LAMKTU 7:35 - Cho Bible Common Language 2016

³⁵ Moses cu Israel chang gui naw ami hnu nak ah chang ah kyak ci. Ngah mi naw, “Keimi na uk gui neh na na ng’thumcha gui khai ah a u naw a ning m’düih ang?” cine, ng’shik ci gui. Ani cu chang gui uk gui neh mei ah däi ciah k’plup ung dang ciah khankho chang ah bi nak püi awn, ak chang gui k’phiawn gui khai ah Khanpughi ah tüih ah kyak ci.

LAMKTU 7:35 Referans Kwoze

LUKA 19:14

Cun ung phi a kho ung ak chang gui naw, ani cu m’thüi na u netah, ‘Ani ah uknak kä kami ng’ya hlük ci nei’ cine ng’shä tüi ne pyein lawk ci gui.

SAM 75:7

Khanpughi amät cu m’kho m’chak ciah kyak ci, amshah cu m’kyuk ne amshah cu m’hlawt ci.

KHEI NAK 20:16

Keimi cu Bawipa naw ana m’htei gui vai ah kami ng’yawi ci. Ani naw kami kyah ng’ya neta, khanchang yuk tüi law sei acun naw Egypt khaw ungka, na luat püi ba gui ci. Keimi tuhbäi Kadesh ung kami om ci, cun cu nang ah khawpäng gawnu ah kyak ci.

PHYAWN NAK 14:19

Khanpughi ah khanchang Israel gui ah ma ah om ci cu, ami hnu ah hteit ba ci, khaw ng’mei von cun phi ng’nawng ne,

THU PHLAAN 15:3

Ngami naw Khanpughi ah changshäm Moses ah ng’äi la Htomehta ah ng’äi cu m’cu ci gui. Cun ah ng’äi cu; “Küikyang hlüngtai ciah Bawipa Khanpughi, Na bilawh gui cu hlüngtai ne cäicat vai kya ci nei! Khaw päng ung chang nüng ah Ghangpughang, Na lam cu düng ne cangnak ah kyak ci nei!

HEBRU 2:2

Mi pupa gui am khankho chang gui awn a yuk peit law ah ng’thu cu akcang ah kyasei, cun ah thu kä läk ne kä ngai ciah chang cu m’kat nak gah khai ah a kyak ung,

KOLOSE 1:15

Bawi Khrit cu kä hmuh thei ah Khanpughi ah, hmuh thei vai ah a müi ah kyak ci. Ani cu atüisho avan ah hlüngtai pi ciah, ng’tüi htük ciah Htapa ah kyak ci.

LAMKTU 7:51

Stephen naw, “Nang mi cu nami ling aih aih ci, na mi m’lung naw Khanpughi kä yum hlawt ci, Khanpughi ah ng’thu phi kä nami yum hlük ci, nang mi cu nami pupa gui ah mäih ah Mumcha Theing cu ang täi sei nami hnu nak ci nei,

LAMKTU 7:30

Khaw kum phli-kip lüng khä tah Sinai khaw m’htung pei ‘pya lün nu ah, mei ah däi ciah k’plup ah ng’lung ah khankho chang cu Moses ah hmuh ah ng’dang ci.

LAMKTU 5:31

Israel chang gui ng’yu ba u netah ami kat ami phiawn nak vai ah, Khanpughi naw cun ah Bawipa cu, thawh ba sak netah akpat lam ung ang vaipi lah Hun Bawipa ah ngoh sak pyi ci nei.

LAMKTU 3:22

“Nami Bawipa Khanpughi naw, kei a na tüih law ah mäih ah prophet tumat cu nang mi ah tüi lawk khai; cun ah Bawi cu nami mät pakhui ung ka ah kyak khai, ani ah pyein ah ng’thu phung cu, nang mi naw nami ngaih vai nei.

LAMKTU 2:36

Cun ah kiah sei Israel chang gui aw, nang mi naw kut lam tung ung tai ne na mi ngawn ah Bawipa Jesuh cu Khanpughi naw Hun Bawipa lah Messiah ah ak bäi pyi cu akcang ah na mi hmat vai nei” ci neh pyein ci.

JOHAN 19:15

Ngami naw, “Ngawn vai nei, ngawn vai nei, kutlamtung ung tai ne ngawn vai nei” cine m’lau ci gui. Pilat naw, “Nami ghangpughang cu kutlamtung ung tai ne ngawn vai nami ng’ya hlük ci ma? cine pyen na gui ci.

JOHAN 18:40

Ngami naw, “Ani käk phiawn vai nei, Barabbas nei k’phiawn vai” ci ne m’lau ci gui. (Barabbas cu m’guk ei ah kyak ci.)

ISAIAH 63:9

ami yaica nak avan ung ka hun gui ci. Cun cu khan khaw chang ah kä kyak ci, ngami hun gui cicu Bawipa amät ah kyak ci. Ani naw amhni nak la am gein nak aun ngami cu gung gui ci. Ng’pyi pyi ciah akhin ung ani naw angtäi sei m’hteih htang gui ci.

SAM 77:20

Moses la Aaron ah lam ma nak awn nang naw na chang gui cu htoshäm ah mäih ah na khah püi gui ci.

1 SAMUEL 12:8

Jakob la akyong ung ka gui Egypt khaw ah ami hteh yah ung, Egypt chang gui naw yawshe na gui ci gui, nami pupa gui naw Bawipa naw am htei gui vai ah k’thäh ci gui, ani naw Moses la Aaron cu tüi goi ci, ngami naw Egypt ung ka law püi ba gui ne, shui ah khaw ung om sak gui ci.

1 SAMUEL 10:27

Cun ung phi chang pyawipye gui naw, “Shin ah mi mät ah mäih chang naw a i hawi ah akni na bi pe gui hning khai aw?” cik ci gui. Ngami naw Saul cu päipih u ne, m’cümhnah nak a i phi kä law püi ci gui.

PHYAWN NAK 33:2

Lam ning m’shüm gui khai ah khanchang cu kei naw ka tüi lawk khai nei. Kanaanit gui, Amorit gui, Hittit gui, Perizzit gui, Hivit gui la Jebusit gui cu kei naw ka k’täm gui khai nei.

PHYAWN NAK 32:34

Tuhbäi hteit ä, kei naw ka ning m’cäi nak ah hmun ung chang gui cu khah püi gui ä. Ka khanchang gui naw lam ning m’shüm khai nei. Cun ung phi shin ah chang gui ami kat ah phäh ah ka m’kyuk nak gui vai ah a khin cu gawk lawk ci nei” cik ci.

PHYAWN NAK 14:24

A cun hta ng’lung ung Bawipa naw, ng’mei von la meidäi ung om ne, Egypt gakap gui cu yuk teng gui neta, shühkhah sak gui ci.

PHYAWN NAK 2:14

Cun ah chang naw, “A u naw ang nang cu uktu la suki ah a ning hmoh? Egypt chang na ngawn ah mäih ah kei na na ngawn hlük ci ma?” cik ci. Moses cu kyi neta amät ng’htau ne, “Kei ah ka bi cu chang gui naw hmat ci gui kyak ci nei” cik ci.

MAKUH 12:26

Sih nak ungka thawh nak ba ah mawng Moses ah cacim cu kä nami phat man ne ma? Cun ah cacim, mei ah däi ciah cap-plum ah a mawng ung, Khanpughi naw, “Kei cu Abraham ah nak Khanpughi, Isaak ah nak Khanpughi, Jakob ah nak Khanpughi nei” cine Moses ah ma ah thu pyein ci.