LAMKTU 6:1 - Cho Bible Common Language 2016

¹ A pipi shou law sei, ang khah püi gui da law pi k’täi ci gui. Cun yah ung Greek ng’thu ah ng’thu ciah Jew chang gui la khomah Jew chang gui ah ng’lak ah kä ami ng’gei nak om ci. Greek ng’thu ah ng’thu ciah Jew chang gui naw, hmeinu gui cu ak hnüüp tä ng’büh khai ah ngui käk dük ci gui cineh’ she nah gui ci gui.

LAMKTU 6:1 Referans Kwoze

LAMKTU 4:35

Cun kawn ah ang düihpüi gui naw tumat ciah, ng’yak hlü ah ciah, tei pai gui ci gui. Cun ah kiah sei ngah mi ung i kä tak cicu kä om ci.

LAMKTU 2:41

Chang ak da naw a ni ah ng’thu yum u neh tui ng’hnim u seih cun ah hnüüp ung chang sing phia thum kip lawh law neh da lawk ci gui.

JAMES 5:9

Ka phäinau gui aw, tumat la tumat shetkat nak kä nami ng’lon nen tu vai, cun ung Khanpughi naw kä ning m’khoichaa gui khai. Thu m’chak khai cu gawk law ne ng’düi law pyi ci nei.

LAMKTU 9:39

Cun ah kyasei Peter cu, cun ah chang goi awn a täng ah gui law tuk ci. A gawk law vai am chang gui naw Peter cu im akhan kyong ah hteh püi ci gui. Hmeinu gui cu kyap ne Peter ana bui u ne, Dorkas naw a ghin yah ung a tah ah suinu suitha gui cu ana m’hnuh ci gui.

LAMKTU 6:7

Khanpughi ah ng’thu cu pyän law pi k’täi u sei Jerusalem ung yum ciah chang cu da law pi sei, taigü ng’vai gui phi akda naw yum lawk ci gui.

LAMKTU 2:47

Ngah mi cu Khanpughi m’hlüng m’tai u neh chang ah ng’lung ah mik hmai kiang seih om ci gui. Khanpughi naw ak hnüüp tä seih hun nak gah ci gui cu da law sak gui ci.

PHILIPPIAN 3:5

Kei cu khaw hnüüp chih ka law yah ung vun-ah nak ka gah ci. Kei cu Israel chang, Benjamin pakhui, Hebru nupa nah ne ka ng’tüi lawk ci. Jew gui ah thukhän läk nak pyein law ung kei cu Pharisee tumat ah ka kyak ci.

LAMKTU 11:20

Cun ung phi Sairin la Saipras ah kaa yum ciah chang gui cu Antiok ah hteit u ne, Bawipa Jesuh Khrit ah mawng thuni cu chang pakhui hei gui am phi m’thein gui ci gui.

LAMKTU 9:41

Peter naw cun ah hnumi cu k’pang ne ng’düih sak netah, hmeinu gui mah mah ah yum ciah chang gui ami van cu khü gui ne, ghing ba ciah Dorkas cu ap gui ci.

LAMKTU 9:29

Ani cu Greek thu ah ng’thu ci gui ah Jew chang gui awn phi, ng’küüknet neh ng’thu pyein ci gui, Cun ung phi ngami naw ani cu ngawn vai ah ng’ge nak ci gui.

LAMKTU 5:14

Cun ung phi Bawipa yum ciah hnumi pami gui cu da law pi täi ci gui.

LAMKTU 4:4

Cun ung phi a ni ng’thu ng’yah tuk ciah chang ak da naw, Bawipa yum tuk ci gui. Zum ciah chang avan phia hma kip law lawk ci.

HEBRU 13:1

Krihta ah kya ne tumat la tumat nami yumhni tu vai nei.

2 KORIN 11:22

Cun ung phi chang tumat cu ak gu ah mäih ah ang thu ah a kyak ung, kei phi acun ah mäih ah ka ng’thu khai nei Cun cu gu ng’thu ah kyak ci nei. Cun ah chang gui cu Hebru ah ami kyak ung kei phi acun, Israel ah ami kyak ung, kei phi acun, Abraham ah hta ng’shon ah ami kyak ung kei phi acun,

LAMKTU 2:45

Ngah mi cu ami khawh cham yawi tuh u neh pyamtham ci am ami ng’yak hlü ah ciah tei pai ci gui.

MATTHE 23:13

“Thuvi ciah Pharisee gui la thukhän saya gui, nangmi ung thüinak aih om ci. Nangmi cu khankho ah chang gui naw ami kai nak vai ah m’kawt nami khai ci. Nami mät phi kä nami lut ci, lut hlü ne tha nak ciah chang phi kä nami luh sak ci.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

JEREMIAH 30:19

A cun ung om ciah Chang gui naw m’hlüngtai nak ng’äi m’cu khai gui; Ngami cu yei ne m’lau khai gui. Kei ah hriham awn ngami cu da u ne, kei ah hriham naw ngami m’tam khak nak cu law püi khai.

