Biblia Todo Logo
Bib sou entènèt

- Piblisite -




LAMKTU 6:11 - Cho Bible Common Language 2016

11 Cun ah kiah khätah ani cu Moses lah Khanpughi cu m’kat ne ng’thu pyein sei kami ng’yak ci nei” ci neh ami kyak vai ah, chang am shah am khawh pe neh pyein sak gui ci gui.

Gade chapit la Kopi




LAMKTU 6:11
28 Referans Kwoze  

“Ak ni a gawk law vai ah ak she cu mi bi vai,” cine mi pyein khai ang! Acun ah mäih ah kei naw ka pyein ah pyein u ne chang amshah naw ng’thu gu na k’bün ne na katnak ci gui nei. Cun ah chang gui cu ami gah vai ah mäih ah m’khoichaa nak gah khai gui nei.


Paul gawk law khä tah Jerusalem ah kaa lawk ciah Judah chang gui naw, ani cu k’bui u netah, thuuk ne shah ciah katnak gui k’bün ne k’sung ci gui, cun ung phi acun ah mawng saksi käm dang hlawt ci gui.


Ngahmi cu Paul ami law püi ung lam ah mah ne ngawn vai ah pawng pyi ci gui ah kya ne, Ngami am hlün nak gui ah Paul cu Jerusalem ah a hteh püi ba sak gui vai ah k’thäh ci gui.


Cun ah pha u netah, “Israel chang gui aw, na bi law püi gui vä, shin ah chang cu kho ng’nü ah hteit ne Israel chang gui ni, Moses ah thukhän pum im ah mawng gui ni cu päipih täitawk ne chang gui am m’theithang gui ci nei. Cun bäng ah kä kya ciah shin ah chang naw changpakhui hei gui cu pum im kyong ah law püi gui ne, ak theingcim nak pi cu shetkat sak ci nei” ci ne m’lau ci gui.


Ani cu Judah chang gui naw hnu ng’tuk püi ne k’shedam nah u khätah, Paul naw ami ma ah a sui k’khawng ne, “Nangmi nami dimaih ung phi nami mät ah chaw ah kyak khai nei, kei naw kä ka pyein tu ba khai, tuk bäi ung tün ne changpakhui hei gui ah hteit ne ka pyein khai nei” cine pyen na gui ci.


A i ah kyasei ci ung, cau ä tün ne, apigaw päng pum im gui ung, kyin hnüüp phung ung Moses ah thukhän gui cu phat ne, thu awn phi pyein lä ah kya ci” cine pyein ci.


Cun kawn ah hleei neh saksi khai gui phi, thäm law gui ci gui. Cun ah saksi gui naw, “Shin na chang cu Taigüim lah Moses ah ng’thu m’khän cu hnu nah neh ng’thu pyein ci nei,


Ngami cu Kapa phi kä hmat ci gui, kei phi kä na hmat ci gui ah kia ne, acun ah bik khai gui nei.


Khanpughi naw, Moses am thu am thein cu kami hmat ci, cun ung phi shin ah chang a hawi kaa a law ah kä kami hmat ci” cik ci gui.


Khanpughi naw Thukhän cu Moses ung na pe gui ci, cun ung phi geinsei nak la düng nak cu Jesuh Chrit ung na pe gui ci.


Pum im gui ung phi kei naw akda vei ngami cu m’sheitkat gui ne, ami yum nak ami nawng vai ah ka k’tha na man ci. Kei cu ngami ah khan ah m’lung k’she aih netah, a kho hei gawnu gui yungpum ah hteit ne ngami cu ka k’dudeiu na gui ci.


Cun kawn ah sih nak ung gawk khai. A u Israel chang phi, Israel ah om tuk ciah a u khaw hei chang phi, Bawipa plah ci phung cu, chang bum van naw lung awn vawi ne, nami ngawn vai nei.


“Ng’thukshe cu kä na k’püi tu vai, ng’thukshe awn saksi ne changshe kä na gun tu vai.


Taigü gui la prophet gui naw ami ng’vai gui la chang gui ami pyen nak gui cu, “Shin ah chang cu mi mang gaw hnungtuk ne ng’thu pyen ci kyasei ngawn vai nei, ani ah pyen cu nami hnga awn nami ng’yak ci nei.”


Cun ung phi kei, Benjamin m’kawt ung ka gawk law yak ung, acun ung ng’vaipi ne bii bik ciah gakap gui ah ami bawi Irijah ming nak ci, Shelemiah ah hta, Hananiah ah tu naw ng’düih sak neta, “Nang cu Babilonian chang gui täng ah na dawng ci nei!” cik ci.


Cun ung phi Stephen cu Mumcha Theing ah peit ah hmuh hmat nak awn ng’thu ci kiah neh käm hlan tu ba hlawt ci gui.


Cun ah bi u neh chang akda gui, ami ng’vai gui lah ng’thu m’khä saya gui cu k’tü k’phlawh gui u sei, ngami naw Stephen cu phah neh kawngsi yung ah hteh püi ci gui.


Swiv nou:

Piblisite


Piblisite