LAMKTU 7:47 - Cho Bible Common Language 2016

⁴⁷ Cun ung phi cun ah im a cawh sak cu Solomon ghangpughang ah kyak ci.

LAMKTU 7:47 Referans Kwoze

1 GHANGPUGHANG GUI 8:20

“Tubäi Bawipa naw a shaitak cu k’pang ci. Kei cu Israel ghangpughang ah kya ne kapa ah hnün ung ka ngok ci, Israel Khanpughi Bawipa khawihnah nak vai ah Taigüim cu kei naw ka co ci.

2 SAMUEL 7:13

Ani cu kei ah phäh ah pum im co ciah chang tumat ah kyak khai, ani ah uknak khaw cu ng’täi ne om khai ah kei naw akcang ah ka pyang khai.

2 SHONTÄP NAK 3:1

David Ghangpughang, Solomon ah apa naw Taigüim cawh nak vai ah hmun cu a pyan pyi ah kyak ci. Cun cu Jerusalem, Moriah Khomhtung ah David ah ma ah Bawipa ang dang cu Jebusit chang Araunah ah htang m’häi nak khlaang ah kyak ci. Ghangpughang Solomon naw cawh kyan nak cu

1 SHONTÄP NAK 17:1

David ghangpughang cu tuhbäi amang im ung om ci. Hnüüp ät ung ani naw prophet Nathan am chang tüi ne ani a pyen nak cu, “Shin ung kei cu cedar sing awn cawh ah im ung ka om ci nei. Cun ung phi Bawipa ah Thukhän M’küm cu phung kyong ah kami tha ci nei!”

1 GHANGPUGHANG GUI 5:1

Tire ghangpughang Hiram cu ang’täi sei David ah teihpüi ah kyak ci. Ani naw Solomon cu apa David ah hnün ung ghangpughang ah kya ne a ngoh ba cu ng’ya neta, ng’khawt nak ng’shä tüi lawk ci.

1 GHANGPUGHANG GUI 6:1

Israel chang gui naw Egypt khaw ami hteh tak nak khokum phiaphli la cheit-kip nak, Solomon naw Israel a uknak akum phli nak ah, a cha goi nak, Ziv cha ung Solomon naw Taigüim cawh vai cu tün ci.