ISAIAH 27:6

Lawk ciah hnüüp gui ung, Jakob ah hta ng’shon, Israel chang gui cu sing ah mäih ah ng’yung pya u ne, khomdek cu küm khai nei.

ISAIAH 1:17

Ak ni bi vai ah ng’thei vä. Taga ciah bi cu nami teng vai — ami shedam nak cu nami m’hteihtang vai, hmei hta guiam ak chaw nami pek vai, hmeinu gui nami shungvong vai.”

SAM 72:16

Kho do kho hmun ung htang-m’guh be sä; khogui khomhtung cu Lebanon ah mäih ah theih ciah sing awn be sä. Lolai ma ah khu m’ghaw abe ah mäih ah mang gaw gui cu chang awn be sä.

JAMES 4:5

“Khanpughi naw mikmi ah kyong ah a thunthan ah mümcha cu, kyihkyawk vai ah ng’yak nak hlü awn be ci nei,” ciah cacim ung om cicu kä bä khai ah kä nami ngaih en vai nei.

JAMES 1:27

Pa Khanpughi ah ma ah theing ne ciim ciah ayum nak om ciah chang cu; geinvai ciah hmeihta nausen gui la hmeinu gui cu, m’theithang ne, m’dekhan shetkat nak gui phiawn nak vai ah, a htingling ah om ciah chang ah kyak ci.

1 TIMOTHI 5:9

A khokum chuk-kip kä be phak ciah hmeinu cu, hmeinu ah kä k’bäi cang vä. Ani cu hnüät bäng ceimah ciah kyak khai,

1 KORIN 10:10

Mikmi cu chang amshah gui ah mäih ah kämi ng’nakso tuk khai, ngami cu Sihnak ah khanchang naw m’di gui yawp ci.

LAMKTU 5:28

“A cun ah chang ah ng’ming awn kä na mi m’theithang en ba vai ah, keimi naw ak khengah kami ning maa nah gui pyi ci, Cun ung phi nangmi naw Jerusalem khaw avan ung na mi m’theithang gui pyi ci. Ani ah sih phi keimi ah om ah nami pyein law hlü pyi ci nei” ci ne kyak nah gui ci gui.

EZEKIEL 22:7

Mang gui ung a u naw phi a nupa kä m’tamkhah ci. Nangmi naw khohei chang gui m’hleei gui ne hmeinu hmeihta gui nami shedam

SAM 110:3

Na ga gui na tuk gui hnüüp na chang gui naw ning düih püi khai gui. Khongawi k’siik ung khüi toi ah mäih ah, khom’htung theing ung na chang nong gui naw ning law nak khai gui.

JOB 31:16

Dukhaih ci m’hteihtang vai ah kä ka ma phung man ci, Yaica ciah hmeinu gui phi kä ka nawng düt man ci.

JOB 29:13

Ak nui pi am lung geinvaici gui naw kei cu na m’tam ci gui. Hmeinu gui phi m’lung üp nak ami gah vai ah ka m’htei gui ci.

THULÄÄN NAK 26:12

“A kum thum nak päng ung bumgha gum ät nami pek vai, Nami geit a gha ungka aät, Levit gui, khuihei chang gui, hmei hta gui la hmei nu gui am nami pek gui vai. Cun ah kyasei chang bum päng ung am ei vai hlü cicu avan gah khai gui. Shin ah nami bi kawn ah,

LAMKTU 6:2

Cun ah kiah sei ang düihpüi gha-lei-gawi naw yum ciah chang van cu khü gui u netah “Keimi cu Khanpughi ah ng’thu pyein nak nawng en neh ngui ah mawng kami bilawi khai ah kä kyak ci.

LAMKTU 11:26

Ani cu hmuh netah Antiok khaw ah law sei, ngami cu a khokum pum khrithabum gui awn ng’hmuh u ne, chang akda cu m’theithang ci goi. Bawipa yum ciah chang gui ak htük bäih ah Khritha ah ami khü nak gui cu Antiok gawnu ah kyak ci.

LAMKTU 11:29

Zum ciah chang gui naw ami m’khüt hning phäh phäh ah, Judea kho ah khritha phäi nau gui cu peit taak gui vai ah k’bäi ci gui.

ROMAN 12:7

Mikmi ah gah m’gein nak cu, chang gui m’theithang nak gui vai a kyak ung mi m’theithang gui khai.

1 TIMOTHI 5:3

A mät om ciah hnumi gui cu nami m’hteihtang tu vai nei,