LAMKTU 6:7 - Cho Bible Common Language 2016

⁷ Khanpughi ah ng’thu cu pyän law pi k’täi u sei Jerusalem ung yum ciah chang cu da law pi sei, taigü ng’vai gui phi akda naw yum lawk ci gui.

LAMKTU 6:7 Referans Kwoze

LAMKTU 19:20

Cun ah kyasei Bawipa ah huham awn ang Thu cu ng’shui ne abi bi nak cu khüi ghaat law pi ci.

LAMKTU 12:24

Cun yah ung Khanpughi ah thu cu kho ung thang sei yum ci cu da law pi law pi k’täi ci.

KOLOSE 1:6

Thu Ni naw phyutheh nak cu law püi sei, khomdek khan avan ung gawk ci nei. Acun ah mäih ah nangmi ung akhtük ah mäih ah gawk ciah Khanpughi ah m’gein nak cu ng’ya u ne, ani ah mawng akcang cu nami hmat law ah kyak ci.

HEBRU 5:9

Bawipa cu kümbe nak a gah kawn ah, ang thu ngai ciah chang gui-am, angtäi hun nak pe gui ciah ang yung ah kya lawk ci.

ROMAN 16:26

Cun ung phi tuhbäi chü, cun ah ng’yih ciah ng’düng nak cu profet gui ah guk ah cacim ung dang yawp pyi ci nei. Ang täi ah ghing ciah Khanpughi ah thukhän awn, kho avan ung chang avan naw hmat ne, yum ne, ami läk vai ah cun ah ng’düng nak cu ng’shäu ne pyein pyi nei.

ROMAN 1:5

Khanpughi naw ani ung ang düihpüi ah kyak nak vai ah akhin k’ni cu na pe ne, kho avan ung, chang avan naw Khanpughi cu yum ne ami läk vai ah kei cu m’düih ne na tüi ci.

LAMKTU 14:22

Ngahni naw, “Khanpughi ah uknak kho ung gawk vai ah yaica nak akda mi aut khai” cine m’theithang gui ne, k’thamah m’lung üp nak pe gui ci goi.

HEBRU 11:8

Abraham naw Khanpughi ah khü äi ne ang htukhä nak ah kho ah, düi ne a hteh cu a yum nak awn ah kyak ci. Ani cu a hawi a hteh vai kä hmat pang ne phi amät ah kho cu nawng shüt ci.

2 TIMOTHI 2:9

Kei cu Thu Ni ka pyein ah phäh ah ka geinvai ci, m’si gui awn phi ami na khih nak ah kyak ci. Cun ung phi Khanpughi ah Thu läi cu khih pawn nak kä om ci.

2 THESSALONIAN 1:8

mei m’lei ah tawt ne ang dang law yah ung Khanpughi naw cun gui cu bik khai. Cun ung Khanpughi hnu ng’tuk püi ci gui la Bawipa Jesuh ah mawng Thu Ni kä ngai ci gui cu Khanpughi naw shetkat sak gui khai.

LAMKTU 21:20

Ngami naw Paul ah m’thein tu gui cu ng’ya u netah Khanpughi cu m’hlüngtai ci gui. Cun kawn ah Paul am, “Kami nau Paul aw, Judah chang gui ung kaa, tämkäk phia khak naw Bawipa Jesuh cu yum law u ne, ngami naw thu khän läk vai ah a i hlawk ah ami ng’yaak hlü cu na hmat pyi ah kya ci nei.

LAMKTU 13:8

Cun ung phi (karik thu awn Elimas ming nak ciah) k’ce naw, gawmang naw kä a yum hlawt vai ah Barnabas la Soul cu ng’cuhcan püi goi ci.

JOHAN 12:42

Cun ung phi huham nak om ciah Jew chang akda naw Bawipa Jesuh cu yum ci gui. Cun ung phi pharisee gui naw ngami cu pum im ungka amik täm gui vah kyi u netah, a u naw phi ayum nak ah mawng cu ang dang ah kä pyein ci.

