LAMKTU 7:38 - Cho Bible Common Language 2016

³⁸ Ani cu bung puk ah om ci gui ah Israel chang gui, kami pu pa gui lah Sinai khaw m’htung ung ng’thu püi ciah khankho chang awn atäng ah om ciah chang ah kyak ci. Mikmi am ana peit gui vai ah Khanpughi ah ghing ciah ng’thu gah ciah chang ah phi ki ak ci.

LAMKTU 7:38 Referans Kwoze

ROMAN 3:2

A phuma läi cu akda om ci, a htük bäih ah Khanpughi ah ng’thu m’than cu Jew chang gui ung gawk law ma ci.

HEBRU 5:12

Nangmi cu nami m’theithang thei khai ah a khin ah kya law pyi ci, cun ung phi nangmi cu Khanpughi ah thu ak tün nak ung tün ne, chang naw a ning theithang gui vai hlü ba laih laih ci nei. Nangmi cu buh nami ei vai khin law sei phi suuktui laih laih nami awk ci nei.

1 PETER 4:11

Thu pyein ci phung naw Khanpughi ah ng’thu ng’shäu ne pyein ah mäih ah a pyein vai; khuut bik ci phung naw Khanpughi ah peit ah k’thagui awn abi vai. Cun ung vah a mawng a ma avan ung, Bawi Jesuh Khrit ung Khanpughi cu m’kümto hlawt vai. Cun ah Bawipa ung bämang nak la hlüngtai nak cu ngawiyä khäng ne om sä. Amen.

LAMKTU 7:53

Tuk bäi nangmi naw cun ah Bawipa cu, ga ah kut ung ap neh nami ngawn pyi ci nei. Khankho chang gui ung Khanpughi naw a ning peit gui ah ng’thu m’khän cu gah lang u neh, kä nami läk ci nei” cine kyak nah gui ci.

JOHAN 1:17

Khanpughi naw Thukhän cu Moses ung na pe gui ci, cun ung phi geinsei nak la düng nak cu Jesuh Chrit ung na pe gui ci.

THULÄÄN NAK 33:4

Moses naw ana pek gui ah thumkhän cu mikmi naw mi läk ci. Cun cu mikmi ah pakhui naw aktung pikbäih mi kawh chan ah kyak ci.

ISAIAH 63:9

ami yaica nak avan ung ka hun gui ci. Cun cu khan khaw chang ah kä kyak ci, ngami hun gui cicu Bawipa amät ah kyak ci. Ani naw amhni nak la am gein nak aun ngami cu gung gui ci. Ng’pyi pyi ciah akhin ung ani naw angtäi sei m’hteih htang gui ci.

HEBRU 4:12

Khanpughi ah Thu cu ghing ne hnüntho ne, hmün ne ghaat ciah m’htakhim ah tah ghaat pi ci. Cun ah khim naw, ghin nak la mumcha ah ng’chum nak, khlingthang ah kyum nak ung khüt sei, aat pit pit ci. Acun naw chang ah m’lung ung yaak hlü ngaih-tüh gui cu m’khoi chak ci.

HEBRU 2:2

Mi pupa gui am khankho chang gui awn a yuk peit law ah ng’thu cu akcang ah kyasei, cun ah thu kä läk ne kä ngai ciah chang cu m’kat nak gah khai ah a kyak ung,

KALATIAN 3:19

Cun ah a kyak ung thukhän ah ng’bü nak cu a i ang? Thukhän cu shetkat nak ah mawng m’dang nak ah kyak ci. Cun ah thukhän cu shaitaak nak gah ciah Abraham ah hta ng’shon, kä a gawk law pha ah a khin bäng ung om khai ah kyak ci. Cun ah thukhän cu khanchang gui awn, ng’shä tumat ung a yuk peit law ah kyak ci.

ROMAN 9:4

Ngahmi cu Khanpughi ah chang ah kyak ci gui; Khanpughi naw ngahmi cu a hta ah pyang gui ne abämang nak cu hmuh sak gui ci: Bawipa naw ngami awn thukhän bik ci, ngah mi am thukhän pe gui ci; Ngah mi naw akcang ah khawihnah ci gui; Ngami naw Khanpughi ah shaitaak gah ci gui;

LAMKTU 7:35

Moses cu Israel chang gui naw ami hnu nak ah chang ah kyak ci. Ngah mi naw, “Keimi na uk gui neh na na ng’thumcha gui khai ah a u naw a ning m’düih ang?” cine, ng’shik ci gui. Ani cu chang gui uk gui neh mei ah däi ciah k’plup ung dang ciah khankho chang ah bi nak püi awn, ak chang gui k’phiawn gui khai ah Khanpughi ah tüih ah kyak ci.

LAMKTU 7:30

Khaw kum phli-kip lüng khä tah Sinai khaw m’htung pei ‘pya lün nu ah, mei ah däi ciah k’plup ah ng’lung ah khankho chang cu Moses ah hmuh ah ng’dang ci.

JOHAN 6:63

Khanpughi ah Mumcha Theing naw hnun gui cu ghin sak ci, chang ah hlüngtai nak naw a i käm khüt ci. Kei naw tuhbäi ka ning m’thein gui ah ng’thu cu, Khanpughi ah ghin nak Mumcha ah kyak ci.