LAMKTU 7:3 - Cho Bible Common Language 2016

³ Na mätyah gui lah na khaw cu nawng shüt neh ka ning m’shüm nak ah khaw ah na hteh vai” cine pyen nak ci.

LAMKTU 7:3 Referans Kwoze

ATÜNNAK 12:1

Bawipa naw Abram cu khü neta, “Na khaw na chang gui la napa ah im cu nawng shüt ne, kei naw ka ning m’hnuh ah khaw ah na hteh vai nei.

HEBRU 11:8

Abraham naw Khanpughi ah khü äi ne ang htukhä nak ah kho ah, düi ne a hteh cu a yum nak awn ah kyak ci. Ani cu a hawi a hteh vai kä hmat pang ne phi amät ah kho cu nawng shüt ci.

JOSHUA 24:3

Cun kawn ah kei naw nami pughi Abraham cu Euphratis kaan nak ah khaw ungka la ne, Kanaan khaw avan ung ka gawk sak ci. Kei naw ani am htangshon akda ka pek ci. Issak ka pek ci.

ATÜNNAK 15:7

Cun kawn ah Bawipa naw, “Kei cu, nang naw shin ah khaw na khäm vai ah, Babilonia khaw, Ura gawnu ungka ning law püi ciah Bawipa ah ka kyak ci nei” cik ci.

2 KORIN 6:17

Cun ah kyasei Bawipa naw; “Ngami cu nawng shüt gui ne, ngami awn ng’cha ne nami om vai. Kä theingcim cicu kut awn phi kä nami tawk en vai, cun ung ka ning dou gui khai.

LUKA 14:33

Acun ah mäih ah nangmi ungka a u phi amät ung om ci nüng kä nawng shüt yawp hlawt ci cu, kei ah ng’düihpüi ah kä kia hlawt khai” cine m’cäi gui ci.

MATTHE 10:37

‘Kei ah mä, anu apa m’hni pi ciah chang cu kei ah düihpüi ah kä kya hlawt khai. Kei ah mä, a hta m’hni pi ciah chang cu, kei ah düihpüi ah kä kya hlawt khai.

NEHEMIAH 9:8

Ani cu nang ung bekhüt sei na hmuk ci, ani awn nang naw thukhän na bik ci. Nang naw shin ah khaw gui na pek khai ah shaitak na bik ci. Kanaanit khaw, Hittit khaw la Amorit khaw, Perizzit khaw, Jebusit khaw, la Kirkashit khaw, cun gui cu ani ah hta ng’shon gui ah ami om nak vai ah kyak ci. Nang cu na bekhüt ci kya ne na shaitak cu na k’pang ci.

LAMKTU 7:4

Cun ah kiah sei Abraham cu Chaldean khaw ah ka, Haran kho ah hteit ne om tuk ci. Apa asih kawn ah tuk bäi nami om nak ah khaw ah Khanpughi naw tüi ne om sak ci.

ATÜNNAK 20:13

Khanpughi naw kapa ah im ungka a khaw hei ah ana hteh sak yah ung, kei naw, “Nang naw kei ah khan ah na bekhüt nak na m’dang vai cu, kei cu na na phäi ah pyen ne chang gui am na m’thein tu vai nei” cine ka m’cäi ah kyak ci.