LAMKTU 7:34 - Cho Bible Common Language 2016

³⁴ Ka chang gui Egypt khaw ah ami shedam nak gui cu, ka hmu pyi ci nei, Ngami ah ng’hlaw ng’ei m’lau ng’pyan phi kang yah pyi ci nei. Cun ah kyasei ngami ka hun gui khai ah ka kyum law pyi ci, Tuk bäi law ä, Egypt khaw ah ka ning tüi khai” cik ci.

LAMKTU 7:34 Referans Kwoze

SAM 106:44

Cun ung phi Bawipa naw ami m’lau cu ng’ya gui ne, ami geinvai cu hmu gui ci.

JOHAN 6:38

A i ah kyasei ci ung, kei cu kamät ah ng’yak hlü ka bik khai ah khankho ah kaa ka kyum lawk ciah kä kyak ci, na tüi lawk ciah ng’yak hlü ka bik khai ah ka kyum lawk ciah kyak ci.

NEHEMIAH 9:9

“Kami pughipa gui Egypt khaw ah a i hlawk ah ami yaica cu nang naw na hmuk ci; Tuisen tuinu ung m’hteihtang gui vai ah ami ng’khü cu nang naw na ng’yak ci.

PHYAWN NAK 4:31

Ngami naw yum ci gui, ngami ah om nak ah Bawipa a law vai la aktä ah ami shedam nak gui cu ani naw hmu gui ciah ng’ya u neta, ngami naw m’khuukdong ne khawihnah ci gui.

PHYAWN NAK 3:14

Khanpughi naw, “Kei cu Kei ah ka kyak ci” cicu na m’thein gui vai. ‘Kei ah ka kyak ci’ cik ci naw ana tüih law nei, na ci vai.

JOHAN 3:13

Khankho ah kaa kyum lawk ciah Chang ah Htapa ah kawn ah a u phi khankho ah kä gawk man ci nei.”

MIKHAH 6:4

Egypt khaw ungka ka ning law püi ba gui ci, khleihtein ungka ka ning gung gui ci, ning chuisaw gui khai ah Moses, Aaron la Miriam ka ning tüih law gui ci.”

HOSEA 12:13

Bawipa naw prophet tüi law ne Israel chang gui cu Egypt khaw ah khleihtein ah kya ne om nak ungka gung gui ne m’hteihtang gui ci.

ISAIAH 64:1

A i ah kyasei nang naw khomik hmawng ne kä nakyum law ang? Khom’htung gui naw ning hmu u neta kyi ne n’gthüng khai gui nei.

SAM 144:5

O Bawipa, khomik k’pui ne, hmawg ne zu kyum law ä; Khomhtung gui cu na tawk ung mei ah khu khai gui nei.

SAM 105:26

Cun kawn ah a ghü ah ak changshäm Moses la Aaron cu tüi goi ci.

SUKI GUI 2:18

Bawipa naw Israel am ang vai tumat a pek pang ung, cun ah ang vai a ghin ah chuih Bawipa naw ani cu n’htei ne, chang gui phi ami ga ah kut ung ka hun gui ci. Ngami cu ng’ho ei nak, aktä yaica nak la shedam nak ung ami gawk yah ung Bawipa naw chimgei gui ci.

KHEI NAK 11:17

Kei naw kyum law ne a cu ah ka ning thu püi khai. Kei naw nang am ka ning peik ah mümcha amshah cu la neta, ngami am ka pe gui khai. Shin ah chang gui ah phäh ah tängpang vai gui cu ngami naw ning bawm khai gui, na mät bäng naw na tängpang vai ah kä kyak khai.

ATÜNNAK 18:21

ami kyah m’lau nak ah mawng ka ng’yak cu akcang ah a kyak la kä cung acu ah hteit ne ka teng khai” cik ci.

ATÜNNAK 11:7

Mi yu kyum ne ami ng’thu kä ng’hmat ba khai gui ah mi k’caw pe gui khai” cine pyen ci.

ATÜNNAK 11:5

Cun ah chang gui naw ami cawh ah mang gaw la tänghän cu teng khai ah Bawipa cu kyum lawk ci.