LAMKTU 7:15 - Cho Bible Common Language 2016

¹⁵ Jakob cu Egypt khaw ah law tuk ci, acu ah amät lah a hta gui ami van sih tuk ci gui.

LAMKTU 7:15 Referans Kwoze

PHYAWN NAK 1:6

Cun ah khin ung Joseph la a phäi gui ni, ami hta gui ni cu si pyi ci gui.

ATÜNNAK 49:33

Jakob cu a hta gui m’cäi gui yawp neta a ih phak ung ng’yän ba ne sik ci.

JOSHUA 24:4

Isaak ungka naw Jakob la Esau ka pek ci. Kei naw Esau am a kaa nak vai ah Edom khawgui ka pek ci. Cun ung phi nangmi ah pupa Jakob la a hta nau gui cu Egypt khaw ah hteit ci gui.

THULÄÄN NAK 26:5

Bawipa ah om nak ung nangmi naw shin ah ng’thu cu, nami m’cu vai, ‘Kei ah ka pupa cu ng’vaak shüi ciah Aramean ah kyak ci. Ani naw akyong chang gui cu Egypt khaw ah om tuk khai gui ah hteh püi gui ci. Ngami cu acä ah ami hteh yah ung ken hta ci gui. Cun ung phi ngami cu däm ghaw ne, huham mah ciah pakhui ah kya lawk ci gui.

THULÄÄN NAK 10:22

Nami pupa gui Egypt khaw ah ami hteh yah ung ami van cu chihkip bäng vah lawk ci gui. Cun ung phi tuhbäi Bawipa nami Khanpughi naw khomik ung aisi chü ah ning pyang gui ci nei.

KHEI NAK 20:15

A i cha ah kami pupa gui Egypt khaw ah ami gawk, aca ah khaw kum akda kami om tuk ci. Egypt chang gui naw kami pupa gui la keimi cu akshe ah na om püi gui ci gui.

ATÜNNAK 46:1

Jakob cu a khawh gui m’khäp sen neta, Beerasheba ah hteit ne apa Isaak ah Khanpughi cu khawihnah ci.

ATÜNNAK 47:30

Kapa gui ah ng’cim nak ung ka ng’cim hlük ci, Egypt khaw ungka na hteh püi ba ne, ngami ah ng’cim nak ung na na m’cim vai nei” cik ci. Joseph naw, “Na pyen ah ka bik khai nei” cik ci.

PHYAWN NAK 13:19

Moses naw Joseph ah apumsa cu hteh püi ci. Acun ah a bi vai ah Joseph naw Israel gui am aktung ah shai a tak ah phäh ah kyak ci. Joseph naw, “Khanpughi naw a ning gun ba gui hnüüp ung, shin ah hmun ungka ka pumsa cu nami hteh püi ba vai nei” cik ci.

JOSHUA 24:32

Joshua ah a pumsa, Israel chang gui naw Egypt ah ka ami law püi ba cu, Shekhem ung phuh ci gui. Cun cu Jakob naw Shekhem ah pa, Hamora ah hta gui ah a hleih ah khawbung ah vang ah kyak ci, ngui phia awn a hleih ah kyak ci. Cun ah khaw cu Joseph ah htangshon gui naw khui m’düng ci gui.

SAM 105:23

Cun kawn ah Jakob cu Egypt ah hteit ne, acun ah kho ah om tuk ci.