LAMKTU 6:14 - Cho Bible Common Language 2016

¹⁴ Nazaret chang Jesuh naw k’taigüim cu gäi netah, Moses ah peit ah thungyo phi m’shet ciah thu pyein sei kami ng’yak ci nei” ci ne pyän ci gui.

LAMKTU 6:14 Referans Kwoze

LAMKTU 21:21

Nang naw changpakhui hei gui ah ng’lung ah om tuk ciah Judah chang gui am, “Nami hta gui vun aat nak kä nami bi peit gui vai, Judah thung kä nami läk vai” cine, Moses ah thukhän ami nawng vai ah nam theithang gui cu ngami naw ng’yak ci gui nei.

DANIEL 9:26

Cun ah khin ang pyi law hlü ung, Khanpughi naw a ghü ah ang vaihta cu kä taga ciah ngawn khai gui. Mang gaw la Taigüim cu huham mah ciah uktu ah m’gäi ciah gakap naw m’di khai. Ang pyi nak vai cu tuii hlaw ah mäih ah lawk khai. Khanpughi naw a pawng püi ah ng’tuk nak la dishum nak cu law püi khai.

LAMKTU 15:1

Chang amshah gui cu Judea kho ah kaa Antiok ah hteit u netah, “nangmi cu Moses ah thukhän na mäih ah vun aat nak kä nami bi tu ung hun nak kä nami gah tuk khai” cine m’theithang ci gui.

KALATIAN 3:23

Zum nak kä a gawk law pha ung, yum nak ang dang law vai yung khüt sei, thukhän naw üüp ne na khai gui ci.

KALATIAN 3:19

Cun ah a kyak ung thukhän ah ng’bü nak cu a i ang? Thukhän cu shetkat nak ah mawng m’dang nak ah kyak ci. Cun ah thukhän cu shaitaak nak gah ciah Abraham ah hta ng’shon, kä a gawk law pha ah a khin bäng ung om khai ah kyak ci. Cun ah thukhän cu khanchang gui awn, ng’shä tumat ung a yuk peit law ah kyak ci.

LAMKTU 28:17

Hnüüp thum lüng khä tah Paul naw cun ah gawnu ung om ciah Judah chang ng’vai gui khü gui ci. Ngami cu law ne ng’cut law u khätah, Paul naw, “Israel chang phäi nau gui aw, kei naw mi mät ah pakhui ah khan ah phi bäi, mi pupa gui ah thung man gui ah khan ah phi bäi, m’shetkat ne a i phi ka bi lawh kä om lang sei, kei cu Jerusalem ah Jew chang gui naw na pha u netah, Rom chang gui ah kut ung na ap ci gui nei.

JOHAN 4:21

Bawipa Jesuh naw, “Hnumi awi, ka pyein cu ngai ä; shin ah m’htung ah phi bäi, Jerusalem ah phi bäi, Khanpughi kä khawihnah nak ba vai ah akhin gawk lawk khai nei.

LUKA 21:6

Bawipa Jesuh naw, “Shin ah nami hmuh gui cu avan she ne maih khai nei. Lung k’pei tumat phi a hnün ung kä ng’taih ba shüt sei she ne a maih nak ah a khin gawk lawk khai nei,” cik ci.

LAMKTU 26:3

Nang naw Judah chang gui ah thung man la ami ng’cuhcan gui man cu na hmat pyi ci. Cun ah kyasei kei ah thu pyein tu ba cu hnimgei nak awn nah na ngaih pet vai ah ka ng’ya hlük ci nei.

LAMKTU 25:8

Paul naw, “Kei naw, Judah chang gui ah thukhän ah khan ah phi bäi, Pum im ah khan ah phi bäi, ghangpughang ah khan ah phi bäi, ka shetkat nak tumat hta phi kä om ci,” cine m’hlan tu ba gui ci.

LUKA 21:24

Chang amshah cu chim awn sik khai gui, amshah cu pha ne, khlei htein nah ne, a kho päng ung hteh püi khai gui. Chang khui hei gui naw ami uknak kä ang pyi pha ah chuih Jerusalem cu ami kho awn kai nak khai gui.

ZEKHARIAH 14:2

Bawipa naw pakhui avan cu Jerusalem ung ng’tuk khai gui ah atäng ah law püi gui khai. Mang gaw cu khäm u ne, im gui cu gut tep u ne, hnumi gui cu phye k’pyei khai gui. Chang a cukchü cu pha ne dawng püi khai gui, a cuchü cu mang gaw ah k’pawih shüt khai gui.

MAKUH 14:58

“Chang ah kut awn cawh ah shin ah pum im cu kei naw ka plawh khai, cun kawn ak hnüüp thum hnüüp ung chang ah kut awn kä cawh ah pum im cu kei naw ka co khai” cine a pyein cu kami mät naw

MATTHE 26:61

Ak hnu ah chang hnih cu ng’düi law ni netah, “shin ah chang naw, kei naw Khanpughi ah pum im cu, gäi netah, hnüüp thum ah kyong ung ka cou ba hning ci cik ci nei, cine saksi ci goi.

ZEKHARIAH 11:1

Lebanon, na m’kawt gui cu Hmawng ä, Cun ung na cedar sing ghing gui cu mei naw ui khai.

MIKHAH 3:12

Cun ah nangmi ah om ah, Zion cu lai ah mäih ah thawn khai gui, Jerusalem ci di nak ah m’dek ng’plum ah kyak khai. Taigüim m’htung cu bung ah ng’lat khai.

HOSEA 3:4

Acun ah mäih ah Israel chang gui phi ghangpughang gui ang vai gui kä om sei khawihnah la theingcim ciah lungtung gui kä om sei, agup gui amüi gui khawihnah vai kä om sei, akshou nu om khai gui.

JEREMIAH 26:18

Hezekiah cu Judah ghangpughang ah a kyak yah ung, moresheth ah ka prophet mikah naw chang gui avan a pyen nak gui cu, m’gäi ciah Bawipa naw pyen ci, ‘Zion cu lai ah mäih ah thawn khai gui, Jerusalem cu akshe gui oum ah kyak khai, Taigüim m’htung cu bung ah kyak khai.’

JEREMIAH 26:12

Cun kawn ah kei naw ka pyen ci, “Nangmi naw nami ng’yak ah shin ah Taigüim la shin ah mang gaw hnungtuk ne ang nü nü ka ng’shäu khai ah kei cu Bawipa naw ana tüih law nei.

ISAIAH 65:15

Kei naw ka ghü ah chang gui naw nang ah ming cu plah taam nak ah mang khai. Kei, Uktu Bawipa naw sih nak ka ning pe gui khai. Cun ung phi kei na ngai ciah chang am ming ak thai ka pek khai.

JOHAN 2:19

Bawipa Jesuh naw, “Shin ah pum im phi phye ne phlu vä, hnüüp thum ah kyong ung ka co ba khai nei” cik ci.