

THU PHLAAN 3:7

“Philadelphia Khrithabum ah khankho chang-am ca gu ne peit law nei: “Shin ah ca cu ng’ciim ne ng’düng ciah ng’cäi nak ah kyak ci. Ani naw David ah m’kawt k’hnawn nak cu kawt ci, ani naw m’kawt ak hnawn ung a u naw kä khai hlawt ci, ani naw m’kawt a khai ung a u naw kä k’hnawng hlawt ci.

2 SHONTÄP NAK 36:15

Ami pupa gui ah Khanpughi Bawipa naw a chang gui m’hting gui khai ah prophet gui cu tüi law gäk ci, a i ah kyasei ci ung ani naw ngami la Taigüim cu gun gui vai ah ng’ya hlük ci.

LUKA 6:23

Cun ah mäih nami bui awt law ung nami yeikyai vai, yeikyai ne nami ng’lam vai; khankho ah nangmi ah gah vai cu däm aih ci. Ngami ah pughi gui naw profet gui ah khan ah phi acun ah bi man ci gui.

JOHAN 16:10

Kei cu Kapa ah ka hteh law ba ung kä nami na hmu law ba khai kia sei, düng nak cu kei ung dang ci.

2 TIMOTHI 3:4

Ngahmi cu ng’lihlak u ne, häipai u ne, ta-äh ne chang ah ng’shei khai gui nei: Khanpughi ah mä hlimtui nak düt cu m’hni pi khai gui nei.