LAMKTU 7:32 - Cho Bible Common Language 2016

³² “Kei cu napu pa gui ah Khanpughi, Abraham, Issak lah Jakob niah Khanpughi nei” ciah Khanpughi ah k’aw cu ng’yak ci. Moses naw kyihkyawk aih netah kä teng hlawt ci.

LAMKTU 7:32 Referans Kwoze

PHYAWN NAK 3:6

Kei cu na pupa gui ah na Khanpughi, Abraham, Isaak la Jakob ni ah na Khanpughi nei” cik ci. Moses cu Khanpughi a hmuh vai ah kyi neta a hmai k’bawm ci.

MATTHE 22:32

Khanpughi naw, ‘Kei cu Abraham ah Khanpughi, Issak ah Khanpughi, Jakob ah Khanpughi ah ka kyak ci nei. Ani cu aksi gui ah Khanpughi ah kä kyak ci, ghing ci gui ah Khanpughi ah kyak ci,” cine m’thein gui ci.

THU PHLAAN 1:17

Ani ka hmuh vai-am kei cu chang k’sii ah mäih ah a khaw pei ah kiu ne ka ng’yän ci. Ani naw ka khan ah akpat lam a kut taih netah,” Kä kyikyawk ä! Kei cu tün nak la khüm nak ah ka kiak ci.

HEBRU 11:16

Cun ung phi ngami cu cun ak kho ah tah bä pi ciah khankho ghui kho cu ngaih u ci gui ah kyak ci. Cun ah kyasei Khanpughi cu ami Khanpughi ah ami khü ah hmawk ah Khanpughi cu kä lü ng’aa ci, a i ah kyasei ci ung Ani naw ngami ah hmawk ah mang gaw cu a sak pyii ah kyak ci nei.

LAMKTU 3:13

Abraham, Issak, Jakob ni ah Khanpughi, mipu pa gui ah Khanpughi naw, ak changshäm Bawipa Jesuh am khankho bä khäk nak cu pe pyi ci nei. Cun ung phi nang mi naw ga am ap neh, Pilat naw k’phiawn vai ah k’bäi sei phi, Pilat ah ma ah nami k’she dam nah pyi ci nei.

LUKA 5:8

Simon Peter cu acun gui hmu netah Bawipa Jesuh ah ma ah m’kuukdong ne, “Bawipa, kei cu katnak bik ciah chang ah ka kyak ci kyasei, kä na k’et ne a hei ah hteit tei-ä” cik ci.

MATTHE 17:6

Cun ah k’aw cu ang düihpüi gui naw ng’ya u netah ang htei ah kyi kyawk u ne, m’dek ung kaup yawp ci gui.

SAM 89:7

Theingcim ci gui ah kongsi ung nang cu kyih aa vai ah na kyak ci, ngami ami van ah ka ah ng’düi ci gui.

JOB 4:14

Kei cu ng’hlet ne ka cat ci; ka pumsa avan kyi ne ng’thüng ci.

1 GHANGPUGHANG GUI 19:13

Elijah naw cun cu ng’ya neta, a suinu awn a hmai shung ne, lungkhui valuh nak ung hteit ne ng’düi ci. Ng’thu k’aw naw a pyen nak cu, “Elijah, shin ung a i ang na bi?”

PHYAWN NAK 33:20

Kei naw nang am ka hmai kä ka ning hmuh sak khai, a i ah kyasei ci ung a u naw kei kä na hmu hlawt khai, a u phi kä ghing khai,

PHYAWN NAK 4:5

Bawipa naw, “A shicha ah Israel chang gui ah ma ah na bi ung, Bawipa, ami pupa gui ah Khanpughi, Abraham, Isaak la Jakob ni ah Khanpughi cu, nang ah ma ah dang ciah yum khai gui nei” cik ci.

PHYAWN NAK 3:15

Kei, Bawipa, Ami pupa gui ah Khanpughi, Abraham, Isaak, Jakob ni ah Khanpughi naw, nangmi ah ana tüih law nei, cine Israel chang gui am na m’thein gui vai. Cun cu khonglän ung ka ming ah kyak ci. Cun cu ma lam ung hta ng’shon gui naw ami na khü vai ah kyak ci.

ATÜNNAK 50:24

Ani naw a phäinau gui am, “Kei cu ka si law vai ci nei, cun ung phi Khanpughi naw akcang ah ning m’htei gui khai nei. Ani naw shin ah khaw ungka naw Abraham, Isaak la Jakob ni ah ma ah, ak htük bäih ah ng’thu akhän nak ah khaw ah, lam ning m’shüm ba gui khai nei.

ATÜNNAK 26:24

A cu mü Bawipa naw ng’dang law neta, kei cu napa Abraham ah Khanpughi ah ka kyak ci nei. Kä na kyih vai, kei naw ka ning om püi ci. Ka chang Abraham ung ka shaitak ah mäih ah hriham ka ning pek khai. Chang chün ah ka ning pungpiah sak khai.

MATTHE 22:46

Cun ung phi Bawipa Jesuh cu a u naw käm hlan ba ci. Cu hnüüp ung tün ne Bawipa Jesuh cu, a u naw phi käng shi law ba ci.

LAMKTU 7:31

Cun hmuh ne Moses cu ang htei ah cäicat ne, m’htei neh a hmuh vai ah hei ng’et khäh tah,