LAMKTU 6:9 - Cho Bible Common Language 2016

⁹ Cunung phi ani cu Sairin lah Alexandria ah ka, Jew chang gui mah ah pum im ung ka, päiye chang gui naw hnu ng’tuk püi ci gui. Acun gui lah Cilicia lah Asia ah ka, Jew chang gui naw Stephen cu ng’küüngneet püi ci gui.

LAMKTU 6:9 Referans Kwoze

LAMKTU 23:34

Gawmang naw ca cu phat netah, “nang a i kho ah kaa ang” ci ne Paul cu ng’shik ci. Ani cu Cilicia kho ah kaa ah a kyak cu hmat netah gawmang naw,

LAMKTU 22:3

Paul naw k’täih ne, “Kei cu Cilicia kho Tarsus gawnu ung ng’tüi ciah Judah chang tumat ah ka kyak ci. Jerusalem ung däm ng’vai law ne, pu pa gui naw ami läk ah thukhän cu Kamaliela ah a lüng ah ka theithang tuk ci. Tuk ngawi nangmi Khanpughi ung nami m’lung a ling ah mäih ah kei phi kam lung ling man ci.

LAMKTU 15:41

Paul cu Siria la Cilicia kho yung ah hteit ne, khrithabum gui am k’thamah nak pe gui ci.

LAMKTU 15:23

Ngahni am ca tumat gu ne m’kan goi ci gui, cun ah ca cu: “Na mi phäi nau gui ah kya ciah, ang düihpüi gui la ang vai gui naw, Antiok gawnu, Siria kho la Cilicia kho ung om ci gui ah chang pakhui hei khritha gui am yeikyai ne ca kami ning pe law gui ci nei.

MATTHE 27:32

Ngami naw ami hteh püi nak lam ah Sairin kho ah kaa, Simon ming nak ciah chang tumat cu hmu u netah, ani cu ang cet ah khü u ne, Bawipa Jesuh ah kutlamtung cu kawh sak ci gui.

KALATIAN 1:21

Cun kawn ah kei cu Siria la Cilicia kho ah ka hteit ci.

LAMKTU 21:27

Ak hnüüp chih nak cu ng’pyi law ghep ghep khä tah Asia kho ah kaa Judah chang amshah gui naw, pum im ah Paul cu hmu u netah, chang gui cu took gui ne, Paul cu ng’lung nah ne phak ci gui.

LAMKTU 19:10

Cun ah kho kum goi ung lüng ne pyein sa ne bilo khä tah, Asia kho ung om ciah Judah chang la changpakhui hei chang avan naw, Khanpughi ah Thu Ni cu ngai ya yawp ci gui.

LAMKTU 18:24

Cun yah ung Alexandria ah kaa Apollos ming nak ciah Judah chang tumat cu Ephesus ah lawk ci. Ani cu ang htei ah ng’thu m’gawng thei ne cacim phi hmat ciah chang ah kya ci.

LAMKTU 16:6

Ngami cu Phrikia la Kalatia kho cu phlän ne hteit ci gui, a i ah kyasei ci ung Asia kho ung thu ami pyein vai ah Mumcha Theing naw lam kä m’shüm gui ci.

LUKA 21:12

Cun gui kä a gawk law pha ung chang gui naw ning pha gui ne, ning dukdeiu na gui khai gui. Pum im ah m’khoichaa vai ah ning ap gui u ne, thawng ung ning chum gui khai gui. Nangmi cu kei ah hmawk ah ghangpughang ah ma, bawi ah ma ah nami gawk khai.

MAKUH 13:9

Nangmi cu ngaih na ne nami om vai. Chang gui naw nangmi cu yung ah m’kawt ung ning ap gui khai gui. Pum im ah k’caw ah ning that gui khai gui. Nangmi cu kei ah hmawk ah bawimang gui la ghangpughang gui ah ma ah gawk u ne, Thu Ni pyein ne nami ng’shä khai.

MATTHE 10:17

Geing nah ne nami om vai, chang gui naw ning pha gui ne yung ah m’kawt ung ning hteh püi gui khai gui.

1 KORIN 1:20

Cun ah kyasei hmuhmat ciah chang a hawi-ang a om, Cacim hmat ciah chang ahawi ang a om, ng’thu m’gawng thei ciah chang a hawi-ang a om! Khomdek khan ah hmuhmat nak phung cu Khanpughi naw gu-aang sak pyi ci nei!

LAMKTU 26:11

Pum im gui ung phi kei naw akda vei ngami cu m’sheitkat gui ne, ami yum nak ami nawng vai ah ka k’tha na man ci. Kei cu ngami ah khan ah m’lung k’she aih netah, a kho hei gawnu gui yungpum ah hteit ne ngami cu ka k’dudeiu na gui ci.

LAMKTU 22:19

Kei naw, “Bawipa Pum im päng ung hteit ne, nang ning yum ciah chang gui pha gui ne, tuthat gui ciah chang, kei ah ka kyak cu ngahmi naw hmat pyi ci gui nei.

LAMKTU 21:39

Paul naw, “Kei cu Judah chang ah ka kyak ci, Cilicia kho, Tarsus mang gaw ung ng’tüi ciah gaw ng’liing mang chang ah ka kiak ci. Na bä ni, chang gui ah ma ah ng’thu ka pyein vai ah nam gein nä” cine pyein ci.

LAMKTU 19:26

Tukbäi nami hmuhmat ah mäih ah Paul naw, chang ah pyan ah a gup gui cu Khanpughi ah kä kya ci nei, cine Ephesus bäng ung ah kä kya ciah Asia kho avan ung changgui m’hleeihlak ne lam hma sak gui ci nei.

LAMKTU 13:45

Cun ung phi Judah chang gui naw chang khli cu hmu u netah, m’thüi na u ne, Paul ah ng’thu pyein cu ng’cuh püi ci gui.

LAMKTU 13:1

Antiok khrithabum kyong ung prophet gui la saya gui akda om ci gui: Cun gui cu; Barnabas, Simeon (Pa Le ah phi ami khü) Sairin ah kaa Lucius, Herod Antipas ah a püi Manaen, la Soul ah kyak ci.

LAMKTU 11:20

Cun ung phi Sairin la Saipras ah kaa yum ciah chang gui cu Antiok ah hteit u ne, Bawipa Jesuh Khrit ah mawng thuni cu chang pakhui hei gui am phi m’thein gui ci gui.

MATTHE 23:34

Kei naw akcang ka pyein cu, nangmi ah om nak ah profet gui, saya gui la hmuhmat ciah chang gui ka tüi lawk khai. Nangmi naw cun ah chang gui cu amshah nami ngawn khai, amshah kutlam tung ung nami tai khai, amshah pum im ah k’caw ah nami tuthat khai, am shah gui cu apigaw päng ung hteit ne nami pha gui khai.

LAMKTU 6:10

Cun ung phi Stephen cu Mumcha Theing ah peit ah hmuh hmat nak awn ng’thu ci kiah neh käm hlan tu ba hlawt ci gui.

LAMKTU 24:18

Taigüim kyong ah kei cu theingcim nak ka bi kawn ah, peit taak nak ka bi law yah ung, ngami naw kei cu na hmuk ci gui. Cun yah ung chang a u kä om ci, thüngphyong pamcai nak phi i kä om ci.