LAMKTU 7:25 - Cho Bible Common Language 2016

²⁵ (Moses naw, Khanpughi naw Israel chang gui k’phiawn gui khai ah a tüih cu, ak chang gui naw hmat khai gui ah ngai ci, cun ung phi ngami naw kä hmat ci gui.)

LAMKTU 7:25 Referans Kwoze

KOLOSE 1:29

Shin pyi phleh nak vai ah Bawi Khrit naw anam khüt nak la ka m’lung kyong ung a hnün thawh nak awn, küikyang ciah thagui cu mang ne, k’tha na k’cang ne, ng’khüi ne ka bik ci nei.

2 KORIN 6:1

Cun ah kyasei Khanpughi ah khuut bi nak ghawm awn nangmi cu kami ning hui na gui ci. Nangmi cu Khanpughi ah m’gein nak nami gah ci kyasei, cun cu kä nami m’di en vai.

1 KORIN 15:10

Cun ung phi Khanpughi ah m’gein nak awn kei ah ka kyak ci, kei am a na peit ah cun ah m’gein nak cun phi a kholä ah kä kyak ci. Kei cu a hei ang düihpüi gui ah ta k’tha nah pi ne khuut ka bik ci. Cun ah ka bi cu ka mät ah k’tha gui awn ah kä kyak ci, kei ung om ciah Khanpughi ah m’gein nak awn ah kyak ci.

ROMAN 15:18

Chang khui hei gui naw Khanpughi ah ng’thu ami läk tu vai ah, Bawi Khrit naw ana bilawh sak ah mawng cu, kei naw m’gäi ne ka pyein khai nei. Cun ah Khanpughi ah ng’thu ami läk law tu cu, kei ah thu pyein la bilawh nak

LAMKTU 21:19

Paul naw ngami cu yei ne dou gui netah changpakhui hei gui ah ma ah ani awn Khanpughi naw a bi law ah a mawng gui cu m’thein tu gui ci.

LAMKTU 15:7

Ak shou ami pyein kawn ah Peter naw ng’düi law netah, “Phäi nau gui aw, Khanpughi naw kei cu changpakhui hei gui naw ami yum tu vai ah Thu Ni ka pyein khai ah, ayan pui nangmi ungka kei a na ghü cu nami hmat pyi ci,

LAMKTU 15:4

Paul la Barnabas cu Jerusalem ah ami gawk law ung, khrithabum gui, ang düihpüi gui la ang vai gui naw a na dou gui u sei, ngahmi awn Khanpughi naw bi a bi ah mawng cu m’thein tu gui ci gui.

LAMKTU 14:27

Antiok gawnu ah ami gawk law ba ung ngah ni naw khrithabum gui m’cut gui netah, ngami awn Khanpughi naw bi abi nak gui la a pakhui hei gui naw ami yum law tu vai ah lam a hmawn peit gui ah mawng cu m’thein tu ba gui ci goi.

LUKA 18:34

Cun ung phi ang düihpüi gui naw, ani ah ng’thu cu api phi kä hmat ci gui. Bawipa ah ng’thu cu thuuk aih ne, ng’yih khätah, ngami naw kä hmat hlawt ci gui.

LUKA 9:45

Cun ung phi ang düihpüi gui naw kä hmat ci gui. Shin ah ng’thu cu kä ami hmat vai ah ng’yih ci, cun ung phi Bawipa Jesuh cu kä ng’shi veing ci gui.

MAKUH 9:32

Cun ung phi ang düihpüi gui naw, Bawipa Jesuh ah m’theithang cu kä hmat ci gui, cun ung phi ami ng’shi vai ah kyik ci gui.

SAM 106:7

Egypt kho ah om tuk ciah kami pupa gui naw, cäcat vai ah Khanpughi ah bi gui cu kä hmat ci gui; Ani naw am hni nak akda vei am dang gui cu m’hnih yawp ci gui, Tuisen tuinu pei ah am gäipi cu hnu ng’tuk püi ci gui.

2 GHANGPUGHANG GUI 5:1

Naaman cu Siria gabawi ah kyak ci, Siria ghangpughang naw a hlüng ah achang m’sui, am hni ah kyak ci, a i ah kyasei ci ung Bawipa naw Sirian gakap gui am ani ung näng nak a pek gui ah phäh ah kyak ci. Ani cu dämduh ciah gakap ah kyak ci, cun ung phi ani cu kyih vai kyak ciah kheilei ung gaw ci.

1 SAMUEL 19:5

Ani naw a hnun gui pe ne Koliath cu ngawn ci, Bawipa naw Israel gui ah phäh ah dämduh ciah näng nak bik ci. Acun na hmuh ung, na yei khai nei. Tuhbäi a i ah kyasei chang ni ah khan ah a hma na bi hlü ang, a mawng kä om ciah David na ngawn hlü ang?”

1 SAMUEL 14:45

Cun ung phi chang gui naw Saul am, Jonathan, Israel gui ah phäh ah dämduh ciah näng nak gah ci cu, sih sak vai ma? Ka! Kei mi naw ghing ciah Bawipa ung shai kami tak ci nei, ani ah lu ung lumu ng’ma ät phih kä maih sak vai nei. Tuhngawi ani ah bi phung cu Khanpughi ah m’htei nak awn na kyak ci ne,” cik ci gui. Cun ah kya ne, chang gui naw Jonathan cu sih nak ung hun ci gui.

1 KORIN 3:9

Keimi cu Khanpughi ah khuut a täng ah kami bik ciah bik bi gui ah kami kyak ci, nangmi cu Khanpughi ah lomaa ah nami kyak ci. Nangmi cu Khanpughi ah im ah phi nami kyak ci.

PHYAWN NAK 2:12

Moses cu mang shüi neta ani hmuk khai a u kä om khäta, Egypt chang cu ngawn ne laigin hmu ah thup ci.

LAMKTU 7:24

Cun ah a hteh yah ung Israel chang cu Egypt chang naw tuthat sei hmuh netah apaw gung tu neh Egypt chang cu ngawn neh phu tuk ci.

LAMKTU 7:26

Angawi ung Israel chang gawi ng’tuh ni sei hmuh gawi netah, Moses naw, “Nang ni cu ng’phäi nau gawi ah kiah netah a i vai na ni ng’tuk ang” ci neh m’chah gawi ci.

SUKI GUI 15:12

Ngami naw, “Nang kami ning khit khai ah shin ung kami lawk ci nei, cun kawn ah ngami am kami ning ap khai nei” cik ci gui. Samson naw, “Nami mät naw kä nami na ngawn vai ah mawng thumkhän na pe vä” cik ci.