LUKA 2:34

Simeon naw hrilham pe gui netah, Nu Mari-am a pyein nak cu; Israel chang da gui ami didap vai la hun nak ami gah vai ah hmawk ah shin ah ak hmawhta cu Khanpughi naw a ghü pyi nei. Ani cu Khanpughi m’hnüt nak ah kya ne, chang gui naw hnu ng’tuk püi ne ami ng’thu nak awn, ami mät ah m’lung kyong cu dang sak khai gui nei.

MATTHE 19:30

Cun ung phi maa ciah chang gui cu hnu lawk khai gui, hnu ciah chang gui cu maa lawk khai gui nei.

SAM 132:16

Kei naw a taigüpa gui cu ami bi nak phung ung hriham ka pe gui khai, a chang gui naw yei ne m’lau ne ng’äi m’cu khai gui.

SAM 132:9

Na taigüpa gui naw angtäi sei düng nak cu bi u sä; Na chang gui cu yei ne m’lau u sä!

2 SHONTÄP NAK 30:24

Ghangpughang Hezekiah naw chang gui naw ngawn ne ami ei vai ah vantang phia gha la htome phia chih kip cu pe gui ci, cun kawn ah a bawi gui naw phi vantang phia gha la htome phia phia cu pe gui ci gui. Taigü gui akda cu hteit u ne theingthap nak cu bik ci gui.

2 SHONTÄP NAK 29:34

Shin ah seime gui avan ngawn khai ah taigü gui kä ang büh ah a kyak ung ami bi angpyi güit Levit gui naw bawm gui ci gui. Cun kawn ah taigü gui akdapi naw ami mät naw ami mät theingthap sak ci gui. (Theingthap nak ung Levit gui cu taigüi gui ah ta bekhüt ba pi ci gui.)

LAMKTU 2:47

Ngah mi cu Khanpughi m’hlüng m’tai u neh chang ah ng’lung ah mik hmai kiang seih om ci gui. Khanpughi naw ak hnüüp tä seih hun nak gah ci gui cu da law sak gui ci.

LAMKTU 6:1

A pipi shou law sei, ang khah püi gui da law pi k’täi ci gui. Cun yah ung Greek ng’thu ah ng’thu ciah Jew chang gui la khomah Jew chang gui ah ng’lak ah kä ami ng’gei nak om ci. Greek ng’thu ah ng’thu ciah Jew chang gui naw, hmeinu gui cu ak hnüüp tä ng’büh khai ah ngui käk dük ci gui cineh’ she nah gui ci gui.

KALATIAN 1:23

Ngami naw chang hei gui ah pyein ami ng’yak cu, “Mikmi na k’dudeiu na gui man ciah chang naw, yan ä am di vai ah ak tha nak man ah yum nak ah mawng cu, ng’shäu ne pyein ci nei,” ciah kyak ci.

KALATIAN 6:10

Cun ah kyasei mikmi naw akhin mi gah päng ung, chang ah hmawk ah ak ni cu mi bik khai, yum ci gui ah kyong khui ah hmawk ah ak tung pi ah mi bik khai.

JUDE 1:3

Kam’hni ah Teihpüi gui aw, kei naw nangmi am mi van naw yum ne mi dou ah hun nak ah mawng, ca ka ning guk gui vai ah ka k’tha na te ci. Cun ung phi Khanpughi naw ak chang gui am m’khäm ne a ap gui ah yum nak cu khäng htek khai ah nami ghunkhawn vai ah ang ghit ah ca gu ne, nangmi am k’thagui ning peit gui vai cu hlü lawk ci.

JUDE 1:20

Cun ung phi ka teihpüi gui, nami mät ah theingcim pi k’bäih ciah yum nak ung cokyang khänghtek ne nami om vai nei. Mumcha Theing ah hlüngtai nak ah kyong ung nami k’taigü vai nei,