LAMKTU 7:36 - Cho Bible Common Language 2016

³⁶ Ani naw Egypt khaw lah Tuisen tuinu ung phi bäi, khaw kum phli-kip ung k’pya lünnu ah phi bäi, cäi aih gui vai lah ngaih khit gui vai cu m’dang neh Egypt khaw ah ka, Israel chang gui law püi ba gui ciah kyak ci.”

LAMKTU 7:36 Referans Kwoze

PHYAWN NAK 14:21

Moses naw tuinu khan ah a kut shäng khäta, Bawipa naw ng’hüüt ciah ng’kiang khokhi awn tuinu cu m’hlat ci. Khaw cu thai ne khi ne tuinu cu ket sak ci, tuinu cu ng’pai ci.

PHYAWN NAK 12:41

Kum 430 ang pyi hnüüp ung Bawipa ah pakhui chang avan cu Egypt khaw ungka hteit ci gui.

PHYAWN NAK 33:1

Bawipa naw Moses am, “Nang la Egypt khaw ah ka na law püi ah chang gui naw shin ah hmun cu hteh ta vä, Abraham, Issak, Jakob la ami hta ng’shon gui am kei naw ka shaitak ah khaw ah hteit vä.

PHYAWN NAK 16:35

Israel gui naw Manna m’htut cu khokum phlikip ung ei ci gui. Ami om nak vai ah Kanaan khaw ah kä ami gawk pha ah chuih ah kyak ci.

HEBRU 8:9

Cun cu ami pupa gui Egypt kho ah kaa ami kut ung pang gui ne, Kak plawk ba gui sang ung, ka peit gui ah thukhän awn kä täng ba khai nei. Cun ung ka peit gui ah thukhän cu m’shet u sei, Ngahmi cu kei naw ka nawng gui ci,” ci ne Bawipa naw pyein ci.

LAMKTU 13:18

k’pya lün nu ah khokum phli-kip pum ung hnimgei ne khah püi gui ci.

LAMKTU 7:42

Cun ah kyasei Khanpughi naw ng’hlah tah gui neh, khankho ah aisi gui ah k’taigü sak gui ci. Cun ah mawng Profet gui ah ca guk cu; Israel chang gui aw, nang mi naw ‘Pya lün nu ah khaw kum phli-kip ah kyawng ung m’ghu ng’tha neh nami tumbei cu,

SAM 95:10

Kho kum phli kip ung cun ah chang gui naw na m’shemshai ci gui nei. Kei naw, ‘Ngami cu kä bekhüt aih ci gui nei! Ngami naw kei ah thumkhän cu kä läk hlük ci gui nei.’

NEHEMIAH 9:10

Nang naw ghangpughang hnungtuk püi ne cäi aih aih gui vai na bik ci, Abawi gui la a khaw ung chang gui phi na hnungtuk püi gui ci, a i ah kyasei ci ung ngami naw, na chang gui, a i hlawk ah ami yawshe nak cu nang naw na hmat ci. Nang naw na näng nak ah mingthang cu tuhngawi güt nang ung om ci.

THULÄÄN NAK 8:4

Shin ah khokum phlikip ah kyong ung sui gui kä kheei ci, nami khaw gui kä ng’phling ci,

PHYAWN NAK 3:20

Cun ung phi kei naw ka huham mang ne, kyihkyawk gui vai awn Egypt cu ka m’kyuk khai nei. Cun kawn ah ani naw ning hteh sak gui khai nei.

SAM 95:8

“Kä nami ling aih vai nei, nami pupa gui Meribah ung ami kyak ah mäih ah, cu hnüüp ung Massah bung ah ami om ah mäih ah kä nami kyak vai nei.

JOHAN 4:48

Bawipa Jesuh naw, “Nangmi cu cäi aih gui vai la cäicat gui vai, kä nami hmuh ung kä nami yum ci” cine pyen na gui ci.

HEBRU 3:8

Nami pupa gui cu Khanpughi ng’küükneet püi u ne, pui kiang ma ah phawtcam ci gui, ngahmi ah mäih ah kä nami lingkeng vai.

HEBRU 3:9

Nami pupa gui cu kum phli-kip ah kiong ung kei naw ka bi cu hmu lang u ne, na phawtcam ci gui,